Бала, иллюстративті фото

Бала "ұрлаушы" Қостанай жұртын әбігерге салды шын мәнінде не болды?

817
(Жаңартылды 11:19 03.10.2018)
Дүйсенбі күні кешке Қостанайда көшенің ортасында кішкентай баланың ұрлағаны туралы қауесет ата-аналарды дүрліктірді

АСТАНА, 2 қазан — Sputnik. Полиция қызметкерлері дүйсенбі, 1 қазан күні кешке баланы ұрлап кетуі мүмкін ер адамды іздеуге кірісіп, таңертең оқиғаға қатысушылардың кім екенін анықтады. 

Кеше жергілікті БАҚ мектеп оқушысы кішкентай баланы қызыл көлікке күштеп мінгізіп, алып кеткеніне куә болғанын жарыса жазды. Қыз оқиғаны анасына айтып берген, ал ол полицияға хабарласқан. Ата-аналар чаттарында мұғалімдерді өз оқушыларын түгендеуге шақырған дауыстық хабарлама таралып кетті.   

Сейсенбі күні таңертең Қостанай полициясы оқиғаның қалай болғанын анықтады. Құқық қорғау органдарының мәліметінше, 10 жастағы қыз белгісіз ер адам баланы қызыл көлікте мәжбүрлеп мінгізіп, белгісіз бағытта жүріп кеткенін көріп қалған. 

Полиция ақпаратты тексеруге кіріскен. Полицейлердің өтініші бойынша, Затобол елді мекеніндегі мектептердің мұғалімдері оқушылардың ата-аналарына шұғыл хабарласып, жоғалған баланың жоқ екенін мәлімдеді.

Затобол елді мекеніндегі аулаларды шолу барысында полиция қызметкерлері қызыл түсті Volkswagen Jetta көлігінің 43 жастағы иесін анықтады.  

"Аталған ер адам 1 қазан күні сағат 19.00-де "Березка" дүкенінен төрт жасар ұлымен бірге шыққаны белгілі болды. Осы кезде бала құлап қалып, айқайлай бастаған. Ер адам баланы көтеріп алып, көлікке отырғызып, үйіне алып кеткен.  Кейіннен арыз беруші ер адамды, бала мен автокөлікті таныды", — деп жазылған Қостанай облысы Ішкі істер департаментінің баспасөз хабарламасында.

Осылайша бала ұрлау дерегі расталмады. 


817
Кілт сөздер:
полиция, бала ұрлау, Қостанай
Тақырып бойынша
Ер адам тапа-тал түсте мәйітханадан енесінің денесін ұрлап кетті
Алматы облысында ер адам мешіт жанында үш жасар қызды ұрлап кетті
ОҚО-да қырыққабат сатушы қызды кімдер ұрлап кеткені белгілі болды
Талдықорғанда бала ұрланғаны рас па?
Ермағанбет Бөлекбаев

Қарағанды қаласына жаңа әкім тағайындалды

153
(Жаңартылды 13:58 23.09.2020)
Қарағанды қаласын алты жыл басқарған Нұрлан Әубәкіров басқа жұмысқа ауысуына байланысты қызметінен босатылды

АЛМАТЫ, 23 қыркүйек – Sputnik. Қарағанды облысы әкімінің орынбасары қызметін атқарған Ермағанбет Бөлекпаев Қарағанды қаласының әкімі қызметіне тағайындалды, деп хабарлады қала әкімдігінің баспасөз қызметі.

Жаңа лауазым иесінің кандидатурасы қалалық мәслихат депутаттарымен келісілгеннен кейін облыс әкімі Жеңіс Қасымбек әкімді таныстырды.

"Ермағанбет Қабдолұлының жұмыс тәжірибесі мол. Ол өз жобалары мен бастамаларын лайықты жалғастыратынына сенімдімін. Мен Нұрлан Ерікбайұлына атқарған үлкен жұмысы үшін алғысымды білдіремін. Оның қалада жұмыс істеген кезеңінде көптеген жүйелі мәселелер шешілді. Олардың көпшілігін ол өзі бастап, өзі шешті", – деді Жеңіс Қасымбек.

Қарағанды облысының әкімі жаңа қала басшысына коммуналдық және қоғамдық көлік мәселелерін шешуді тапсырды.

Ал бұған дейін Қарағанды қаласының әкімі болған Нұрлан Әубәкіров басқа жұмысқа ауысуына байланысты қызметінен босатылды. Ол қаланы алты жыл басқарған.

Оқи отырыңыз: Шығыс Қазақстанда бұрынғы еден жуушы әкім болды

Айта кетейік, тамыздың басында Нұрлан Әубәкіровтің құны 5 мың доллар тұратын сағаты әлеуметтік желіде қызу талқыланған болатын. Ол бұл сағатты он жыл бұрын жақындары сыйлағанын айтты

Ермағанбет Бөлекпаевтың өмірбаяны

Ермағанбет Бөлекпаев 1975 жылы 2 қыркүйекте Қарағанды облысының Шет ауданындағы Өспен ауылында дүниеге келген.

1996 жылы Бөкетов атындағы Қарағанды мемлекеттік университетінің экономика факультетін бітірген.

Еңбек жолын 1996 жылы "Казкоммерцбанк" ААҚ Теміртау филиалында экономист қызметінен бастаған. 1997 жылдан 1998 жылға дейін Астанадағы "Бизнес-Информ" ИКО өкілдігінің директоры қызметін атқарды.

1998 жылдың қараша айында индустрия, энергетика және сауда министрлігінде экспорттық бақылау және лицензиялау департаментінің бас маманы лауазымында жұмыс істей бастады.

2002 жылы осы ведомство бастығының орынбасары болды.

2006 жылы Павлодар облысы әкімі аппараты басшысының орынбасары, 2006 жылдан 2008 жылға дейін облысқа қарасты Павлодар ауданының әкімі болды.

2008 жылдан 2009 жылға дейін Павлодар облысының кәсіпкерлік және өнеркәсіп басқармасын басқарды.

2013 жылдан 2018 жылға дейін Нұр-Сұлтандағы "Сарыарқа", "Алматы" және "Есіл" аудандарының әкімі болды.

2018 жылы Қазақстан Республикасы президенті әкімшілігінің мемлекеттік инспекторы болып тағайындалды.

2018 жылғы қарашадан бастап қазірге дейін Қарағанды облысы әкімінің орынбасары қызметін атқарды.

153
Кілт сөздер:
экс-әкім, жаңа әкім, Қарағанды
Тақырып бойынша
Әкім қызметтен кететінін мәлімдеді – видео
Нұр-Сұлтанда үйге газ кіргізу бағасы қанша теңге болады – әкім жауабы
Қазақстанда бірнеше әкім отставкаға кетуге өтініш берді
Жезқазғанға жаңа әкім тағайындалды
Әрбір оқушыға – 40 мың теңге: әкім ақшаның неге қолға берілмейтінін түсіндірді
Теміржол

Оралда әйелді пойыз басып кетті

172
Құқық қорғау органдары аталған дерек бойынша тергеу басталғанын хабарлады. Оқиғаның мән-жайы әзірге белгісіз

НҰР-СҰЛТАН, 22 қыркүйек – Sputnik. Оралда теміржол өткелінде қайғылы оқиға болды – әйелді пойыз басып кетті. Бұл туралы "Мой Город" басылымы хабарлады.

ҚТЖ пойызы
© Sputnik / Серикжан Ковланбаев
Оқиға Желаев тасжолы аумағында түскі уақытта болған. Батыс Қазақстан облысының денсаулық сақтау басқармасы жедел жәрдем диспетчеріне қоңырау 22 қыркүйек  күні сағат 13.15-те түскенін хабарлады.

Оқиға орнына келген жедел жәрдем дәрігерлері белгісіз әйелдің мәйітін тауып алған.  

Олар марқұмның жасы шамамен 50-де болғанын айтады. Дәрігерлер зардап шегушінің аяқ-қолы кесіліп қалғанын жеткізді.

Оқиғаға көліктегі полиция департаментінің баспасөз қызметі де түсініктеме берді. Олар қылмыстық заңнамаға сәйкес пойыз қағу дерегі бойынша сотқа дейінгі тергеу басталғанын хабарлады.

Қалған ақпарат Қазақстан Қылмыстық-процессуалдық кодексінің 201-бабына сәйкес жария етілмейді.

172
Кілт сөздер:
Орал, пойыз
Тақырып бойынша
Жамбыл облысында екі адамды пойыз басып кетті
Қарағандыда оқушы қыз жұмбақ жағдайда қаза болды
Көкшетауда теміржолды кесіп өтпек болған ер адамды пойыз басып кетті
Теміржолда тұрған 59 адамды пойыз басып өлтірді
"Әйелім қалып қойды": жүріп кеткен пойызды тоқтатқан астаналық айыппұл төледі
ҚР Салық кодексі

Мемлекеттік кірістер комитеті өткен жылдың көлік салығы неге есептелгенін түсіндірді

0
Салық міндеттемелеріне түзету енгізуге түскен 1507 өтініш иесінің басым көпшілігінің көлігі 2020 жылы сатылған

АЛМАТЫ, 23 қыркүйек – Sputnik. Қазақстандықтар көліктерін сатқан кезде, оны уәкілетті органның тіркеуінен алып тастамайды немесе қайта рәсімдемейді.

"Салық міндеттемелеріне түзету енгізуге түскен 1507 өтініштің 1282-сі 2020 жылы сатылған көліктерге қатысты болып тұр, бұл -  86%", - деп хабарлады мемлекеттік кірістер комитеті.

Қалған 225 өтініш сенімхат арқылы сатылып кеткен көлік иелеріне тиесілі.

"Салық органдары салық заңнамасының нормаларына сәйкес уәкілетті органның берген мәліметі негізінде 2019 көлікке салынатын салықты 2020 жылы, ал 2020 жылдың салығын 2021 жылы есептейді", - деп хабарлады комитет.

Сонымен қатар, наурыз айында коронавирус пандемиясының басталуына байланысты салық органдарында азаматтардың жаппай шоғырлануын болдырмас үшін қазақстандықтарға салық салынбаған.

Қазір салық органдары азаматтарға 2019 жылға және өткен жылдарға тиесілі, соның ішінде 2020 жылы сатылған көліктерге қатысты салық берешегі туралы мәліметті жаппай таратып жатыр. 2019 жылғы және одан бұрынғы салықты төлемей, көлігін биыл сатып жіберген азаматтарға қарызы туралы хабарлама жіберілді.

Жеке тұлғалар салық сомасын өзі есептей алады, оны 31 желтоқсаннан кешіктірмей төлеу керек.

Көлікке салынатын салықты есептеу үшін мемлекеттік кірістер комитетінің порталындағы "Салық калькуляторы" сервисін пайдалана аласыз.

0
Кілт сөздер:
салық, кодекс