Сәби

Түркістан облысында сәбидің бетіндегі дақ 3 келі ісікке айналды

485
Жас ана Гүлжан Пулатова сәбиінің басынан өтіп жатқан жантүршігерлік жағдай туралы айтып берді

ШЫМКЕНТ, 15 қазан — Sputnik. Түркістан облысында сәби бетіне шыққан қарапайым дақ 3 келі ісікке айналды. Сәбидің анасы осы уақытқа дейін ауруханаға жиі барып, дәрігерлерден тоқтаусыз көмек сұрағанын айтады. Сондай-ақ, ол бұл жағдайға дер кезінде қол ұшын созбаған ақ халаттыларды кінәлап отыр. Заңгер Асылхан Едресұлы да мұны балаға жасалған қылмыс деп есептейді.

2017 жылдың 10 қарашасында Фәтима Әлиасқар Түркістан облысы Жетісай ауданында дүниеге келді. Туғанда бетінде қара дақ болған. Сол дақ бүгінде үлкен ісікке айналып отыр. Анасының айтуынша, дер кезінде ем жүргізбеген дәрігерлер мен қағазбастылықа салынған шенділер 8 айлық Фәтиманың ауруын асқындырып алуға себеп болған. 

"Балалар дәрігері сәбиімнің бетін сүртіп көрді. Бастапқыда "Бұл не дақ болды?" деп таңғалып жүрді. Кейін бала өзіне келіп, бетіндегі көкшіл дағы кете бастағанда оған "гемангиома" деген диагноз қойды", — деді жас ана КТК арнасының "Дау-дамайсыз" бағдарламасында. 

Гүлжан Пулатованың айтуынша, жүктілік мерзімі жеңіл өткен. Фәтиманы өзі босанып, екі тәуліктен соң ана мен бала аман-есен үйге шыққан. Араға 15 күн салып әйел сәбиінің бетіндегі дақтың көлемі үлкейіп келе жатқанын байқайды. Алайда ауыл дәрігерлері жолдама құжат әзірлегенше, тағы он күн өтеді. Құжаттар дайын болған соң алғаш рет облыстық ауруханаға алып келеді. 

"Шыңдасов Олжас есімді хирург маман қарады. Сол азамат "Қырқынан шыққан соң алып келіңіз" деп айтты. Бастапқыда ісік көзінің астыңғы бөлігін жапты. Мен сол жерде қорқып жылап жібердім. "Сәбиімнің көзі жұмылып барады. Өтініш, маған көмек беріңіз" деп сұрадым. Ол болса "Неменеге маған жылап тұрсыз? Ауру қылған мен бе? " деп өзіме ұрысты. 20-25 күннен кейін айтқан дәрілерін ішіп, ауруханаға қайтып келдік. Осылай төрт айға дейін жалғасты", — дейді Гүлжан Пулатова. 

Гемангиома дегеніміз – тері ішіне шыққан қызыл мең. Оны дер кезінде күйдіріп немесе дәрімен, екпемен емдеп алмаса, асқынып кетуі мүмкін. Әйел сәбиінің қандай ауруға шалдыққанын білу үшін өз бетімен іздене бастағанын айтады.

"Не себепті балам бетіндегі қызыл дағымен ауруханаға жатуы тиіс? " деген оймен интернетті біраз ақтардым. Тіпті, youtube желісінен ауруларға қатысты түрлі видео қарай бастадым. Ұқсас аурулар көріп қалсам, олардың емделуі туралы іздейтін едім. (…) Ақырында дәрігерге баламды ауруханаға жатқызғым келетінін айтып жалындым. Жатқызбаған соң қайтып кеттік. Ақыры арада алты ай өтті", — деді әйел. 

Сондай-ақ, ол осы күнге дейін Алматы Астана және Ташкент профессорларының көмегіне де жүгінгенін айтты. Баласын уайымдаған Гүлжан Пулатованың омырау сүті тартылып қалған. Соңында алты айлық баланың салмағы алты, ал бетіндегі ісіктің салмағы үш килограмға жеткен. Отандық заңгер Асылхан Едресұлы мұның балаға қатысты жасалған қылмыс екенін айтады. 

"Бұл жас сәбиге жасалған қылмыс деп есептеледі. Өйткені қазақта "Ауруын жасырған өледі" деген аталы сөз бар. Бұлар сәбиді емдеудің орнына шешесін қорқытып келген. Керісінше олар "Бетін мына нәрсемен сүрт" деп шұғыл әс-әрекет қолданулары керек еді. Бүгінгі күні бала мүгедек болып отыр. Осыған байланысты баланы бірінші қараған дәрігер және осы жердегі маман қылмыстық жауапкершілікке тартылулары тиіс. Бұл осындай жағдай екінші рет қайталанбауы үшін жасалуы тиіс", — деді заңгер.

Бүгінде Фәтиманы жол шаршатқан. Себебі Асықата мен Шымкенттің арасы – 500 шақырым. Оның үстіне жаз бойы аптапты көтере алмаған сәбидің ыстығы жиі көтеріледі. Соңғы үш айда олар Шымкент облыстық аурухана жанынан пәтер жалдап тұруға мәжбүр.

485
Кілт сөздер:
ісік, дерт, ана мен бала, дәрігерлер, сәби, Түркістан облысы
Тақырып бойынша
Белгісіз дерт: Қостанай тұрғынының бетінде үлкен ісік пайда болған
Ғалымдар қатерлі ісік пен кәрілікті қашан жеңетінін айтты
Көкшетауда 10 айлық сәби менингит диагнозымен ауруханаға түсті
Пәтер кілті

Пневмониядан қайтыс болған ауыл имамының ұлына баспана кілті табыс етілді

275
(Жаңартылды 17:52 27.09.2020)
Тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды

НҰР-СҰЛТАН, 27 қыркүйек – Sputnik. Қазақстан мұсылмандары діни басқармасының төрағасы, бас мүфти Наурызбай қажы Тағанұлы Түркістан облысына жасаған сапары аясында Сайрам ауданының Арыс ауылындағы мешітте имамдық қызмет еткен марқұм Мәдікәрім Құрбанбаевтың балаларына мүфтият салып берген баспананың кілтін табыс етті.

Мүфтияттың баспасөз қызметінің хабарлауынша, көп жылдан бері дін жолында қызмет етіп, Исламды насихаттап, түрлі игі шаралардың басы-қасында жүрген Мәдікәрім Құрбанбаев пневмония кеселіне шалдығып, қайтыс болған. Артынша өмірлік жан жары да осы жаман індеттен көз жұмған.

"Өте қиын сәтте рухани һәм материалдық тұрғыдан қолдау мақсатында бас мүфти Наурызбай қажы Тағанұлы "Ел үлесі – пәтерге" акциясының аясында асар әдісімен салынған 5 бөлмелі үйді марқұмның артында қалған ұлы Абдулбасидке табыс етті", – делінген хабарламада.

Айта кетейік, тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды.

Оқи отырыңыз: 2021 жылы салымшылар зейнетақы жинағының бір бөлігін баспана сатып алуға пайдалана алады

275
Тақырып бойынша
Баспана алуға арналған бағдарламалар: мамандар жиі қайталанатын қателікті атады
Алматылық жастар үшін баспана алу шарты жеңілдеді
Зейнетақы жинағына баспана алу шарттары белгілі болды
"5-10-20" және "7-20-25" бағдарламалары бойынша қалай баспана алуға болады
Мемлекет арендалық баспана ақысын қалай төлейді?
әйел

Өскеменде қолына баласын ұстаған тыр жалаңаш әйел көшеде шу шығарды

3777
Көшедегі көліктердің жанында айғай-шу шығарып жүрген тыр жалаңаш әйелдің қолында алты айлық баласы болған

НҰР-СҰЛТАН, 27 қыркүйек — Sputnik. Өскемен тұрғындары қолына кішкентай нәрестесін ұстап көшеде жүрген әйелді видеоға түсіріп алған. Әйелдің өзі де, баласы да тыр жалаңаш, деп жазады YK-news.kz. Ал далада ауа температурасы он градус қана.

Видеодан тыр жалаңаш әйелдің көшеде бағдаршамға тоқтаған көліктердің жанында жүргенін көруге болады. Басылымның хабарлауынша, жүргізушілердің бірі оны көлігіне отырғызады, бірақ әйел айғайлап, адамдарды көмекке шақыра бастайды. Біршама уақыттан кейін оқиға орнына полицейлер келеді.

Шығыс Қазақстан облысы полиция департаментінің мәліметіне сүйенсек, видеодағы әйел 33 жаста, ал қолындағы баласы алты айлық қана екен.

"Әйел арнайы медициналық мекемеге жеткізілді, ол жерде дәрігерлер оған не болғанын анықтайды", - деп хабарлады полиция.

Ал сәби ана мен бала орталығына жеткізілді, оның өміріне ешқандай қауіп төніп тұрған жоқ, деді тәртіп сақшылары.

3777
Кілт сөздер:
видео
Түнгі клуб

Нұр-Сұлтанда түнгі клуб әкімшісі қамауға алынды

0
Бұған дейін 25 жастағы бойжеткенге заң бұзғаны үшін ескерту жасалып, тіпті жауапкершілікке де тартылған

НҰР-СҰЛТАН, 27 қыркүйек – Sputnik. Елордада карантиндік шараларды бірнеше рет бұзғаны үшін 25 жастағы түнгі клуб әкімшісі бір тәулікке қамауға алынды. Полицейлердің хабарлауынша, тыйым салынғанына қарамастан 30-ға жуық азамат клубта бас қосып, ереже бұзғаны анықталған.

Ал түнгі клубтың әкімшісі бұған дейін де Әкімшілік кодексті бұзғаны үшін жауапкершілікке тартылған. Соған қарамастан, аталған клубта сауық кеші ұйымдастырылған.

Осы жағдайға байланысты тиісті материалдар жиналып, сотқа жолданған. Сот үкімімен бойжеткен бір тәулікке қамауға алынды.

Сонымен қатар, карантинді бірнеше рет бұзғаны үшін Әкімшілік кодекстің 425-бабы бойынша хаттама толтырылып, "Алматы" ауданы бойынша тауарлар мен қызметтердің сапасын қадағалау басқармасына жіберілді.

Оқи отырыңыз: Петропавлда түнгі клуб жанында екі қызды қағып кеткен байдың баласы ұсталды

Полиция өкілдері қала тұрғындарына ойын-сауық мекемелерінде коронавирусты жұқтыру қаупі артқанын ескертеді.

0
Кілт сөздер:
қамауға алынды, карантин
Тақырып:
Төтенше жағдай және карантин
Тақырып бойынша
Қыркүйек соңында карантин күшейе ме – бас санитар дәрігер жауабы
Қатаң карантин қай кезде енгізіледі – денсаулық сақтау министрлігі түсініктеме берді  
Түнгі клуб алдында көлік қағып, комаға түскен әйел көз жұмды
Маңғыстау облысында той өткізген шенеунік жазаланады
Түнгі клуб алдындағы төбелес: полиция қылмыстық іс қозғаудан бас тартты