Шынжыр

Қостанай тұрғыны 5 мың долларын тартып алғандарды қуамын деп істі болды

374
(Жаңартылды 15:28 16.10.2018)
Аталған қылмыстық іске қатысты басты сот отырысы 29 қазан күні өтеді

АСТАНА, 16 қазан — Sputnik. Қостанай қаласының №2 сотына 1988 жылғы азаматқа қатысты қылмыстық іс келіп түсті. Ол ҚР заңнамасына қарама-қайшы әрекеттер жасап, бұзақыларды өз бетімен жазаламақ болғаны үшін айыпталып отыр, деп хабарлайды

2018 жылдың 19 ақпанында "West" түнгі клубының маңында екі азамат Қостанай тұрғынын соққыға жығып, оның қалтасындағы 5 500 АҚШ долларын күштеп тартып алады. Кейін екі азамат оқиға болған жерден қашып кетеді.

Полицияға хабар берудің орнына тұрғын қолына ағаш алып, таксимен екі азаматтың соңынан қуады. Сондай-ақ, бұзақыларды аңду барысында өзінің Қостанай облыстық ІІД-де жұмыс істейтін ағасына хабарласып, "Халық банктің" филиалына қарай бет алғанын айтады.

Ағасы өз кезегінде полицияға хабарласуға кеңес беріп, бауырына қарай 520KYA01 нөмірлі "Lexus RX270" көлігіне отырған бір азаматты бағыттайды.

Қостанай тұрғыны өзінен ақша тартып алғандардың бірін банк ғимараты маңында қолға түсіріп, сол жерде аяусыз соққыға жығады. Кейін ақшасын ұрлаған екінші азаматты іздеуге кетеді. Бұл әрекеті нәтижесіз болғандықтан, банк маңына қайтып келіп жерде жатқан азаматты тағы да ұрады.

Араға біраз уақыт салып осы жерге ІІД қызметкерінің бауырына бағыттаған азамат келеді. Үшеуі көлікке мініп жолға шығады. Орта жолда тұрғын ІІД-де жұмыс істейтін ағасымен жолығып, Қостанай қаласындағы ІІБ орталық операция басқармасына бет алады. Жол-жөнекей тұрғын полицияға хабар беріп қойғанына қарамастан, өзін жәбірлеген екінші азаматты аяусыз соққыға жығады. Бұл азамат қашып үлгеріп, "Зеленый" дүкенінде жасырынады.

Бұзақыларды өз бетімен жазаламақ болған тұрғын ҚР ҚК 389-бабы, 3-бөлімі бойынша айыпталып отыр. Басты сот отырсы 29 қазан сағат 15:00-де өтеді.

374
Кілт сөздер:
азамат, доллар, тұрғын, бұзақы, ақша, Қостанай
Тақырып бойынша
Қостанайда полицей өлі табылды: құнды заттарына ешкім тиіспеген
Қостанайда 4 полицей төбелесіп қалды
Қостанайда жасөспірімнің жантүршігерлік қазасына әпкесі себеп болды
Қостанайда бойжеткенді соққыға жықты: жігіттер төбелесті сырттан бақылап тұрған
Қостанайда тыр жалаңаш көшеде жүрген ер адам жауапқа тартылды
Қостанайда үйде босанған әйел қайғылы жағдайға душар болды
Қостанайда қонағын балталап өлтірген әйелге жеңіл жаза берілді
Зертхана

Қайғылы оқиға болған Аягөздегі интернатта коронавирус табылды

97
Шенеуніктердің сөзіне қарағанда, коронавирустық инфекцияны балалар алып келген. Біреуі демалыста ата-анасымен бірге болса, екіншісі Өскемен қаласына барып келген

НҰР-СҰЛТАН, 2 шілде – Sputnik. Шығыс Қазақстан облысының Аягөз қаласындағы интернетта коронавирус табылды. Ал мамыр айында осы мекемеде төрт бірдей бала қызылшадан қайтыс болған еді, деп хабарлады "Еуразия Бірінші арнасы".

Облыстық жұмыспен қамту және әлеуметтік бағдарламалар басқармасының басшысы Жасұлан Сәрсебаевтың айтуынша, коронавирус инфекциясын жұқтырған балалар интернаттан тыс жерде болған.

"Балалардың біреуі демалыс кезінде ата-атасымен бірге болған. Ал екінші бала Өскемен қаласындағы психикалық денсаулық орталығында жатып келген. Екеуі де үлкен топтың балалары. Бұл паллиативті топ емес. Осы балалармен қарым-қатынаста болған тәрбиешілер мен күтушілер мекемеден тыс жерде оқшауланып отыр", - дейді Сәрсебаев.

Ал мамыр айында болған жағдай бойынша тергеу шаралары әлі аяқталған жоқ. Оны балалар құқықтарын қорғау жөніндегі уәкіл Аружан Саин қадағалап отыр. Осы істі ішкі істер минстрлігі мен сыбайлас жемқорлыққа қарсы іс-қимыл қызметі жеке бақылауға алды.

Интернаттағы балалар өлімі

18 мамырда Аягөз қаласындағы психоневрологиялық патологиясы бар балаларға арналған интернат тәрбиеленушілері қызылшадан қайтыс болғаны туралы ақпарат тарады. Ондаған бала инфекциялық ауруханаға түскен. Бірнеше балада ішек инфекциясы анықталып, төртеуі қайтыс болды.

Екі күннен кейін шенеуніктер тергеудің нәтижесін жариялады. Оған сәйкес, төрт баланың туа біткен аурулары асқынып, сәуір айында әртүрлі уақытта қайтыс болған. Мәселен, 2008 жылы туған бала 2 сәуірде қайтыс болса, одан бір жас кіші тағы бір ер бала 11 сәуірде көз жұмды. 20 сәуірде 2006 жылғы бала, ал 29 сәуірде 2012 жылы туған қыз қайтыс болды. Төртеуінен де ата-анасы бас тартқан.

Оқи отырыңыз: Аягөзде төрт бала көз жұмды: министр қандай тапсырма берді

Аягөз облыс орталығы – Өскемен қаласынан 310 шақырым шалғай жерде орналасқан. Балалар омбудсмені Аружан Саинның айтуынша, мекеме алыс орналасқаннан кейін қоғам белсенділері үшін оны бақылап отыру қиын. Осыған байланысты омбудсмен шағын қалаларда орналасқан интернаттарды орталық қалаларға көшіруді талап ететінін мәлімдеді.

97
Кілт сөздер:
коронавирус, балалар өлімі
Тақырып бойынша
Мүгедек балаларды азаптаған: Павлодарда орталық қызметкерлері сотталды – видео
Әбден әлсіреген балалар Қордай ауруханасына түсті: дәрігерлер мән-жайды айтты
"Өз бағасы 833 теңге": министрлік тест неге қымбатқа түсетінін түсіндірді
Қазақстанда балаларға жыныстық қатынас жайлы 3-сыныптан бастап айту ұсынылды
Аягөз – Семей тасжолында жолаушылар автобусы түгі қалмай өртеніп кетті
Қорғаныс құралы

Түркістан облысында желіде видео жариялаған дәрігер қызметтен қуылды

688
(Жаңартылды 10:14 02.07.2020)
Дәрігер "Дипломмен ауылға" бағдарламасы бойынша жұмысқа орналасып, 7 жыл хирургия бөлімінің меңгерушісі болған

НҰР-СҰЛТАН, 2 шілде – Sputnik. Қызмет барысында пайдалану үшін жұмыс орнынан берілген сапасыз медициналық қолғаптарды видеоға түсіріп, әлеуметтік желіде жариялағаны үшін Түркістан облысы Келес ауданындағы "Абай" ауруханасының хирургы Қайрат Сейдуәлиев жұмысынан қуылды, деп хабарлайды Отырар телеарнасы.

Видеода аурухана хирургі ота жасау үшін сапасыз қолғаптар берілгенін ашық айтқан.

Дәрігер аурухана әкімшілігінің жеке қорғаныс құралдарымен қамтамасыз ете алмай отырғанына елдің назарын аударып қана қоймай, мәселені шешеді деп үміттеніп, видео түсіріп, әлеуметтік желілерде жариялаған.

Желіде қызу пікірталас тудырған видеодан кейін дәрігердің жұмыстан босатылғаны белгілі болды.

33 жастағы хирургтың айтуынша, ол осы ауруханада 8 жыл бұрын "Дипломмен ауылға" бағдарламасы бойынша жұмысқа орналасқан. 7 жыл хирургия бөлімінің меңгерушісі болған.

Дәрігердің айтуынша, 2020 жылдың ақпан айында жаңа басшылық келгелі, ауруханада мамандарды негізсіз қудалау басталған. Сонымен қатар, ол медициналық жабдықтардың тапшылығы артқанын да алға тартады.

"Өте сапасыз қолғапты көрсеткенім үшін аурухана әкімшілігі мен бас дәрігер, оның орынбасарлары, кадр бөлімі бастығы, заңгер мен ауруханалар одағының төрағасы, шамамен 10 адам маған хаттама толтырды. Содан кейін үш минут ішінде олар мені жұмыстан босату туралы бұйрық әкелді",– дейді Қайрат Сейдуәлиев.

Аурухана әкімшілігінен қаржылық көмек сұрамадым, деген ол пандемия кезінде қорғаныс құралдарын берсін дегісі келген.

Ал аурухананың бас дәрігері керісінше айтады. Хирургтың жұмыстан шығарылуына бірнеше себеп бар. Жалған ақпарат таратудан басқа, пациенттің шағымын қарау нәтижелері бойынша шешім қабылданыпты. Сондықтан аурухана әкімшілігі дәрігерді жұмыстан шығаруға мәжбүр болған.

"Стационарда қолғаптар қол өлшемі бойынша беріледі және ол мұны өте жақсы біледі. Жауапты маманға жағдайды айтудың орнына, ол видео түсіріп, желіге жүктеді. 30 маусымда ол екінші бейне жариялады. Сонымен қатар, Қайрат Сейдуалиев 2020 жылдың ақпан айында сөгіс алған. 30 наурызда оның үш сағат бойы науқасқа ешқандай көмек көрсетпегені туралы шағым түсті",– дейді "Абай" ауруханасының бас дәрігері Аида Бексұлтанова.

Оқи отырыңыз: "Алып кет": бас дәрігер Ақтөбе ауруханасында түсірілген атышулы видеоға түсініктеме берді

Комиссия шешімімен келіспеген хирург енді президент пен облыстық денсаулық сақтау саласының басшыларынан араша сұрауға ниетті.

688
Кілт сөздер:
хирург, дәрігер
Тақырып бойынша
Коронавируспен түседі: Нұр-Сұлтанда бас дәрігер ауруханадан видео жариялады
"Сенеді деп ойлаймын": алматылық дәрігер үрейлі хабарлама таратты
Шымкентте әріптесін зорлаған дәрігер сотталып кетті
Бас санитар дәрігер қазақстандықтардың масканы дұрыс тақпай жүргенін айтты
Нұр-Сұлтанда медициналық көмек қалай көрсетіледі – дәрігер жағдайды түсіндірді
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0