Сотталушының архивтегі фотосы

Анасын өлтірді: Шымкентте сотталған жігіт "не үшін?" деп жылап жіберді

5496
(Жаңартылды 10:53 03.11.2018)
24 жастағы Райымбек Рахат үкіммен келіспейтінін айтты.Сотталушының туыстары тергеу амалдары дұрыс жүргізілмеді деп есептейді

ШЫМКЕНТ, 1 қараша – Sputnik. Бүгін Шымкенттегі қылмыстық істер жөніндегі мамандандырылған ауданаралық соты өз үйінде туған анасы мен нағашы атасын пышақтап өлтірді деген күдікке ілінген 24 жастағы Райымбек Рахатты айыпты деп танып, 15 жылға бас бостандығынан айыруға үкім етті, деп хабарлайды Sputnik тілшісі.

Үкімді тыңдауға сотталушы, оның туыстары мен адвокаты келді.

"Райымбек Рахат Қылмыстық Кодекстің 99-бабымен (адам өлтіру) айыпты деп танылып, 15 жылға бас бостандығынан айырылсын. Жазасын қатаң тәртіптегі түзеу мекемесінде өтесін", — деді судья Абинұр Қарабаев.

Үкімді тыңдап болған соң туыстарымен қоштасып тұрып, көзіне жас алған Райымбек Рахат "не үшін?" деп тағылған айыппен келіспейтінін жеткізді. 

Сотталушының адвокаты Байзақ Ережепов алдағы уақытта апелляциялық шағым түсіретінін мәлімдеді.

Рахат Райымбектің туысқан ағасы Үсен Алдабергеновтың пікірінше, іс бойынша тергеу амалдары дұрыс жүргізілмеген.

"Баламыздың анасы мен атасы құрбан болғаны рас. Бірақ оны Райымбек жасағанына сенбейміз. Айғақ болатын видеолардың барлығын полицейлер алып кеткенімен, іске тіркемеген. Оқиға орнынан бөтен телефон табылған. Ол да хаттамаға тіркелмеген. Қылмыс болған кезде баланың үйде болмағанын дәлелдедік. Куәлеріміз бар. Оны да жоққа шығарып отыр", — дейді ол.

Оның сөзін жалғаған Райымбектің нағашы ағасы Жаңабек Жұмабеков "полицейлер баланың ойынға құмарлығын пайдаланып отыр" деп есептейді. 

Оның айтуынша, отбасы Райымбек 24 сәуір күні үйленеді деп дайындалып жүрген. Бір аулада екі үй орналасқан. Үлкен үйде Райымбектің анасының, кіші үйде Райымбектің жатын бөлмесі болған.Түнделетіп ойынханадан келген Райымбек түске дейін ұйықтап, үлкен үйге кірмек болған. Үйге кіргенде анасы мен атасының өлі денесін көрген. 

"Оқиғада қайтыс болған Райымбектің нағашы атасы менің туған інім. Райымбек бір үйдің жалғыз баласы. Анасы кәсіпкер еді. Қымбат үйі мен көлігі болды. Әкесі жоқ. Ағам спортпен, кәсіби бокспен айналысқан. Оны өлтіру бір адамның, мына Райымбектің қолынан келмейді. Жап-жас бала, жазықсыз кетіп жатыр", —дейді ол.

3 сәуір күні Шымкенттегі жеке тұрғын үйдің бірінен бірнеше жерінен пышақталған әйел мен қарияның мәйіті табылған болатын. Ізінше күдікті ретінде қайтыс болған әйелдің 24 жастағы баласы ұсталғаны жарияланды.


5496
Кілт сөздер:
қанды оқиға, сотталушы, Шымкент
Тақырып:
Шымкент жаңалықтары (57)
Тақырып бойынша
Қостанайда қызын пышақтап өлтірген ер адам өмір бойына сотталды
45 мың теңге үшін жолаушыны буындырып өлтірген. Такси жүргізуші сотталды
Алматыда үш әйелді пышақтап өлтірген қанды қол қылмыскер сотталды
ШҚО-да бауырын қорғаймын деп адам өлтірген полицей 15 жылға сотталды
20 рет пышақ салған: Ақтауда өгей баласын өлтірген әйел сотталды
Ұялы телефон, архивтегі фото

Батыс Қазақстанда мұғалім жалаңаш отырып видео түсірді

9670
(Жаңартылды 18:28 24.09.2020)
Аудандық білім бөлімі мұғалімнің бұл видеосын алғаш рет көріп отырғанын айтып, жағдайды реттеуге уәде берді

АЛМАТЫ, 24 қыркүйек – Sputnik. Батыс Қазақстан облысының Бәйтерек ауданында ата-аналар TikTok-та әдепсіз видео түсірген мұғалімнің үстінен шағымданды. Бұл туралы "Мой Город" басылымы хабарлады.

Январцев орта мектебінде баласы оқитын ата-аналардың айтуынша,  меңгеруші қызметін қатар атқаратын ағылшын тілі пәні мұғалімі TikTok-та арнайы эффекттер мен бейәдеп сөздерді қолданып видео түсірген. Сол видеоны желіде жариялаған. Ал мектеп оқушылары әлеуметтік желіні белсенді қолданады. Олар ұстазының парақшасына тіркелген және оның видеосын қарайды, дейді оқушылардың бірінің анасы.

"Менің қызым телефонды қолынан тастамайды. Қазір TikTok пайда болды, сол жақта бәрі видео жариялайды. Мұғалімі TikTok-қа әдепсіз видеолар жариялайды. Ол видеода боғауыз сөздер де бар, мұғалім кеудесін жалаңаштап тастаған. Шәкірттері оны көреді", - дейді ол.

Әйел ұстаз балаларға үлгі болуы қажет деп санайды. Сондай-ақ, мұғалімдердің мұндай видео жариялауына қарсы.

"Оқушылардың ата-анасы бұл туралы мектеп әкімшілігіне айтты, бірақ ешқандай жауап болған жоқ", - дейді әйел.

Ал Бәйтерек аудандық білім бөлімінің басшысы Серік Сафиуллин видеоны енді көріп отырғанын мәлімдеді. Ол жағдайды реттеуге уәде берді.

Оқи отырыңыз: Қостанайлық мұғалім жылап тұрып видео жариялады - министрлік жауабы 

"Мектепке барып, жағдайды реттеймін. Мектеп директорымен сөйлестім, ол ата-аналардың бұл мәселе жайында айтпағанын жеткізді. Қандай жағдай болмасын, мұғалім мұндай видео жарияламауы керек. Жалпы мұғалімдер балаларға үлгі болып, әлеуметтік желіге жүктейтін материалдарын бақылап отыруы тиіс", - деп түсіндірді Сафиуллин.

Ал мұғалімнің өзі бұл видеоны жариялағанына өкінеді.

"Мұның қате болғанын түсінемін және өкінемін. Парақшамды өшіремін. Оқушылар мен әріптестерімнен осы видеоны жүктегенім үшін кешірім сұраймын", - деді мұғалім.

Қазір мұғалім әлеуметтік желідегі парақшасын өшірді, видео да жойылды.

9670
Кілт сөздер:
видео, мұғалім
Тақырып бойынша
Қазақстанда мұғалімдер үшін ұлттық біліктілік тесті басталды
Кезекші сынып мұғалімдерінің жалақысы артады – қосымша қаржы қайдан алынады
Ақтөбеде онлайн сабақта күтпеген жағдай болды: мұғалімнің басы дауға қалды
Қашықтан оқыту қашан аяқталады – Аймағамбетов эксклюзивті сұқбат берді
Алматы облысында екі мұғалім оқушы қыздарды зорлады деп айыпталып жатыр
Аурудан қырылып қалған фабрика құстары

Құс тұмауы оңтүстік өңірлерге де жетті

1667
(Жаңартылды 14:19 24.09.2020)
Өңірлердегі құс тұмауының алдын алу үшін қосымша вакцина дозалары сатып алынып, 1 қазанға дейін тиісті жерлерге жеткізіледі

НҰР-СҰЛТАН, 24 қыркүйек – Sputnik. Бүгінде құс тұмауы жеті облыста тіркелген. Бұл туралы ауыл шаруашылығы министрлігі хабарлады.

Ресми мәліметке сәйкес, соңғы бір тәулікте құс тұмауынан кейбір аймақтарда құстардың қырылуы тіркелген жоқ.

  • Ақмола облысында жеке қосалқы шаруашылықтарда 703 бас құс қырылды (соңғы тәулікте – 0);
  • Жамбыл облысында – жеке қосалқы шаруашылықтарда 238 құс (соңғы тәулікте – 6);
  • Қарағанды облысында – жеке қосалқы шаруашылықтарда 102 құс (соңғы тәулікте – 12);
  • Қостанай облысында – жеке қосалқы шаруашылықтарда 2 218 құс және құс фабрикасында 109 567 құс (тиісінше бір тәулікте – 1 112 және 109 567);
  • Павлодар облысында – жеке қосалқы шаруашылықтарда 2 753 бас құс (соңғы тәулікте – 0);
  • Солтүстік Қазақстан облысында – жеке қосалқы шаруашылықтарда 13 806 құс және құс фабрикасында 93 849 құс (тиісінше бір тәулікте 1 143 және 39 535);
  • Түркістан облысында – жеке қосалқы шаруашылықтарда 273 бас құс (соңғы тәулікте – 196).
"Жалпы, жеке аулаларда 20 мың құс және екі құс фабрикасында 203 мың құс қырылды. Олар – "Бескөл құс фабрикасы" ЖШС (93 849 бас) және "Агроинтерптица" (109 567 бас)", – дейді министрлік мамандары.

Құс тұмауына қарсы вакцинамен қалай қамтамасыз етіледі

Министрлік мәліметіне сәйкес, жануарлардың аса қауіпті ауруларының алдын алу бойынша жыл басынан бері құс тұмауына қарсы вакциналардың 3 377 900 дозасы бөлінді.

Құс тұмауының тіркелуіне байланысты республикалық қордан қосымша 1 359 148 доза вакцина шығарылды (СҚО үшін – 873 мың доза, Қостанай облысы үшін – 21 мың, Павлодар облысы үшін – 465 мың доза).

Оқи отырыңыз: Құс тұмауы адам үшін қауіпті ме - ауыл шаруашылығы министрлігі жауап берді

Сондай-ақ, 2020 жылғы 22-23 қыркүйекте өңірлерге қосымша 1 015 518 вакцина таратылды. Олар:

  • Ақмола облысы – 510 300 доза;
  • Қостанай облысы – 345 218 доза;
  • Қарағанды облысы – 100 000 доза;
  • Жамбыл облысы – 60 000 доза.

Сондай-ақ, қосымша 699 355 вакцина сатып алынып, олар 1 қазанға дейін тиісті жерлерге жеткізіледі.

1667
Кілт сөздер:
құстар, қауіпті ауру, ауру
Тақырып бойынша
Қытайда тағы екі адамға құс тұмауы тиді
Қазақстанда құс тұмауы өршіді – адамдар ауруды жұқтыруы мүмкін бе?
Құс тұмауы Қазақстанның тағы бір облысына жетті
Бірнеше облыста құс тұмауы тіркелді: мамандар аурудың қалай тарағанын анықтады
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

0
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

0
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео