Питбультерьер

Талдықорғанда екі ит 7 жасар баланы шайнап тастады

328
(Жаңартылды 16:51 09.11.2018)
Питбультерьер тұқымдас иттер саяжайдағы үйді күзетуге пайдаланылған екен

ТАЛДЫҚОРҒАН, 8 қараша — Sputnik. Талдықорғанда екі питбультерьер талап өлтірген жеті жасар баланың өліміне қатысты қылмыстық іс қозғалды, деп хабарлайды тілшісі.

Қайғылы оқиға облыс орталығының саяжайында болған. 6 қарашада итке таланған бала ауыр хәлде ауруханаға түскен болатын. Дәрігерлер оның өмірін арашалап қала алмады, бірнеше сағаттан соң жеткіншек жансақтау бөлімінде көз жұмды.

Полиция тез арада иттердің иесін тапты, ол 44 жастағы жергілікті тұрғын. Ер адам қалада тұрады, саяжайдағы үйін күзетуге алты-жеті ит ұстайды екен, басым көпшілігі питбультерьерлер. Болжам бойынша, қожайыны жоқта екі питбуль тордан шығып кетіп, балаға шабуыл жасаған. 

Облыстық полиция баспасөз қызметі бұл деректі растап, баланың өлімі бойынша қылмыстық іс қозғалғанын хабарлады.

"Абайсызда кісі өлтіру" бабы бойынша сотқа дейінгі тергеу жүргізіліп жатыр. Иттердің иесі анықталып, жауап алынды. Ол – саяжайда ит ұстайтын 44 жастағы Талдықорған тұрғыны", — деп мәлімет берді полиция.

Болған жайттан кейін ветеринар қызметі иттерді ұстап, ұйықтатып, сараптамаға сынама алды. Иттердің иесінің үш жылға дейін бас бостандығы шектелуі немесе бас бостандығынан айырылуы мүмкін.

328
Кілт сөздер:
питбуль, бала өлімі, ит, қайғылы оқиға, қылмыстық іс, Талдықорған
Тақырып бойынша
Тарихта болмаған жағдай: ит ұрлаған ауыл тұрғыны үш жылға сотталды
Салмағы 80 келі ит отшашудан жүрегі жарылып өлді
Ит көлік жүргізіп келе жатқан қожайынына оқ атты
Түркістанда ит таластырған мектеп мұғалімі адам өлтірді деген күдікке ілінді
Екі ит қожайынын шайнап тастады
Загрузка...