Петропавл

Петропавл Путин мен Назарбаевты қалай қарсы алды фото

321
(Жаңартылды 17:04 10.11.2018)
Солтүстегі кішкене қаланың өңіраралық ынтымақтастық "астанасы" мәртебесіне қаншалықты лайық болып жатқаны Sputnik Қазақстан материалында

ПЕТРОПАВЛ, 9 қараша — Sputnik. Қазақстан мен Ресей президенттері Нұрсұлтан Назарбаев және Владимир Путиннің қатысуымен өтетін пленарлық отырыстың басталуына аз уақыт уақыт қалды. Петропавлда не болып жатқанын тілшісі айтады. 

Қолайсыз ауа-райы

Соңғы апталарда Петропавлдағы ауа температурасы бес градусқа дейін жылып, қар орнына жаңбыр жауған-ды. Президенттер келген жұмаға қараған түні қатты аяз болды – түнгі он екіден бастап термометрдегі көрсеткіш ақырындап төмендеп, таңертең минус 15-ке жетті. Жолда мұз қатып, оларды түні бойы тазалады. 

Петропавл қаласы
Ксения Воронина
Петропавл қаласы

Таңертең Петропавлда өте суық және арасында қатты жел соғады. 

Петропавл қаласы
Ксения Воронина
Петропавл қаласы

"Нағыз солтүстік пен оны сақтаушылардың қайда екені белгілі болды", — деп әзілдеді Астана делегациясындағы адамдардың бірі. 

Солтүстіктегі кішкене қаланың "астана" деген мәртебеге лайық болып жатқанымен келіспеуге болмайды. 

Петропавлдықтардың өмірі қалай өзгерді?

Бүгін жұмыс күні және қала тұрғындарының көпшілігі жұмыстарына кетті. Форум өтетін жердегі жолды сағат 10 шамасында жаба бастады. Сол себепті тұрғындар жұмыстарына еш қиындықсыз жетті. 

Петропавл қаласы
Ксения Веронина
Петропавл қаласы

Жалпы ешқандай қарбалас байқалмайды, полицейлер де жайдарлы. 

Қонақүй мен көлік

Көптеген адамды оқиға болатын жерге апару үшін қалалық көліктер жұмылдырылды. Журналистерді рейстік автобустармен алып барды. 

Журналистер баспасөз орталығына жақындап қалды
Ксения Воронина
Журналистер баспасөз орталығына жақындап қалды

Қала үшін екі мыңнан астам қонақтың келуі күтпеген жағдай болды – қонақүйлер мұншама адамды қабылдауға дайын емес еді. Қала тұрғындары уақытша туысқандарының үйіне барып, үйлерін келгендерге жалға берді. 

Петропавл қаласындағы Қызылжар қонақүйі
Ксения Воронина
Петропавл қаласындағы "Қызылжар" қонақүйі

және өзге де астаналық журналистер, блогерлер орналасқан қонақүйдің екі қабатында әлі де жөндеу жұмыстары жүріп жатыр. Жөнделген қабаттар қарапайым, бірақ көңілге қонымды. Жаңа төсектер, матрастар және төсек-орын жабдығы. Форумға орай кеңес заманынан келе жатқан ескі қонақүйге жылтырауық жағып, шыныпакет орнатқан. Қонақтар екі-үштен орналастырылды.

Қысқасы бағдарлама күрделі болғандықтан, шараға келгендер қонақүйді түнеп, ертесінде жұмыстарына қайта оралу үшін ғана пайдаланып жатыр. 

Петропавл қаласы
Ксения Воронина
Петропавл қаласы

Бұл жердің тамағын бөлек мақтау қажет – қарапайым тағамдардың өзін ерекше дәмді етіп әзірлейді. 

Сақтық шаралары

Көшеде полицейлер әдеттегіден көп, кейбір бағыттар жабық. Бірақ адамдар емін-еркін қозғала алады. 

Петропавл қаласы
Ксения Воронина
Петропавл қаласы

Оқушылар сарайында адамдарды да, техникаларды да жақсылап тексеріп жатыр. Қызметтік иттер де жұмылдырылған. Журналистер қаруланған қауіпсіздік қызметкерлерін көрді. Бірақ мұның барлығы қарбаластың жоқтығымен және жалпы мейірімділікпен үйлесімділік тауып тұр. 

321
Кілт сөздер:
өңіраралық ынтымақтастық форумы, қонақ, қала, тұрғын, президент, Петропавл
Тақырып:
Қазақстан мен Ресейдің өңіраралық ынтымақтастық форумы (19)
Тақырып бойынша
Назарбаев пен Путин Челябинскідегі форум барысында қандай мәселелерді талқылайды?
Назарбаев пен Путин Петропавлға не үшін барады – күннің бағдарламасы
Загрузка...