Жансақтау бөлімі

Екі жасар қыз "колбасадан" көз жұмды: тергеу қорытындысы шықты

476
Дәрігерлер науқас бүлдіршіннің халін дұрыс бағаламаған – тергеуден кейін осындай қорытынды шығарылды

КӨКШЕТАУ, 7 желтоқсан – Sputnik. Ақмола облысында екі жасар қыздың өлімінің себебі анықталды, деп хабарлайды денсаулық сақтау департаментінің баспасөз қызметі Sputnik Қазақстанға.

Өңірдің қоғамдық денсаулық сақтау департаменті 20 қазанда Бурабай ауданында екі жасар қыздың қазасынан кейін тергеу жүргізген.

"Баланың өліміне шұжық өнімінен улану себеп болды деген дерек расталмады. Мәйітті сою нәтижесі көрсеткендей, жіті ротавирустық жұқпаның асқазан мен ішекті зақымдауы салдарынан ағза қатты уланып, сәби көз жұмған", — деп мәлімет берді ведомство.

Департамент түсіндіргендей, дәрігерлердің іс-әрекетінде кемшіліктер анықталған. Дәлірек айтқанда, баланың халін дұрыс бағаламау, медициналық жәрдемнің сапалы орындалмауы, жеткіліксіз емдік шаралары.

"Тексеру материалы Бурабай ауданы полициясы мен денсаулық сақтау басқармасына жіберілді", — деп хабарлайды ведомство.

Естеріңізге салар болсақ, Бурабай ауданы ауруханасына 17 қарашада үш бала түскен. Үш тәуліктен соң екі жасар қыз жансақтау бөлімінде көз жұмды. Өлімнің бастапқы себебі шұжықтан улану деп аталғанымен, кейінірек бұл ақпарат расталмады.

Полиция департаменті баспасөз қызметі хабарлағандай, қыз баланың өлімі дерегі бойынша сотқа дейінгі тергеу жүргізіліп жатыр.

476
Кілт сөздер:
тергеу, шұжық, улану, бала өлімі, Ақмола облысы
Тақырып бойынша
Ғалымдар шұжық пен сосискадан қатерлі ісік пайда болатынын анықтады
Қарағанды облысында адамдар дөнер жеп, жаппай уланып қалды
Шымкент дәмханасында қонақтар кешкі астан уланып қалды
50-ден астам адам ұннан уланып, ауруханаға түсті
Әлеуметтік желі

Батыс Қазақстанда полицейдің ұлы видео жариялады: анасы жауапқа тартылды

3095
(Жаңартылды 18:15 13.08.2020)
Құқық қорғаушылардың айтуынша, полиция бастығы Әбләзімовтің тарапынан қамқоршылық жасау әрекеті болған жоқ

НҰР-СҰЛТАН, 13 тамыз – Sputnik. Батыс Қазақстан облыстық полиция департаментінің бастығы Мақсұтхан Әбләзімовтің кәмелет жасқа толмаған ұлы көлікті куәліксіз айдаған. Сол үшін жасөспірімнің анасына айыппұл салынды, деп хабарлайды Sputnik Қазақстан аймақтық полицияға сілтеме жасап.

Бас полицейдің ұлы көлікпен жүргенін видеоға түсіріп, әлеуметтік желідегі парақшасына салған. Полицейлер мониторинг жасағанда бірнеше видеоның Орал мен Ақтауда түсірілгенін анықтады. 

Көлікті басқарған жасөспірім анасымен бірге тұрады. Ол - Мақсұтхан Әбләзімовтің бұрынғы жұбайы. Екеуі 10 жыл бұрын ажырасқан. Баласы анасымен бірге қалған.  

"Жасөспірімнің анасы – 1967 жылы туған А.Г. Ақтау қаласында Әкімшілік құқық бұзушылық кодексінің 442-бабының 2-тармағы ("кәмелетке толмағандардың заңды өкілдерінің еріп жүруінсіз үйден тыс жерде сағат 23-тен таңғы 6-ға дейін болуы") бойынша жауапқа тартылды. Ал Орал қаласында әкімшілік құқық бұзушылық кодексінің 128-бабы ("Кәмелетке толмаған адамды әкiмшiлiк құқық бұзушылық жасауға тарту")  бойынша жаза қарастырылған (50 АЕК, яғни 138 900 теңге көлемінде айыппұл - Sputnik)", - деді полицейлер. 

Құқық қорғаушылардың айтуынша, полиция бастығы Әбләзімовтің тарапынан қамқоршылық жасау әрекеті болған жоқ. 

Ақтаудағы жаназа 

Тамыздың басында Ақтау қаласында карантиндік шараларға қарамастан, жаназаға жүздеген адам жиналған болатын. Жиынның видеосы таралып кетті. 

ІІМ генерал-майоры, Батыс Қазақстан облыстық полиция департаментінің басшысы Мақсұтхан Әбләзімов пен бизнесмен Бахаридин Әбләзімовтің анасы Бибіжамал Әбләзімова қайтыс болды.

Желі қолданушылары облыстық полиция басшысы мен санитарлық дәрігерді қызметінен босату қажет деп шықты. Шараға қатысқан барлық шенеунікке қатысты қызметтік тергеуді жүргізу керектігін айтты. 

Артынан полиция басшысының туыстары халықтан кешірім сұрады. Алайда қоштасу рәсімін ұйымдастырғандар карантин режимін бұзғаны үшін әкімшілік жауапкершілікке тартылды. Оларға 30 айлық есептік көрсеткіш (83 340 теңге) көлеміндегі айыппұл салынды. 

 

3095
Кілт сөздер:
желі, видео, полицей, Батыс Қазақстан облысы
Тақырып бойынша
Жүздеген адам жиылды - Ақтауда болған жағдайдың видеосы тарап кетті
Ақтауда болған жағдайдың видеосы тарады - жұрт нені талап етіп отыр
Ақтауда парашюті ашылмай қалған әскеридің секірген сәті видеоға түсірілген
БҚО-да жас жігіт жұмбақ жағдайда қаза болды: ата-анасы достарын кінәлайды
Кәсіпкерді отбасымен қырып салды: БҚО-дағы қылмыстың мән-жайы белгілі болды
Архивтегі фото

Қостанайда жас қызға анайы ұсыныс жасаған ер адам іздестіріліп жатыр

2581
(Жаңартылды 15:10 13.08.2020)
Қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған

АЛМАТЫ, 13 тамыз – Sputnik. Қостанайда полиция жас қызға тиіскен белгісіз ер адамды іздеп жатыр. Қала тұрғындары WhatsApp арқылы күдіктінің фотосын таратып, сақ болуды сұрады, деп хабарлады өңірлік "Алау" басылымы.

Басылымның хабарлауынша, қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған.   

"Оқиға қаланың дәл орталығында болды. Шамамен 13 жастағы қызбен сөйлескен ер адамды байқап қалдық. Сырт көзге әдеттегі жағдай сияқты көрінді, алайда әйелім бұл жерде шикілік бар екенін байқады. Жанына жақын барып тоқтадық, ер адамның қызға сұлу екенін айтып, өзін сүюін сұрағанын естідік. Мен бірден қыздың жанына барып, ер адам жайлы сұрадым. Қыз оны танымайтынын айтты. Сосын оны бірден қуып жібердім, - дейді оқиға куәгері болған ер адам.

Қостанай облысының полиция департаменті қазіргі уақытта барлық жеке құрам осы ер адамды іздестіріп жатқанын хабарлады.

"Полиция бұл адамды тауып, оқиғаның мән-жайын анықтау үшін шаралар қабылдап жатыр. Бағдар полиция жасағына жіберілді", - деп хабарлады Қостанай облысы полиция департаментінің баспасөз қызметі.

Оқи отырыңыз: Оралда оқушының соңынан үйге кірген қаскөй күтпеген жағдайға тап болды - видео

Құқық қорғаушылар облыс орталығының тұрғындарынан осындай оқиғаның куәгері болып жатса, бірден 102 нөміріне хабарласуын сұрады. 

2581
Кілт сөздер:
педофил, Қостанай
Тақырып бойынша
Әкесі 13 жасар қызына тиіскен ер адамды жұрттың көзінше піштірді
Атырауда балаға қол жүгірткен ер адам ұсталды – видео
Алматы облысында қыз балаға қол жүгірткен жігіт табылды
Екібастұздағы лифтіде педофил қаршадай қызды зорламақ болды
Аялдамада қызға тиіскен жігіт ажал құшты
Солақай, архивтегі сурет

Мамандар солақайлардың қандай ерекшелігі болатынын айтты

584
(Жаңартылды 22:06 13.08.2020)
13 тамыз – халықаралық солақайлар күні. Техникалық құрал-жабдықтардың басым бөлігі оң қолмен жұмыс істейтін адамдарға арналып шығарылады. Сондықтан бұл бастаманы 1984 жылы солақайлардың халықаралық конфедерациясы көтерді

АЛМАТЫ, 13 тамыз – Sputnik. 1992 жылдан бастап солақайлар күні ресми түрде мерекелік күнтізбеге қосылды. Sputnik Қазақстан тілшісі солақайлардың ерекшелігі мен солақай балалар мектепте қандай қиындықпен бетпе-бет келетінін біліп көрді.

Жаны нәзік болады

Статистика бойынша, әлем халқының 10%-і – солақай адамдар. Психолог Балабек Сақтағанның айтуынша, компьютерден бастап көлікке дейін оңқай адамдарға бейімделіп жасалғандықтан, солақайлардың өмірінде біршама қиындық туындайды. Мұны психолог солақайлардың бірі ретінде және адамдармен жұмыс істейтін маман ретінде айтты.

"Солақай адамдар кез келген ортаға тез бейімделгіш болады. Сондықтан оңқайларға арналып жасалған заттарды тез үйреніп алады. Солақайлар көздеген мақсатына жету үшін еңбектен де қашпайды. Солақай адамдарда мидың оң жақ жартышары мен сол жақ жартышары өте тығыз байланысқан. Алайда солақайларда оң жақ жартышары жақсы жұмыс істейді", - дейді психолог Сақтаған.

Сол себепті солақайлар қарым-қатынастың логикалық жағына көбірек мән береді. Сөйлеу қабілеті де өте жақсы дамыған.

"Олар лидер болуға бейім келеді. Бұған қиындыққа қарамастан, барлық затқа тез үйреніп алатын қабілетінің де әсері бар. Ал мінез жағына келер болсақ, солақайлардың жаны өте нәзік, жағымсыз жайттардан көңіл-күйі тез бұзылады. Олар жан-жағындағы адамдардың қайғысын, қиындығын өз басынан өзіне қабылдап алады. Өйткені, солақайларда қиял қатты дамыған. Дүниені, қоршаған ортаны тұтастай көреді", - дейді психолог.

Айтуынша, солақайлардың арасында шығармашылық адамдар көп кездеседі. Психолог сөзін нақтылау үшін Юлий Цезарьдың, Уинстон Черчилль, Наполеон мен ағылшын патшайымы Елизаветаның, Бетховен және Мэрилин Монроның солақай болғанын айтып өтті.

Ең жиі қойылатын сұрақ

Ал 23 жастағы алматылық бойжеткен Жібек Құсайын солақайлардың мектеп қабырғасында жиі бетпе-бет келетін қиындықтары жайлы айтып берді.

"Мектепте диктант, бақылау жұмысын тез жазу керек болған кезде, солақай болғандықтан үлгермей қалатынмын. Себебі, солақайлар қаламды басқаша ұстайды. Соған байланысты мектепте бірнеше мұғалім ескерту жасады, тіпті арасында ұрысқандар да болды. Осы жағынан мектепте қатты қиналдым", - дейді Жібек.

Солақайлар күні
© Photo : Жібек Құсайынның жеке архивінен алынды
Солақайлар күні

Айтуынша, мектепте солақай екенін сыныптастары тақтаға шыққан кезде байқаған. Себебі, солақайлар өз жазғанын денесімен жауып қалады. Сондай-ақ, үзілісте "мына әріпті қалай жазасың?" деп қызығушылық танытады.

"Оң қолмен жаза аласың ба?" деген ең көп қойылатын сұрақтың бірі. Тіпті арасында саған оң қолмен жазуды үйреткісі келгендер де болады. Соған қарамастан, мектепте солақай балаларға арналған жарыстар ұйымдастырылатын. Соның бірі – "солақайлар спартакиадасы". Жыл сайын осы жарысқа қатысып, бір марқайып қалатынмын", - деп толықтырды ол.

Айтуынша, солақай екені дастархан басында ас ішкен кезде қатты байқалады. Кейде мұсылман елдерінде сол қолды лас қол деп санайтынын айтып, оң қолмен ас ішуге үйрен деп кеңес берген туыстары да болыпты.

"Сол ескертудің өзі жүрегіме қатты тиетін. Себебі мен мұны кемшілік ретінде қараған емеспін, мен осылай жаратылдым. Адамдардың көп бөлігі оң қолымен жұмыс істейді, солардың арасында өзімді ерекше сезінемін. Жалпы, солақай болудың өзі – ерекшелік", - дейді Жібек Құсайын.

Солақай болу – ерекшелік немесе кемшілік емес

Ал балалар психологы Аида Тұрғазы солақай болу адам миының бір бөлігі доминант болуымен ғана ерекшеленетінін айтты.

"Адам көп істі оң қолымен жасайтын болса, мидың сол жақ бөлігі белсенді жұмыс істейді деген сөз. Егер сол қолды белсенді қолданатын болса, мидың оң жақ жартышары жақсы жұмыс істейді. Бар ерекшелік осы. Жұмыс істейтін қолға байланысты, мидың бір бөлшегі басымдық танытады. Мидың сол жақ жартышары аналитика, анализ, логика, сан, математикаға жауап берсе, оң жақ бөлігі креативті ойлау, түйсік, әлемді қабылдауда адамның сыртқы келбетіне қарау, эмоция, музыкаға, шығармашылыққа жауап береді", - дейді Тұрғазы.

Сондықтан сол қолмен жұмыс істейтін балалар ерекше ойлайды. Солақай бала шығармашылыққа бейім болады. Армандауы, қабылдауы, музыкадағы ритмді сезуі, түстерге мән беруі жақсы дамиды.

Посмотреть эту публикацию в Instagram

Публикация от ПСИХОЛОГ /АИДА ТҰРҒАЗЫ (@aidaturgazy_)

Сонымен қатар психолог егер бала ата-анасынан басқа адамдардың оң қолмен жазатынын, не себепті өзінің солақай екенін сұраса, не деп жауап беру қажет екенін айтты.

"Балаға адамдардың әртүрлі болатынын, кей адамның бойында ерекшелік бар екенін айтып, талқылау методикасы арқылы әңгімелесу керек. Баланың түсіну, қабылдау деңгейіне қарай жғдайды, адамдарды талқылап, түсіндіру қажет", - дейді ол.

Солақай болуды ерекшелік немесе кемшілік деп емес, қалыпты жағдай деген түсінік қалыптастырған жөн, деп толықтырды Тұрғазы.

584
Кілт сөздер:
қол қою