Сот

Павлодардағы шенеунік пен бас дәрігердің төбелесі: сот шешімі шықты

177
(Жаңартылды 17:56 14.12.2018)
Павлодар облыстық денсаулық сақтау басқармасы қызметкері аурухананың бас дәрігерін соққыға жыққаны үшін жазаланды

ПАВЛОДАР, 13 желтоқсан – Sputnik. Сот Павлодар облысы денсаулық сақтау басқарамасы қызметкеріне жедел жәрдем ауруханасы бас дәрігерін ұрып-соққаны үшін айыппұл салды, деп хабарлайды Sputnik Қазақстан тілшісі.

"Нариман Шахмарданов ҚР ӘҚБК 73-бабы 1-тармағы "Ұрып-соғу"  бойынша әкімшілік құқық бұзушылық жасағаны үшін айыпты деп танылды, мемлекеттік кіріске 10 АЕК, яғни 24 050 теңге көлемінде айыппұл төлеуі тиіс", — деді Павлодар әкімшілік сотының судьясы Нұролла Есенжолов.

Бірақ Нариман Шахмарданов өзін айыпты деп санамайды. Оның айтуынша, төбелесті аурухананың дәрігері бастаған. Ол кенеттен желкесінен ұрып жіберген кезде, басқарма қызметкері қолын бір сілтеп, байқаусызда дәрігердің көзәйнегін сындырып алыпты.

Сот жәбірленуші деп таныған аурухананың бас дәрігері Марлен Ахметов оқиғаны мүлдем басқаша баяндайды. Оның сөзіне сүйенсек, басқарма қызметкері оны бетінен ұрып, көзілдірігін сындырып, әйнек қабағын жырып кеткен екен.

Дәрігердің ауруханаға жатуына тура келеді. Сол кезде шенеунік келіп, болған жай үшін кешірім сұрайды. Сот жәбірленушінің сөзіне сенді.

Сот отырысында анықталғандай, жанжал Шахмарданов қарт анасымен бірге жедел жәрдем ауруханасына барғанда, гардеробшы әйелдің оларға дауыс көтерінен туындаған. Шенеунік бұл туралы әлеуметтік желіде жазады. Оның үстіне оған науқастарға көрсетілетін қызмет ұнамапты. Сол үшін ол бас дәрігерді облыстық денсаулық сақтау бөліміне шақырған.

Марлен Ахметов гардеробшы әйелге бірден шара қолданып, әкімшілік жаза тағайындайды. Оның үстіне шаруашылық меңгерушісімен бірге облыстық денсаулық сақтау бөліміне жіберіп, кешірім сұратады. Сөйтіп, кикілжің жойылған.

Бірақ шенеунікке бас дәрігердің өзі келіп, кешірім сұрамағаны жақпайды. Жиналыстан кейін ол бас дәрігерді алып қалып, артынша арада төбелес туындаған.

177
Кілт сөздер:
шенеунік, бас дәрігер, төбелес, сот отырысы, Павлодар
Тақырып бойынша
"Деңгейіңді көрсетіп қойдың". Депутаттар тікелей эфирде төбелесті – видео
Павлодарда медицина қызметкерлері төбелесті: бірі жұмыстан қуылмақ
"Өзің оңбаған!". Шенеуніктер тікелей эфирде төбелесті
Көкшетауда мемлекеттік қызметкерлер жұмыс кабинетінде төбелесті
Загрузка...