Айшолпан Нұрғайып

Әлемге әйгілі бүркітші қазақ қыз Бурабайға келді

553
(Жаңартылды 18:37 19.12.2018)
Бурабайда аңшы құстар мен бүркітшілердің жарысы өтті. Оған моңғолиялық қандасымыз -танымал бүркітші қыз Айшолпан Нұрғайып құрметті қонақ ретінде қатысты

АСТАНА, 14 желтоқсан — Sputnik. Бүкіл әлемге танылған моңғолиялық бүркітші қыз Ақмола облысындағы халықаралық жарыстарға құрметті қонақ ретінде қатысты, деп хабарлайды Sputnik Қазақстан тілшісі.

Бурабай ауданында "Майбалық" демалыс орнында аты аңызға айналған отандасымыз, танымал құсбегі Мәсіп Батырханұлыны еске алуға арналған "Қансонар-2018" құсбегілер арасындағы халықаралық фестиваль өтті. Турнирге Венгрия, Испания, Моңғолия, Қазақстан, Қырғызстан, БАӘ, Қытай, Түрікменстан және Ресейден спортшылар қатысқан.

Бурабайдағы Қансонар құсбегілер жарысы
© Sputnik /
Бурабайдағы "Қансонар" құсбегілер жарысы

Жарыстар үш категория бойынша өткен: бүркіттер, қаршығалар және сұңқарлар.

Екі күндік жарыстың қорытындысы бойынша Көкшетау қаласы Красный яр ауылының 29 жастағы полиция қызметкері Руслан Тумурзин үздік құсбегі атанды. Оған басты сыйлық – автокөлік берілді. Саятшылықтан бөлек, жеңімпаз тазы өсіріп, Ақмола облысының көкпар құрамасында жарыстарға қатысады.

Жарыс жеңімпазы Руслан Тумурзин
© Sputnik /
Жарыс жеңімпазы Руслан Тумурзин

Қалған спортшылар сыйлықтар және жалпы сомасы 2 миллион теңге ақшалай сертификаттармен марапатталды. Бүркітшілер арасында бірінші орынды Алматы облысынан келген Алмас Сейітжан алды. "Қаршығамен саятшылық" номинациясында оның бауыры Аян Сейітжан жеңіске жетті. Ал сұңқармен аң аулауда алматылық Медет Шөліпов бірінші орын иеленді.

Бүркіт
© Sputnik /
Бүркіт

Жарысқа құрметті қонақ ретінде атақты бүркітші Айшолпан Нұрғайып келді. Этникалық қазақ қыз Монғолияда дүниеге келген, сегіз жасынан бастап аңшы құстармен айналыса бастады. Ал 10 жасында әкесімен саятшылыққа шыққан. Қазір грант бойынша Астанада білім алып жатыр.

Айшолпанның суреті шетелдік басылымның мұқабасында ерлерге тән аңшылықпен айналысатын қыз ретінде жарық көрген соң қандасымыз бүкіл әлемге танылған. Кейінірек ол туралы деректі фильм түсіріліп, әнші Sia қазақ қызына Angel by the Wings әнін арнады.

553
Кілт сөздер:
құстар, қазақ қызы, бүркітші, Ақмола облысы, Бурабай
Тақырып бойынша
Дархан Өте: бүркітші қыз Қазақстанды Головкин деңгейінде танытты
Гарвард және Оксфорд университеттері қазақтың бүркітші қызын оқуға шақырды
Загрузка...