Өңірлер

Алматыда 350-ге жуық көлік айнасын ұрлаушы ұсталды

© Sputnik / Алексей Лебедев / Медиабанкке өтуКөлік
Көлік - Sputnik Қазақстан
Жазылу
Көлік ұрыларының басым көпшілігі ұйымдасқан қылмыстық топ құрамына кірген

АЛМАТЫ, 25 желтоқсан — Sputnik. Алматы полициясы жүргізген бірқатар жоспарлы шаралар нәтижесінде қалада ұрлық жасап жүрген, оның ішінде көлік айналарын ұрлаумен айналысқан 28 ұйымдасқан қылмыстық топ анықталды.

Денис Теннің өлімі бойынша бастапқы тыңдау - Sputnik Қазақстан
Өңірлер
Алматыда Денис Теннің өлімі бойынша сот басталды

Барлығы 344 көлік айнасын ұрлаушы ұсталды, деп хабарлады полиция департаменті. Олардың көпшілігі ұйымдасқан қылмыстық топ құрамына кірген, алайда жалғыз өзі ұрлық жасап жүргендер де кездескен.

"Біреудің мүлкін ұрлаумен айналысатын 104 қылмыстық топ құрықталды, олардың ішінде: пәтер тонаушылар – 24, көлік ұрылары – 28 және басқа ұрлық түрі – 46", — деп мәлімет берді қылмыстық полиция басқармасының басшысы Есен Искаков.

Көлігінің айнасын ұрлағандарды ұстаймын деп ажал құшқан әйгілі қазақстандық мәнерлеп сырғанаушы Денис Теннің қазасынан кейін Алматы полициясы көлік ұрыларының көбейіп кеткенін мойындап, осы қылмыс түріне қарсы шара қолдануға мәжбүр болды.

Көліктің қосалқы бөлшектері сатылатын базарларды тексеріп шыққан жедел қызметкерлер ұрланған заттарды қабылдап, сататын дүкендерді анықтады.

Жаңалықтар
0