Өңірлер

Сырдарияда бөгет бұзылып, 60 гектар жерді су басып қалды

© Photo : пресс-служба акима Кызылординской областиСырдария
Сырдария - Sputnik Қазақстан
Жазылу
Жергілікті билік өзендегі жағдай бақылауға алынғанын және Сырдария бойындағы елді мекендер төтенше жағдай салдарынан зардап шекпегенін мәлімдеді

ҚЫЗЫЛОРДА, 27 желтоқсан — Sputnik. Қызылорда облысының Қазалы ауданында Сырдария суы бөгетті ағызып әкетті. Қалыптасқан жағдайға облыстық жұмылдыруға дайындалу бөлімінің басшысы Асылбек Шаменов түсініктеме берді.

"60 гектар жайылым жерді су басты, – деді ол. – Халық үшін ешқандай қауіп жоқ, су басқан жерге ең жақын елді мекен алты шақырым қашықтықта орналасқан".

Бөгет - Sputnik Қазақстан
Өңірлер
Батыс Қазақстанда 70 миллион теңгеге салынған жаңа бөгетті тасқын су бұзып кетті

Төтенше жағдай орнына 50-ден астам арнайы техника жөнелтіліп, бөгеттің бұзылған жері бітеліп жатыр.  

"Онда 150-ге тарта адам жұмыс істеп жатыр, бәрі бақылауда" — деді Шаменов. 

Оның айтуынша, Қызылорда облысы аумағындағы 1274 километр жерден Сырдария өзені ағып өтеді. 

"Өзендегі 609 километр бөгет елді мекендерді тасқыннан қорғайды, — деді Шаменов. – Біз қауіпті телімдерді білеміз, олардың саны 56, әр телімде тәулік сайын мониторинг жасалады".

Арал маңында Сырдарияны әлі түгел мұз жапқан жоқ. Егер облыстың солтүстігінде мұз басқан болса, оңтүстік өңірлерде, Шиелі мен Жаңақорғанда әлі су қата қойған жоқ.

Синоптиктер ауа райы нашарлайтынын ескертіп жатыр.

 

"Қазгидромет" РМК Қызылорда гидрометеорологиялық орталығының ақпаратына сәйкес, 27-29 желтоқсанда Қызылорда облысында кей жерлерде тұман түсіп, жолдарда көктайғақ болады", — деп хабарлады Төтенше жағдайлар департаменті.


Жаңалықтар
0