Өңірлер

Ақтөбеде танымал психолог сот залынан бір-ақ шықты

© Sputnik / Anar MustafayevАрхивтегі фото
Архивтегі фото - Sputnik Қазақстан
Жазылу
Анжела Арутюнова таныстарынан жаңа үйлерден пәтер алып беремін деп ақша жинаған

АЛМАТЫ, 8 қаңтар — Sputnik. Ақтөбе қаласының қылмыстық соты қалаға белгілі балалар психологы Анжела Арутюнованы алты жыл сегіз айға бас бостандығынан айырды.

Фемида - Sputnik Қазақстан
Қоғам
Түркістанның бас судьясы алаяқтық жасағаны үшін сотталды

Тергеу барысында ол 2015 жылдан 2016 жылға дейінгі аралықта өзінің таныстарына жаңа үйлерден арзан бағамен пәтер алып беруге уәде еткені анықталды. Психолог тоғыз адамнан ақша жинап, Краснодарға кетіп қалған, кейін ол жақтан Ақтөбеге экстрадицияланды, деп хабарлады Diapazon.kz.

Әйел ақшаны тек қарызға алғанын, оның бір бөлігін төлегенін айтты. Соған қарамастан, сот оның дәлелдерін негізсіз деп танып, жәбірленушілерге 96 миллион теңге көлемінде шығын төлеуді міндеттеді. 

Дегенмен Арутюнованың атында ешқандай мүлік жоқ, ақшаны қалай қайтаратыны түсініксіз. 

Психолог сот залында үкімге қатты наразылық білдіріп, 100 теңгеден өтемақы төлейтінін мәлімдеді.

Айта кетейік, Анжела Арутюнова Ресейге кетер алдында балабақшада психолог болып жұмыс істеген.


Жаңалықтар
0