Бақсы

ОҚО тұрғыны: әйелдің ішіндегі 1945 жастағы жынмен сөйлестім

2704
(Жаңартылды 15:23 23.01.2019)
Ауыр дертінен айыққан Берік Ерболатұлы түсінде пайғамбардан аян алғалы адам емдеп жүргенін айтты

АСТАНА, 22 қаңтар — Sputnik. Берік Ерболатұлы түсінде Мұхаммед пайғамбар аян беріп, бақсылық жолға түскенін айтады. Медицина емін таба алмаған ауыр дертінен айыққан ол 2012 жылдан бері адам емдеп келеді. 

Түсінде пайғамбар аян беріп, емшілік жолмен жүру керек деп ескерткелі бері Берік Ерболатұлы күнде түске дейін кісі қарап келеді. Түркістан облысы Сарыағаш ауданына қарасты Жылға ауылының тұрғыны ем үшін бірде-бір дәрілік шөп немесе медициналық препараттарды қолданбайтынымен ерекшеленеді. Дертіне дауа іздеп келген адамдарды аспаптардың көмегімен емдейді. Емшілік еткен төрт жылдың ішінде талай адамды ауруынан құлан-таза айықтырғанын айтады.

"Бұрын бес жыл бойы қатты ауырдым, денсаулығым болмады. Өзбекстанға барып жүрегіме ота да жасаттым. Аяқ-қолым істемей біраз жаттым. Дәрігерлер ешқандай диагноз қоя алмады. Түсімде пайғамбарды көрдім. Ол кісі қанаты бар ақ атпен келіп, ақ батасын берді. Сол күннен бастап неше түрлі аян көре бастадым. Осы жолға түсуің керек деп аян келе бастағаннан кейін Құран оқып, денсаулығым жақсара бастады", — деді Жылға ауылының тұрғыны  "Пендеміз ғой" бағдарламасында айтылды. 

Берік Ерболатұлы медицина колледжінде білім алып, кейін ауылдағы ауруханаға жұмысқа тұрады. Араға біраз уақыт салып жұмысынан шығып, үйде адам емдейді. Бастапқыда бір-екі адам келген. Кейін емшілік қасиеті туралы көптеген адам естіп, келушілердің қатары көбейеді.

Тағы оқыңыз: 

Емшінің нағашы жағынан арғы аталарында елге танылған бақсылар болған. Ал өз аталары қамшы мен қасиетті Құранды қолға ұстаған құрметті кісілер дейді. Келушілердің ішінде ауылдастарынан бөлек, алыс-жақын шетелдің азаматтары да бар. Ал жете алмағандарын суретіне қарап, қашықтықтан емдейтін қасиетке ие екен.

"Осы уақытқа дейін жасы ең үлкен 1945 жастағы жынмен сөйлестім. Ол бір күйеуі бар келіншектің ішіне кіріп кеткен екен. Әлгі келіншек тоқтамай ауырып, өзінің ата-енесіне пышақ алып жүгіреді. Бірде басылып, жын шығады, сосын қайтадан кіріп кетеді. Көптеген имам-молдаға барған екен. Кейде жынды шығара алмайтын кездер болған. Бірақ бұл жынды мен шығардым", — дейді ол.

Айтуынша, келіншек босана салысымен қырық күндей өзін жылы ұстамай, түнде әжетханаға жалаңаш шығып кеткен. Жын осы кезде кіріпті-мыс. Сондай-ақ, ол жынның қанның иісін ұнатып, әйелдің денесінде қалуды жөн көргенін айтып өтті. Емші жыннан арылу үшін қобызды пайдаландым деп отыр.

Берік Ерболатұлы туралы естіген қариялардың бірі емшінің сөзіне сенетінін айтса, екіншілері мұны өтірікке балады.

2704
Кілт сөздер:
жындар, емшілер, түс көру, пайғамбар, бақсы, медицина, Берік Ерболатұлы, Сарыағаш
Тақырып бойынша
Бақсы өлтіріп қойған жігіттің туыстары оқиғаның мән-жайын баяндады
Адамдар бақсы-балгерлерге неге сенеді?
Бақсы ақырзаманның қашан болатынын болжады
Алматыда "емші" алаяқтық жасады деген күдікке ілінді
Қазақстандық мамандар түсті қалай жору керек екенін айтты
Психоаналитик қандай адамдардың түс көрмейтінін айтты
Елбасы Медина қаласындағы Мұхаммед Пайғамбар мешітінде намаз оқыды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

31
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

31
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео
Елбасы Түркістан қаласын одан әрі дамыту жоспарымен танысты

Түркістанда түрлі форумдар мен спорт шараларын өткізіп тұру қажет Назарбаев

29
Түркістан қаласының жаңа нысандары бүкіл Қазақстан мен әлемнен турист тартатын, тұрғындардың назарын аударатын көрнекті орынға айналады, деп атап өтті Қазақстанның тұңғыш президенті

НҰР-СҰЛТАН, 28 қыркүйек – Sputnik. Елбасы Нұрсұлтан НазарбаевТүркістан қаласын одан әрі дамыту жоспарымен танысты, деп хабарлады Ақорда.

Нұрсұлтан Назарбаевқа "Керуен-сарай" кешені таныстырылып, "Әзірет Сұлтан" қорық-мұражайы аумағындағы археологиялық зерттеулердің нәтижелері туралы мәлімет берілді. Сондай-ақ Елбасыға осы жылдың тамыз айында Қазақстан президенті Қасым-Жомарт Тоқаевтың хаттамалық тапсырмаларын орындау аясында жүзеге асып жатқан басқа да жобалар туралы баяндалды.

Елбасы туристік және қала инфрақұрылымы құрылысының қарқыны жоғары екенін атап өтті.

Нұрсұлтан Назарбаев өзінің 2018 жылы қабылдаған Түркістанды қайта түлету туралы шешіміне Қазақстан халқы қолдау білдіргенін айтты.

"Бүгін біз Түркістанның жаңа нысандарымен таныстық. Олар бүкіл Қазақстан мен әлемнен турист тартатын, тұрғындардың назарын аударатын көрнекті орынға айналады. Түркістанның ауқымды құрылысы тұтас өңірдің экономикалық дамуына зор септігін тигізіп отыр", – деді Қазақстанның тұңғыш президенті.

Нұрсұлтан Назарбаев қаланың орналасқан жері, түркі әлемінің маңызды рухани орталықтарының бірі ретіндегі оның мәртебесі болашақта Орталық Азия елдерінің интеграциясына қызмет ететінін атап өтті.

"Түркістанда Түркітілдес елдердің саммитін өткізуді жоспарлаған болатынбыз. Әлемдегі күрделі ахуалға байланысты ол кейінге шегерілді. Егер бәрі ойдағыдай болса, оны Наурыз мерекесіне қарай өткіземіз деп ойлаймын", – деді Елбасы.

Сондай-ақ шара барысында туристік инфрақұрылым қалыптастыруды және көлік-логистикалық жобаларды іске асыруды жалғастыру қажеттігі аталып өтті.

Түркістан қаласында жаңа әуежай іске қосылды: рәсімге Елбасы қатысты 

Елбасы Түркістан қаласының тұрғындары мен қонақтары үшін жайлы жағдай жасаудың маңыздылығына да тоқталды.

"Қала өсіп, халқының саны да арта түсетініне сенімдімін. Мұнда түрлі форумдар мен жастар жиындарын, спорт шараларын өткізіп тұру қажет. Осылайша, біз қаланы көпшілікке таныстырып, көрсетуіміз керек. Түркістанды қайта түлетудің біздің халқымыз үшін маңызы зор", – деді Қазақстанның тұңғыш президенті.

Нұрсұлтан Назарбаев қала мен өңірдің одан әрі өсіп-өркендей беретініне сенім білдірді.

Соңында Елбасы БАҚ өкілдеріне арналған брифинг өткізіп, "Қазақстанның рухани астанасының" жаңа "Визит-орталығында" орналасқан музейді аралады.

29
Кілт сөздер:
Түркістан, Назарбаев, форум
Тақырып бойынша
Назарбаев пен Мирзиёев Сарыағашта өзекті мәселелерді талқылады
Мен көрген қиындықты ешкімнің басына салмасын – Түркістан әкімі 
Назарбаевтың ұсынысы: наурызда тағы бір мереке пайда болуы мүмкін
Назарбаев Маңғыстау облысына не үшін барды?
Нұрсұлтан Назарбаев Түркістан қаласына барды
Назарбаев: Тәуелсіздік алғаннан соң Түркістанды астана ретінде қарастырдым