Медеу мұз айдыны

Мұз айдынындағы төбелес: Ақтөбе облысында мектеп оқушысы көз жұмды

536
(Жаңартылды 08:56 29.01.2019)
Мектеп директорының айтуынша, жасөспірімді аяғынан 11-сынып оқушысы өзін қорғау мақсатында жарақаттаған

АСТАНА, 28 қаңтар — Sputnik. Ақтөбе облысы Шалқар қаласында болған төбелестен кейін мектеп оқушысы көз жұмды. Алдын ала мәлімет бойынша, оны жасөспірім жарақаттаған.

Екі ауданның балалары сенбі күні мұз айдыны ашылған Шалқар көлінде төбелес шығарды, деп жазады өңірлік "Диапазон" басылымы. Осы кезде мектеп оқушыларының бірін аяғынан пышақпен жарақаттаған.

"Жасөспірім аудандық аурухананың жансақтау бөлімінде көз жұмды. Біздегі мәлімет бойынша, бұл қорғану әрекеті болды. Қазір болған жағдайға байланысты күдікке ілініп отырған оныншы сынып оқушысы футболмен, баскетболмен айналысады, өзі жақсы оқиды", — деді №6 мектеп директорының қызметін атқарушы Әлия Оспанова.

Тағы оқыңыз: 

Марқұм жасөспірім бокспен айналысқан. Шалқарға көшіп келгенге дейн Ақтөбедегі спорттық шеберлік мектебінде білім алған.

Облыстық полиция департаменті әзірге болған жағдайға қатысты еш мәлімет бермеді.

Әлия Оспанованың айтуынша, ата-аналар көпшілік демалатын орындарда полиция қызметкерлерінің кезекшілігін ұйымдастыруды сұрап отыр. Ол жуырда мұз айдынында құлаған 11-сынып оқушысының құлағын конькимен байқамай кесіп кеткенін айтты. 

Айта кетсек, ішкі істер министрлігі жасөспірімдер ісі жөніндегі комитеттің шұғыл отырысын өткізуді ұсынды. Бұған жасөспірімдер арасында төбелестің көбейіп кетуі себеп. Қаңтар айында Түркістан облысында жоғары сынып оқушылары өздерінен кіші балаларды тізерлетіп отырғызып, басынан ұрған. Ал Қарағандыда пиццерияда орын бергісі келмеген 11 жасар баланың соққыға жығылғаны белгілі болды. Сондай-ақ, полиция Қызылордада бір жыл бұрын қатарласын дәретханада ұрып-соққан оқушыларды қолға түсірді.

536
Кілт сөздер:
ата-ана, жасөспірім, төбелес, оқушы, полиция, Ақтөбе облысы
Тақырып бойынша
Түркістанда оқушыларды ұрып-соққан жасөспірімнің анасы кешірім сұрады
Алматы облысында химия сабағынан кейін оқушылар ауруханаға түсті
Қазақстанда оқушылар 13 адам өлтірді
Түркістан облысындағы хиджаб дауы: оқушылар орамалын шешті
Ақмола облысында кәмелеттік жасқа толмаған оқушылар суға батып кетті
Түрме, архивтегі сурет

Қордайдағы қақтығыс: 59 адам қылмыстық жауапкершілікке тартылды

38
2020 жылдың 8 ақпанында Қордай ауданының 3 ауылында 2000-ға жуық адамның қатысуымен жаппай тәртіпсіздік салдарынан 11 азамат қаза болды

АЛМАТЫ, 29 мамыр – Sputnik. Қордай ауданындағы жаппай тәртіпсіздікке қатысқан 59 адам қылмыстық жауапкершілікке тартылды, 29 қылмыстық іс тексеріліп жатыр. Бұл жайында Арнайы прокурорлар қызметінің басшысы Ризабек Ожаров мәлімдеді, деп хабарлайды Sputnik Қазақстан тілшісі.

2020 жылдың 8 ақпанында Қордай ауданының 3 ауылында 2000-ға жуық адамның қатысуымен жаппай тәртіпсіздік салдарынан 11 азамат қаза болды, 10 адам кісі қолынаН, бір адам өртенген сауда үйінің құлауынан көз жұмды. 140 азамат, 20 полиция қызметкері әртүрлі жарақат алды.

"164 тұрғын үй және сауда нысаны, 100-ден аса көлік бүлінді. 342 адам жәбірленуші деп табылды, 400-ден аса сот-сараптама жүргізілді. Бір жарым мың адамнан жауап алынды. Тәртіпсіздіктің бастаушылар екі тараптан да болғанын айта кету керек. Қылмыстық жауапкершілікке 59 адам тартылды, олардың арасында қазақтар да, дүнгендер де бар", - деді Ожаров.

Түрлі факт бойынша 29 қылмыстық іс тексеріліп жатыр.

"Адам өлтіру, жаппай тәртіпсіздікке қатысу, полиция қызметкерінің өміріне қолсұғушылық, ұрлық, тонау, қарақшылық және мүлікті жою фактілері бойынша 29 қылмыстық істі тергеп-тексеріп жатырмыз", - деді ол.

Масаншы, Бұлар батыр, Ауқатты ауылдары тұрғындарының мүлкін қирату, бұзуға қатысқандардың басым бөлігі жұмыссыз жастар екені айтылып отыр.

"Олардың арасында адам өлтіру, қарақшылық, бұзақылық, тонау, зорлау фактісімен сотталғандар да бар. Тәртіпсіздік барысында азаматтарға барынша зиян келтіру үшін атыс қаруын, жандырғыш қоспаларын, тастар мен қолда бар басқа да құралдарды қолданған. Күдікті адамдардың қатысы айғақтармен, елді мекенде орналасқан бейнекамералармен, ұялы телефонға түсірілген бейнежазбалармен расталады", - деді арнайы прокурорлар қызметінің басшысы.

Тағы оқыңыз: Әкімдік Қордайда 11 нысан неге қалпына келтірілмей жатқанын түсіндірді

Бостандықта жүрген 12 күдікті адамға жеке кепілгерлік түріндегі бұлтартпау шарасы таңдалды. Қордай ауданы тұрғындары арасынан сенімді адамдар сәйкес міндеттемелерді қабылдады.

"Кінәсін мойындаған, тергеуге көмектескен, қылмыс жасаудағы екінші деңгейдегі рөлдері, отбасылық және денсаулық жағдайы ескеріліп, 8 адам қамаудан босатылды", - деді ол.

38
Кілт сөздер:
қылмыс, тәртіпсіздік
Тақырып:
Қордайдағы қақтығыс
Тақырып бойынша
Дүнгендер ұйымының басшысы Қордай туралы: "Мұны істеген қазақтар емес!"
Қорғаныс министрлігі депутат Смағұлдың дүнгендер жайлы сөзін жоққа шығарды  
Қарақат Әбілдина желідегі шулы жазбасы жайлы: "Дүнгендерді жақтамадым"
Дүнгендер ұйымының өкілі Қордай тұрғындарының неден қорқып отырғанын айтты
Дүнгендер қоғамдық бірлестігінің басшысы желідегі шулы жазбаға пікір білдірді
Қақтығыстардан кейінгі Масанчи

Әкімдік Қордайда 11 нысан неге қалпына келтірілмей жатқанын түсіндірді

42
(Жаңартылды 18:34 29.05.2020)
Үкіметтің қадағалауымен Қордай ауданында төтенше жағдай салдарынан зардап шеккен нысандарды жөндеу, қалпына келтіру жұмысы жүріп жатыр

АЛМАТЫ, 29 мамыр – Sputnik. Қордайдағы жаппай тәртіпсіздік салдарынан бүлінген 65 нысанның 54-інде құрылыс жұмыстары жүріп жатыр. Заңға сәйкес соғылмаған, құжаты жоқ 11 нысанда құрылыс жүріп жатқан жоқ. Бұл жайында Жамбыл облысы әкімінің орынбасары Ержан Жылқыбаев мәлімдеді, деп хабарлайды Sputnik Қазақстан тілшісі.

Айтуынша, құжаты жоқ нысандарды арнайы комиссия зерттеп, тиісті шешім қабылдайды.

"Нысандарды анықтап, заңға сәйкестігін тексеріп, олардың құрылыс барысын, сапасын, уақытында аяқталуын бақылау үшін облыста тиісті жұмыс тобы құрылды. Бұл комиссияға белсенді азаматтар, мәслихат депутаттары, үкіметтік емес ұйымдар және тиісті мемлекеттік азаматтар кіріп отыр. Ауданда 41 тұрғын үй мен 13 коммерциялық нысанды қалпына келтіру жұмыстары 30 сәуірден басталды. Тиісті мердігерлер жұмылдырылды", - деді Жамбыл облысы әкімінің орынбасары Ержан Жылқыбаев.

Айтуынша, "Шивон" қайырымдылық қоры құрылған. Демеушілер есебінен 104 миллион теңге аударылды. 

"Қазір алты нысанда құрылыс толық аяқталды. Қалған нысандағы жұмыстарды тамыздың соңына дейін бітіруді жоспарлап отырмыз. Одан бөлек күрделі жөндеуді қажет етпейтін 103 нысан демеушілердің көмегімен орнына келтірілді", - деді әкім орынбасары.

Сонымен қатар Қордай ауданында зардап шеккен 39 отбасыға 44 миллион теңге көлемінде көмек көрсетілді. Қосымша ауданның 936 отбасына 122 тонна азық-түлік көмек жеткізілген.

"Асыраушысынан айырылған жағдайға байланысты, қайтыс болған азаматтардың отбасына ай сайын орта есеппен 55 мың теңге әлеуметтік жәрдемақы тағайындалып, төленіп жатыр", - деді ол.

Облыс әкімі орынбасарының айтуынша, биыл 680 дүнген отбасы көрші аудандарға егіндікке шықты.

"Дүнген азаматтары жыл сайын көктем уақытында егіндікке шығады. Оның ішінде көрші облыстарға барады. Былтыр 320 отбасы барса, биыл 680 отбасыға мүмкіндік жасалды. Олар Шу ауданы, Қарағанды облысы, Алматы облысына шықты. Былтыр бір жарым мың гектар жерге егін екті. Биыл бұл көрсеткіш төрт есе артып, бес жарым мың гектарға егіп жатыр", - деді Жылқыбаев.

42
Кілт сөздер:
нысандар, әкімдік
Тақырып:
Қордайдағы қақтығыс
Тақырып бойынша
Қордайда дүнгендермен кездескен мәжіліс депутаты эмоциясын ұстай алмады
Дүнгендер ұйымының басшысы Қордай туралы: "Мұны істеген қазақтар емес!"
Қазақ тілі мұғалімі бар: Қордайда қаза болғандардың аты-жөні жарияланды
Қарақат Әбілдина желідегі шулы жазбасы жайлы: "Дүнгендерді жақтамадым"
Желіде балалардың Қордайда жүрген полицей әкесіне жазған хаты жарияланды
Арнайы жасақтағы қыздар

"Тревога" десе, үй киімімен барасың": арнайы жасақтағы қыздар ашық сұхбат берді

29
(Жаңартылды 23:01 29.05.2020)
Взводтың құрылу мақсаты – халықаралық канондарға сай, әйел қылмыскерлерді ұстау. Қазір взвод құрамында 22-35 жас аралығындағы 23 қыз жұмыс істейді

АЛМАТЫ, 29 мамыр – Sputnik, Айгерім Таубай. Алматыдағы жылдам қимылдайтын арнайы жасақта әйелдер взводы 2019 жылдың маусымында құрылды. Құрамында 23 қыз жұмыс істейтін взвод қоғамдық тыныштықты сақтау үшін бел жазбай қызмет етіп жүр. Арасында тұрмыс құрғандар мен екі-үш баланың анасы да бар.

Жедел қимылдайтын арнайы жасақтың инспекторы Айкерім Нұрболаттың айтуынша, взвод жылына екі рет сынақтан өтеді. Сынақ барысында 100 метрге, 800 метрге жүгіру секілді физикалық дайындығы мен оқ ату шеберлігі тексеріледі. Тұрақты түрде психологпен сабақ өтіп тұрады.

Айкерім Нұрболат
© Sputnik / Тимур Батыршин Batyrshin Timur
Жедел қимылдайтын арнайы жасақтың инспекторы - Айкерім Нұрболат

Бұл взводтың құрылу мақсаты – халықаралық канондарға сай әйел қылмыскерлерді ұстау. Қылмыс жасаған әйел ұсталған жағдайда изоляторға жеткізуге де қыздар қатысады. Одан бөлек қыздар жасағы қазір блок бекетте қоғамдық тыныштықты сақтауға жұмылдырылған. Концерт, футбол ойындары секілді адам көп шоғырланған жерлерге бұйрықпен жіберіледі.

"Аптасына екі рет командирмен бірлесіп сабақ өтеміз, заңға өзгеріс енгізілсе, соны талқылаймыз. Апта сайын тауға шығамыз, тауға шыққан кезде қандай тәсілді қолдану керек екені айтылады. Карантин кезінде тауға шығып жүрген жоқпыз, ал оған дейін тоғайға барып жүгіреміз не болмаса тауға шығамыз", - дейді Айкерім Нұрболат.

Қыздардың қабілеті жедел жасақта қызмет етуге жеткілікті

Жасақ құрамына қабылдау үшін қыздардың бойы 170 см-ден жоғары болып, заң туралы білімі, спортта жеткен жетістіктері, спорт шеберіне үміткер болуы қажет. Осы талаптарға сай болғандардың бірі – жасақ құрамына бірінші болып қосылған Әсем Байболатова.

29 жастағы Әсем Жамбыл облысы Байзақ ауданында дүниеге келген. 2009 жылы Алматы қаласындағы ішкі істер министрлігінің академиясына оқуға түскен. Оқуды бітірген соң Бостандық ауданы ішкі істер бөлімшесіне тергеу қызметінде екі жарым жыл жұмыс істеген. 2019 жылдың маусымына дейін сол аудандағы әкімшілік практика қызметін атқарды.

"Жылдам қимылдайтын арнайы жасақта қыздар взводының ашылғанын естіп, құжат жинауға кірістім. Ең алдымен қызметкердің спортқа деген қызығушылығына баса назар аударады. 2008 жылы Қазақстан чемпионатында қол күресінен жеңімпаз болып, спорт шеберін орындадым. Қызметтің ашылғанын ести сала, осында келдім. Спорттағы жетістіктерімді көрсеттім. Сол арқылы қабылдап алды", - дейді Байболатова.

Әсем Байболатова
© Sputnik / Тимур Батыршин Batyrshin Timur
Әсем Байболатова ер адаммен салыстырғанда қыздар барлығына аса жауапкершілікпен, мұқият қарайтынын айтады

Бойжеткен осы қызметке келгеннен кейін практикалық атуды тереңірек меңгеріп, жарыстарда жүлде алып жүр. Бұған дейін де қарумен жұмыс істегенін айтқан Әсем арнайы жасақ құрамында өзінің тағы бір қырын аша түскен. 2019 жылы қазанда практикалық атудан Қазақстан чемпионатында жеңімпаз атанған.

"Осы қызметке қатты қызықтым. Арнайы күште жұмыс істейтін қыздарға қызыға қарайтынмын. Бізде осы взводтың ашылғанын кадр бөлімінен естіп, бірден келдім. Өзім қылмыскерлерді ұстау, қажет жерінде күш қолдану секілді қимылдарды көргім келді. Қыздардың қабілеті жедел жасақта қызмет етуге жеткілікті, тіпті ер адаммен салыстырғанда қыздар барлығына аса жауапкершілікпен, мұқият қарайды. Сонымен қатар қыздар шыдамдырақ келеді. Қыздардың бұл салада қызмет еткенінді тұрған ештеңе жоқ, істі тиянақты орындайды", - дейді ол.

Олимпиада ойындарынан жасақ жаттықтырушысына дейін

Қасенова Саида – бокстан Қазақстанның жеті дүркін чемпионы, Азия чемпионы, Азия ойындарының күміс және қола жүлдегері, әлем кубогінің қола жүлдегері, ең алғаш Олимпиада ойындарына лицензия алған қазақ қызы. 2012 жылы Олимпиада ойындарында 5-орын алған спортшы 2020 жылдан бастап жедел жасақ құрамында жаттықтырушы болып қызмет етеді. Бокстан кейін аралас жекпе-жектен Қазақстанның чемпионы атанған Саида қыздардың физикалық дайындығын жаттықтырады.

"Әр қыздың өз мінезі бар. Тіпті арнайы жасақта жұмысқа анау-мынау қыз келе бермейді. Алдына мақсат қойып соған жете алатын мінезді, сабырлы қыздар жұмыс істейді. Сондықтан әрқайсысымен жұмыс істеу арқасында кімнің қай спортқа деген қабілеті, құштарлығы бар екенін анықтап, жеке-жеке жұмыс істейміз. Бірі бокста мықты, бірінің жүгіру, күресуге икемі бар. Болашақта біраз жарыстан жылдам жасақ қыздарын көріп қаласыздар", - дейді Қасенова.

Саида Қасенова
© Sputnik / Тимур Батыршин Batyrshin Timur
Қасенова Саида – бокстан Қазақстанның жеті дүркін чемпионы, Азия чемпионы, Азия ойындарының күміс және қола жүлдегері, әлем кубогінің қола жүлдегері, ең алғаш Олимпиада ойындарына лицензия алған қазақ қызы.

Олимпиада ойындарынан кейін құрамада біраз уақыт болған Саида кейін Қазақстанның жасөспірім қыздар құрамасының бас жаттықтырушысының көмекшісі қызметін атқарған. Сол жақта бір жыл қызмет етіп жүріп, аралас жекпе-жектен жарысқа барған. Жарыста аяғынан жарақат алған спортшы біраз уақыт денсаулығына көңіл бөлген.

"Ота жасатқан соң, жеті айдан кейін жаттығу бастап, жарысқа шықтым. Аралас жекпе-жектен әлем біріншілігіне барып қайттым. Содан кейін осы бағытқа бет бұрдым. Қыздар құрамасы ашылған соң, 2020 жылдың басында жасаққа келдім. Үлкен спорт бар жерде оңай дүние жоқ, жарақат алмайтын спортшы жоқ. Карантин болған соң қазір жарыстар жоқ, алда жарыстарға дайындықты бастаймын", - дейді Қасенова.

Жаттықтырушы болғанымен адам жетпей жатқан кезде жасақ құрамында бірге шығатын Саида блок бекеттегі жұмысы жайлы айтты.

"Бір қарағанда адам өміріне қауіпті емес жұмыс секілді көрінуі мүмкін, алайда ол жерде де түрлі адам бар. Біз (арнайы жасақ - Sputnik) сол жердегі қызметкерлердің қауіпсіздігіне жауап береміз. Бекетте тұрып адамдарға түсіндіру жұмысын жүргізіп, халықпен етене жұмыс істеуге тура келді. Ішінде мас болып, қызметкерлерге күш қолданған адамдар да болады. Сондай сәтте жедел түрде араласамыз", - дейді Саида Қасенова.

Ол халықпен жақын жұмыс істеген соң қару ұстауға қажеттілік болмағанын айтты. 

"Жаңа жылдан бері қару алып, қауіпті операцияларға әлі барған жоқпын. Қыздардың қарусыз жұмыс істеуіне көмектесемін. Қыздардың ішінде біреу жүгіруден, бірі соққы беруден әлсіздеу болса, қазір барлығы кез келген жағдайға дайын", - дейді ол.

"Халқым үшін туған қызбын"

Алты жасынан бастап спорт пен өнерді бір арнаға тоғыстырып жүрген Қарашаш Есдәулетова Алматы облысы Ұзынағаш ауылында дүниеге келген. Әкесі мен анасы – самбошы, спорт шебері. Бала күнінен сұлулық байқауларында топ жарған Қарашаш, фотомодель болып, арасында киноэпизодтарға шақырту алған. Ал 2020 жылдың басынан бері жедел жасақ құрамына қабылданып, осы салада жұмыс істеп жүр.

Қарашаш Есдәулетова
© Sputnik / Тимур Батыршин Batyrshin Timur
Актерлік шеберлік мамандығын тәмамдаған бойжеткен ән салып, театрда да ойнаған

Есдәулетова Қарашаш – жүзуден, еркін күрестен спорт шеберіне кандидат, дзюдо мен самбодан спорт шебері, самбодан Алматы қаласының бірнеше дүркін чемпионы, жеті дүркін Қазақстан чемпионы, Азия чемпионы. 

"Ішкі істер органдарында оның ішінде жедел жасақта жұмыс істеуді бала күнімнен армандадым. Себебі менің ағаларым осы жерде жұмыс істеді. Америкалық фильмдерді көріп, бізде де осындай арнайы жасақ, әскери бөлім болғанын қаладым. Ашылғанын естіген кезде жүгіріп келдім, жер тістесем де осы жұмысқа орналасамын дедім. Мен үшін бұл жер лагерь секілді, жаным рахат табады", - деді Есдәулетова.

Актерлік шеберлік мамандығын тәмамдаған бойжеткен ән салып, театрда да ойнаған. Ал қазір қоғамдық тәртіпті бақылайтын жедел жасақтың бір мүшесі. Өзінің 13 жасынан бастап кәсіби спортпен айналысуына отбасы әсер еткенін айтты.

Әңгіме барысында бойжеткен арманын туралы сөз қозғады. Айтуынша, спорттың бірнеше түрінен дайындалып, спортта топ жаруды мақсат еткен.

"Шетелге барып, жарысқа қатысып, жылдам жасақ қыздарының шеберлігін көрсеткім келеді. "Қазақстанның жедел жасақ қыздары" деген атын шығарып, атақ алып келгім келеді", - дейді ол.

  • Мен үшін бұл жер лагерь секілді, жаным рахат табады
    "Мен үшін бұл жер лагерь секілді, жаным рахат табады"
    © Sputnik / Тимур Батыршин Batyrshin Timur
  • Спортпен айналыс та, еліңді, жеріңді қорға, қызмет ет
    "Спортпен айналыс та, еліңді, жеріңді қорға, қызмет ет"
    © Sputnik / Тимур Батыршин Batyrshin Timur
  • Тревога десе, үй киімімен барасың
    "Тревога" десе, үй киімімен барасың"
    © Sputnik / Тимур Батыршин Batyrshin Timur
1 / 3
© Sputnik / Тимур Батыршин Batyrshin Timur
"Мен үшін бұл жер лагерь секілді, жаным рахат табады"

Айтуынша, жұмыс кезінде көзге түсетін сырға тағып, тырнақты қанық түске бояуға болмайды. Соған қарамастан, форма мен әскери аяқкиімді де жақсы көремін, дейді ол.

"Барлық жағдай жасалған. Спортпен айналыс та, еліңді, жеріңді қорға, қызмет ет. Үнемі халқым үшін туған қызбын деп ойлайтынмын. Спортта да сондай қағиданы ұстандым. Блок бекетте болсын, ұстау секілді операцияларға барғанда да халқым үшін жасап жатырмын деген ойда боламын", - дейді Қарашаш.

Айтуынша, жұмысқа түнгі үште де, жұмыстан тыс мезгілде, кез келген уақытта шақыруы мүмкін.

"Кез келген уақытта шақыртып алады. Тіпті көшеде кетіп бара жатқанда, "тревога" десе, үй киіміңмен кетесің. Үйге барып шығайын деген әңгіме мүлдем айтылмайды. Бұл біздің екінші үйіміз. Біраз уақыт бұрын дүкенге бара жатқанымда, хабарласты. Содан бірден такси тоқтатып, базаға келдім. Отбасым бұған үйреніп кеткен", - дейді ол.

Арнайы жасақ, жаттығу
© Sputnik / Тимур Батыршин Batyrshin Timur
Жұмысқа түнгі үште де, жұмыстан тыс мезгілде, кез келген уақытта шақыруы мүмкін
29
Кілт сөздер:
спорт, қыздар
Тақырып бойынша
Халықаралық армия ойындары-2019: алғаш рет қыздар "Танк биатлонына" қатысты
"Тест нәтижесін көрсету керек": алматылық ерікті сұхбат берді
Әділбек Ниязымбетов қазір немен айналысып жүргенін айтты
Әлемдегі ең сұлу қыздар қай елде тұрады - фото
Қазақстандық спортшы мұрны сынса да, жекпе-жекті жеңіспен аяқтады – видео