Аяз

"45 градус аяз": алдағы үш күнге ауа райы болжамы

609
(Жаңартылды 13:31 04.02.2019)
Қазгидромет синоптиктері алдағы үш күнге ауа райы болжамын ұсынды

АСТАНА, 4 ақпан – Sputnik. 2019 жылдың 5-7 ақпан аралығына ауа райы болжамы жарияланды.

Қазгидромет хабарлағандай, Жайық өңірінен келген атмосфералық фронттар мен Қазақстанның басым бөлігіндегі оңтүстік циклон салдарынан қар жауып, бұрқасындатады, қатты жел соғады, оңтүстік облыстарда тұман және көктайғақ болады.

Содан соң елімізге Карск теңізінен антициклон келіп, арктикалық ауа ағыны салдарынан солтүстік, орталық және шығыс облыстарда 35…45°С қатты аяз болады. Тіпті оңтүстік өңірлерде де күн суытып, кей жерде 22…30 градусқа дейін нөлден төмендейді.

Астана, Алматы, Шымкенттегі ауа райы

Gismeteo порталының мәліметіне сүйенсек, 5 ақпанда елордамызда ауа температурасы түнде -18 градус болып, қар жауады, күндіз -26 градусқа дейін төмендейді. Алматыда түнде -2 градус болса, күндіз керісінше +2 градус жылы болады. Шымкентте түнде 5 градус жылы болса, күндіз сынап бағанасы +4 градусты көрсетеді.

6 ақпанда Астанада түнде -31 градус, күндіз де аяздың беті қайтпай, -29 градусты көрсетеді. Алматыда түнде -2 градус болып, қар қалың жауады, күндіз сынап бағанасы 7 градус нөлден төмендейді. Шымкентте түнде -1 градусқа дейін төмендесе, күндіз 0 градус болады.

7 ақпанда бас қаламыз Астанада түннен бастап аяз күшейіп, таңертең -38 градусқа дейін төмендейді, күндіз ауа температурасы – 28 градус аяз. Алматыда түнде -16 градус болса, күндіз температура сәл жоғарылап, сынап бағанасы -9 градусты көрсетеді. Шымкентте ауа температурасы түнде – 4 градус суық, күндіз – 0 градус.

609
Кілт сөздер:
Қазгидромет, өңірлер, қатты аяз, ауа райы болжамы
Загрузка...