Қыс

Астана мен еліміздің бірнеше облысында ескерту жарияланды

903
Синоптиктердің болжамына сүйенсек, елорда мен үш облыста ауа райы қолайсыз болады

АСТАНА, 16 ақпан — Sputnik. Астана мен Қазақстанның үш облысында дабылды ескерту жариялады. Ақмола, Жамбыл және Түркістан облыстарында жексенбіде күн бұзылады.

Астана мен Ақмола облысы

"Қазгидромет" РМК мәліметі бойынша, 17 ақпанда Ақмола облысында кей жерде боран соғып, тұман түседі, көктайғақ болады. Бұл күні желдің екпіні  15-20 м/с-қа жеті мүмкін.

Астанада синоптиктер құбылмалы ауа райы болады деп хабарлады. 17 ақпанда қар қалың жауып, тұман түседі және көктайғақ болады.

Жамбыл облысы

Осы жексенбіде облыста қатты жел соғады – 15-20 м/с. Келесі күні 18 ақпанда түнде желдің ұйытқуы 23-28 м/с болуы мүмкін. Атап өтсек, облыста алдағы тәулікте тұман түсіп, көктайғақ болады.

Таразда тұман түседі, желдің екпіні 15-20 м/с, кей жерде ұйытқуы 23-28 м/с.

Түркістан облысы

17 ақпанда Түркістан облысында тұман, көктайғақ, күндіз жауын-шашын мол түседі. Өңірде желдің ұйытқуы 15-30 м/с.

903
Кілт сөздер:
дабылды ескерту, Ақмола облысы, Жамбыл облысы, Түркістан облысы, Астана
Загрузка...