сәби

Алматы облысында нәрестені пакетке салып, шарбаққа іліп кеткен

2575
(Жаңартылды 17:19 18.02.2019)
Жұп-жұқа мойынорағышқа оралған сәбиді пакетке салып, шарбаққа іліп кеткен, оны тауып алған ауыл тұрғындары жедел жәрдем мен полиция шақырды

ТАЛДЫҚОРҒАН, 18 ақпан — Sputnik. Алматы облысының полицейлері Түрген ауылының көшелерінің бірінде табылған нәрестенің анасын іздестіріп жатыр деп хабарлайды Sputnik Қазақстан тілшісі.

12 ақпан күні Есік қаласының ауруханасына жеткізілген тастанды бала жайлы ақпарат әлеуметтік желіде тарап кеткен болатын.

Нәрестені Түрген ауылының тұрғындары жер үйдің маңынан тауып алады. Жұп-жұқа мойынорағышқа оралған сәби полиэтилен пакеттің ішінде болған. Оны әлдекім шарбаққа іліп кетіпті. Тұрғындар сәбиді жылытып, жедел жәрдем мен полиция қызметкерлерін шақырды.

Алматы облысының полициясы бұл ақпаратты растап отыр.

"Полиция қызметкерлері табылған баланың анасын анықтауға бағытталған жедел-іздестіру шараларын қолға алды. Сондай-ақ аталған фактіге қатысты ҚР Қылмыстық заңнамасының 119-бабы "Қауіпті жағдайда қалдыру" бойынша сотқа дейінгі тергеу жұмыстары жүргізілуде. Бұл іспен Еңбекшіқазақ ауданының тәртіп сақшылары айналысады" - деп хабарлады облыстық полиция департаментінің баспасөз қызметі.

Есік ауруханасының дәрігерлері сәбидің денсаулығы жайлы айтып берді.

"Сәби – қыз бала, салмағы 2 500 грамм, бойы 49 сантиметр. Ауруханаға түскенде жағдайы ауыр болатын, нәресте енжар, қатты тоңған, дене температурасы 34 градус. Сәбилерге арналған жансақтау бөліміне келіп түсті. Қазіргі таңда жағдайы орташа, нәрестелердің сары ауруы мен конъюнктивиттен ем алуда. RW және ВИЧ-ке анализ алынды",- деді Есік перзентханасының меңгерушісі Гүлнар Мамырбекова.

Баланың құжаттарын ресімдеумен аудандық әкімдіктің қамқорлық бөлімі айналысып жатыр. Құжаттар дайын болып, қыз бала ем қабылдап болған соң ол Шелек сәбилер үйіне жіберіледі.

2575
Кілт сөздер:
нәресте, Алматы облысы
Тақырып бойынша
Алматыда дәмханалардың бірінен табылған пакет жұрттың үрейін туғызды
Астанада Қазмедиа орталығы маңында күдікті пакет табылды
Өскемен тұрғыны көшеден шақалақтың мәйіті салынған пакет тауып алды
Астанада аялдамада жатқан пакет жұртты дүрліктірді
"Басына пакет кигізіп, түнімен қорлады". Ақтөбеде полицейлерге қатысты тергеу басталды
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

33
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

33
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті
Архивтегі фото

Жамбыл облысында есірткі тасымалдаған қылмыстық топ сотталды

48
Күдіктілерді тінту шаралары барысында жалпы салмағы 100 килограмм марихуана есірткі заты табылған болатын

НҰР-СҰЛТАН, 30 қыркүйек – Sputnik. Қырғызстаннан Қазақстанға есірткі тасымалдаумен айналысқан қылмыстық топтың тоғыз мүшесі сотталды, деп хабарлады Polisia.kz.

Сотталушыларға 10 жылдан 17 жылға дейін бас бостандығынан айыру жазасы кесілді.

Еске сала кетейік, 2019 жылдың қаңтар айында Жамбыл облысында полиция департаменті криминалдық полиция басқармасының қызметкерлері өңірдегі Ұлттық қауіпсіздік комитетімен бірлесіп, Қырғызстаннан Қазақстанға аса ірі көлемде "марихуана" есірткі затын тасымалдаумен айналысқан адамдарды әшкерелеп, ұстаған болатын.

Оқи отырыңыз: Түркістан облысында өзге өңірдің екі тұрғыны 700 келі есірткімен ұсталды 

Облыстық полиция департаменті бастығының орынбасары Нұржан Қалметовтың айтуынша, тінту шаралары барысында ұсталғандардан жалпы салмағы 100 килограмм марихуана есірткі заты табылған.

"Алдын ала тергеу нәтижесінде топ басшылары мен мүшелері шекарада марихуана сатып алып отырғандығы анықталды, оны сату үшін Нұр-Сұлтан қаласына жіберіп отырған", - дейді Қалметов.

Жыл басынан бері облыс бойынша есірткімен байланысты 508 қылмыс тіркелген. Заңсыз айналымнан 2,5 тоннадан астам түрлі есірткі заттары, оның ішінде 1,5 келі героин, 55 келі гашиш және 2,5 келіден астам синтетикалық есірткі заттары тәркіленді.    

48
Кілт сөздер:
қылмыстық топ, есірткі, Жамбыл облысы
Тақырып бойынша
Қызылордада полицейлер есірткі диллерлерін тікұшақпен қуып жүріп ұстады – видео
Ұлттық қауіпсіздік комитеті Нұр-Сұлтанда арнайы операция өткізді  
Байқоңырда көпбалалы ана сотталды
Шетелде өмір бойына сотталған тағы бір қазақстандық туралы ақпарат шықты