Ана мен сәбиі

"Дәрігерлер шарасыз еді": Жезқазғанда жас босанған әйел мен сәбиі көз жұмды

1929
(Жаңартылды 19:44 20.02.2019)
Дәрігерлер ана мен баланың өміріне араша түсе алмады

ҚАРАҒАНДЫ, 20 ақпан — Sputnik. Жезқазғанда жүктілігінің жетінші айында кенет ауырып қалған әйел мен жаңа туған сәбиі көз жұмды. Денсаулық сақтау басқармасы хабарлағандай, дәрігерлер ана мен баланың өміріне араша түсуге шарасыз еді.

Қарағанды облысының денсаулық сақтау басқармасының басшысы Ержан Нұрлыбаев жас босанған ана мен сәбиінің өліміне не себеп болғанын түсіндірді.

"Әйелдің жалған толғағы келіп, ауруханаға жеткізілген. Келесі күні қан қысымы күрт төмендеп кетті, - деп мән-жайды түсіндірді Ержан Нұрлыбаев. – Әйелге шұғыл ота жасалған. Бірақ, өкінішке орай, аман алып қалу мүмкін болмады, ол гемморагиялық шоктан қайтыс болды. Кесар тілігін жасағаннан соң, сәбиі де шетінеп кетті, себебі анасы көп қан жоғалтқан. Мәйітке сот-медициналық сарапшылар сараптама жүргізді, оның нәтижесіне ешқандай қатысымыз болған жоқ. Әйелдің ауыр дертке шалдыққаны белгілі болды – бүйрек қантамырының аневризмасы, яғни ол иілгіштігін жоғалтқан".

Өңірдің денсаулық сақтау басқармасының басшысы айтқандай, мұндай асқынудың алдын алу мүмкін емес. Аневризма ота кезінде анықталуы мүмкін, бірақ оның жарылып кетуінің алдын алу үшін толық тексеруден өткізіп, МРТ-ға түсіру қажет. Аневризма – белгілері жоқ дерт, оның үстіне, науқастың анамнезінде бүйрек сырқаты туралы жазылмапты.

"Аорта екі сантиметрдей жарылып кеткен. Демек, науқас өте тез қан жоғалтты. Қазір қылмыстық тергеу жүріп жатыр, өйткені, хаттамаға сәйкес, науқас көз жұмса, міндетті түрде тергеу басталады. Туыстары дәрігерлерді айыптап отырған жоқ. Өкінішке орай, мұндай жайтты дәрігерлеріміз алдын ала болжап біле алмайды әрі науқасты аман алып қалу да мүмкін емес", - деп атап өтті өңірдің бас дәрігері.

Марқұм ананың жасы 35-те еді, ол 18 ақпанда ота үстінде қайтыс болды.

1929
Кілт сөздер:
жүктілік, сәби өлімі, ана өлімі, Жезқазған
Тақырып бойынша
Астана перзентханасында тағы бір әйел сәбиінен айырылды
Мас дәрігер толғағы қысқан әйел мен іштегі сәбиін өлтіріп алды
Туысы бетінен сүйген соң жаңа туған сәби шетінеп кетті
Атыраудағы сәбилер өлімі: қайғыдан қан жұтқан аналар перзентхананы тексеруді талап етті
Атырауда 108 нәресте шетінеді: дәрігерлер жас босанған әйелдердің өзін кінәлайды
Балауыз шам

Көкшетауда танымал кәсіпкердің қазасына орай ас берген мейрамханаға айыппұл салынды

881
Мейрамхана маңында көліктердің көптеп жиналуы қадағалаушы орган өкілдерінің назарын аударғандықтан арнайы рейд ұйымдастырылған

НҰР-СҰЛТАН, 28 қыркүйек – Sputnik. Көкшетауда белгілі кәсіпкер, жанармай құю станциялары желісінің иесі, 60 жастағы Владимир Свидерский жерленді. Мониторингтік топ танымал кәсіпкердің қазасына орай ас берген мейрамханаға бұқаралық іс-шаралар өткізуге тыйым салуды бұзғаны үшін айыппұл салды, деп хабарлайды Sputnik Қазақстан.

Қаладағы "Аристократ" мейрамханасында кәсіпкерге арналған ас берілген. Мейрамхана маңында көліктердің көптеп жиналуы қадағалаушы орган өкілдерінің назарын аударған. Санитарлық ережелердің бұзылғанын тауарлар мен қызметтердің сапасын және қауіпсіздігін қадағалау басқармасының мамандары арнайы рейд барысында анықтаған.

"Полиция бөлімінің қызметкерлері "Аристократ" мейрамханасында ас беру шарасы ұйымдастырғанын анықтады. Мұндай басқосу өткізу Ақмола облысының мемлекеттік бас санитар дәрігерінің 30 тамыздағы N109 бұйрығына қайшы келеді", – деді Ақмола облысының бас санитар дәрігері Айнагүл Мусина.

Бұл жерде әңгіме ауаны бұқаралық іс-шараларға тыйым салу және әлеуметтік арақашықтықтың сақталуы туралы болып отыр.

"Сондықтан да анықталған заңбұзушылықтар бойынша әкімшілік шаралар қолданылады", – деп толықтырды Мусина.

Кәсіпкер Нұр-Сұлтанға барар жолда көз жұмды

Айта кетейік, бұан дейін көкшетаулық белгілі кәсіпкер Владимир Свидерскийдің жол апанынан көз жұмғанын хабарлаған болатынбыз. Жол апаты Нұр-Сұлтан – Петропавл тас жолының 285-ші шақырымында болды. 1960 жылы туған Владимир Свидерскийдің Range Rover көлігімен бес адам Көкшетау қаласынан елордаға жол тартқан.

716 порталының хабарлауынша, апат салдарынан Свидерский мен 55 жастағы жолаушы Олег Анисимов сол жерде қайтыс болған. Тағы бір жолаушы – 1963 жылы туған Валерий Бевзовой ауруханада жан тапсырды.

"Екі жолаушы түрлі жарақатпен Көкшетаудағы көпсалалы облыстық ауруханаға жеткізілді", – делінген хабарламада.

Оқи отырыңыз: Нұр-Сұлтанда түнгі клуб әкімшісі қамауға алынды

881
Кілт сөздер:
айыппұл, шектеу, жол апаты
Тақырып бойынша
Маңғыстауда туған күнін тойлаған шенеунік айыппұл төледі
Бекшин көп реттік маскаға айыппұл салу жайлы сұраққа жауап берді
Алматы тұрғындарына бір аптада 16 миллион теңге айыппұл салынды
Жүздеген адам білім министрімен фотоға түскен – санитарлар айыппұл салды
Құдалық пен қыз ұзату тойын өткізген алматылықтарға ірі көлемде айыппұл салынды
Қазақстанда тағы бір адам қаржы пирамидасына қатысты күдікпен қамауға алынды
Құлсарыдағы балабақша

Атырау облысында 2 миллиард теңгеге екі жыл бұрын салынған қос балабақша жабылды

69
Әкім орынбасарының айтуынша, құжаттар өзгертілгеннен кейін ғана нысандардағы кемшіліктерді түзетуді кім қолға алатыны белгілі болады

НҰР-СҰЛТАН, 28 қыркүйек – Sputnik. Атырау облысының Құлсары қаласында екі жаңа балабақша жабылды. Мектепке дейінгі бұл мекемелер екі жыл бұрын ғана пайдалануға берілген болатын.

Әрқайсысы 290 балаға арналған қос балабақшаның құрылысына 2 миллиард теңгеден астам қаражат жұмсалған.

"Қазіргі кезде едендері бүлініп, қабырғалары үгітілген балабақшалар жабылды", – деп хабарлайды Хабар 24.

Қала әкімдігінің өкілдері бар мәселе балабақшаларды жобалау кезінде жіберілген қателік екенін айтады. Ал кінәлілер арнайы тексеріс пен сараптамадан кейін анықталады.

Ендігі жерде бұл жердегі балалардың барлығына басқа балабақшаға баруына тура келеді.

"Жобалық-сметалық құжаттаманы әзірлеу кезінде қателік жіберілген. Сондықтан да құжаттама өзгертіліп, содан кейін ғана нысандардағы кемшіліктерді түзетуді кім қолға алатыны белгілі болады", – дейді Құлсары қаласы әкімінің орынбасары Арай Нұрмаханова.

Айта кетейік, мектепке дейінгі қос мекеме де мұнай компаниясының қолдауымен салынған екен.

Оқи отырыңыз: Министр жекеменшік балабақша тәрбиешілерінің жалақысы қалай өсетінін түсіндірді

69
Кілт сөздер:
Атырау облысы, балабақша
Тақырып бойынша
Балабақша меңгерушісі өз кабинетінде парамен ұсталды – видео
Алматыда балабақша тәрбиешісі 6 жылға сотталды
Теміртауда екі жасар сәбиді тұншықтырған балабақша тәрбиешісі сотталды
Бүлдіршінді сорпамен күйдірген балабақша қызметкері жазадан құтылды
Балабақша мен мектепке қабылдауға қатысты өзгерістер жарияланды 
Қолдағы ақша, архивтегі сурет

Шымкентте төрт адам 40 миллион теңгемен ұсталды видео

0
(Жаңартылды 11:27 28.09.2020)
Олар алдын-ала сөз байласып, іс жүзінде орындамаған жұмыстар мен тиелмеген тауарлар бойынша жалған шот-фактура жазумен айналысқан

НҰР-СҰЛТАН, 28 қыркүйек – Sputnik. Шымкент қаласында жалған шот-фактуралармен айналысқан қылмыстық топ ұсталды, деп хабарлайды Sputnik Қазақстан қаржы мониторингі комитетіне сілтеме жасап.

Ресми мәліметке сәйкес, комитеттің Шымкент қаласы бойынша экономикалық тергеу департаменті қызметкерлері жүргізген жедел-іздестіру шаралары барысында бір топ адамның алдын-ала сөз байласып, іс жүзінде орындамаған жұмыстар мен тиелмеген тауарлар бойынша аса ірі көлемде сомаға жалған шот-фактура жазумен айналысқанын анықтады.

"Атап айтқанда, 4 азамат алдын-ала сөз байласып 615 миллион теңгені құрайтын жалған шот-фактураларды жазу үшін 40 миллион теңге, яғни жалпы соманың 6,5% сыйақы ретінде алу үстінде ұсталды", – дейді тергеушілер.

Шымкент қаласы Абай аудандық сотының үкімімен айыпталушылар Қылмыстық кодекстің 216 бабының 3-бөлігіне сәйкес кінәлі деп танылды. Осыған орай, оларға үш жыл мерзімге шартты түрде бас бостандығынан айыру жазасы тағайындалды. 

0
Кілт сөздер:
жалған құжат, қылмыстық топ
Тақырып бойынша
Мемлекеттік кәсіпорын басшысы 10 миллион теңге пара алды деген күдікпен ұсталды
Түркістан облысында пара беріп баспаналы болғандар үйді босатуға мәжбүр
Нұр-Сұлтанда басқарма басшысы 1 миллион теңгеге дейін пара алған – видео
Алматы облысында он жылдан бері халықаралық іздеуде жүрген шетелдік ұсталды
Денсаулық сақтау вице-министрі ұсталды: қылмыстық істің мән-жайы белгілі болды