Үй

Депутат "времянкада" тұрып жатқан көпбалалы отбасыға үй алып берді

629
(Жаңартылды 10:12 22.02.2019)

АСТАНА, 21 ақпан — Sputnik. Қостанай облысында "Нұр Отан" партиясы қолға алған "Бақытты отбасы" жобасының аясында бес баласы бар ата-анаға үйдің кілті табыс етілді, деп хабарлайды "Костанайские новости" басылымы.

Баспанаға мұқтаж отбасыны анықтау үшін партияның Таран аудандық филиалы ауылдағы ахуалды мұқият зерттепті.

"Смирновтар отбасының жағдайына назар аудардық. Олардың времянкасы Тобыл ауылынан оқшау орналасқан, ешқандай коммуникация жоқ. Тіпті электр жарығы болмаған", - деді "Нұр Отан" партиясының аудандық филиалы төрағасының орынбасары Айнаш Даданова.

Партия өкілдері отбасыға жәрдем беруге мүмкіндігі бар кәсіпкерді іздейді. "БК-Стройпром" ЖШС шақпатас зауытының басшысы Сергей Ким бірден көмек қолын созыпты.

Сыйға берілген үйде бәрі бар – орталықтанған сумен қамтамасыз ету, жуынатын бөлме, әжетхана ішінде орналасқан. Төрт кең бөлмеде үш пен он үш жас аралығындағы бес бала емін-еркін тұратын болады. Отағасы Андрей Смирнов ауылда қолынан бәрі келетін шебер ретінде белгілі екен.

"Енді шаруашылықты қолға аламыз, - деп қуанды көпбалалы ана Елена. – Аулада жақсы сарай, монша бар. Көктем шыққан соң бақша өсірумен айналысамыз. Үлкен қызымыз үйді алыстан көріп, шыдай алмай, табалдырыққа дейін жүгіріп барды. Арманымыз орындалды. Сергей  Романович, "БК-Стройпром" компаниясы және президентімізге мың алғыс".

Жақында президент Нұрсұлтан Назарбаевтың тапсырмасымен "Нұр Отан" партиясына қарасты жаңа сабағаттық-кеңесші орган құрылды – Республикалық балалар құқығын қорғау кеңесі. Партия мүшелері тұрмысы нашар, көпбалалы отбасыларды анықтап, бизнесмендерден көмектесуді сұрайды.

629
Архивтегі фото

Карантинде той жасаған тұрғындар жауапқа тартылды

62
Екібастұз қаласында үйлену тойы өткен, онда 60 адам болған. Мейрамхана иесіне қатысты материал жиналды

НҰР-СҰЛТАН, 29 қыркүйек – Sputnik. Павлодар облысында мониторинг топтары рейдтік іс-шара өткізу кезінде карантин режимін бұзған қоғамдық тамақтану орындарын анықтады, деп хабарлады Polisia.kz.  

Мұхтар Әуезов көшесінде орналасқан Екібастұз мейрамханаларының бірінде үйлену тойы өткен, онда 60 адам болған.

"Мейрамхана иесіне қатысты материал жиналып, шешім қабылдау үшін Екібастұз қаласы тауарлар мен қызметтердің сапасы мен қауіпсіздігін бақылау басқармасына жіберілді", – деді полиция департаментінің бастығы Нұрлан Мәсімов.

Басқа мейрамханада ер адам отбасымен бірге туған күнін атап өткен. Барлығы 25 қонақ, сондай-ақ мекеме қызметкерлері болған. Кафе иесі карантиндік нормаларды ескермегені үшін жауапқа тартылды.

Оқи отырыңыз: Маңғыстауда туған күнін тойлаған шенеунік айыппұл төледі 

Полицейлер азаматтарды денсаулығын сақтауға, сондай-ақ карантин режимі жағдайында тәртіп бұзбауға шақырады.

Айта кетейік, биыл Павлодар облысының аумағында 468 заңбұзушылық анықталды.   

62
Кілт сөздер:
той, карантин
Тақырып бойынша
Нұр-Сұлтанда мектепке барып жүрген оқушыдан коронавирус табылды
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
Нұр-Сұлтанда түнгі клуб әкімшісі қамауға алынды
Елорданың бас санитар дәрігері қандай жағдайда қатаң карантин енгізілетінін айтты
Елордада кинотеатрлар қашан ашылуы мүмкін
Масанчи ауылы

Қордайдағы тәртіпсіздік: жеті адамға қатысты сот үкімі шықты

367
Сотталғандардың әрқайсысы түрмеде жазасын өтеп қана қоймай, зардап шеккендердің қорына 20 АЕК көлемінде ақша аударады

НҰР-СҰЛТАН, 29 қыркүйек – Sputnik. Алматы горнизонының әскери сотында Қордайдағы жаппай тәртіпсіздіктерге қатысқан жеті адамға қатысты үкім шығарылды.

Ресми мәліметке сәйкес, Қордай ауданы Алматы горнизонына қарайды. Оған қоса, сотталған бір азамат әскери қызмет атқарған. Сол себепті осы қылмыстық істер әскери сотта қаралды. Жауапқа жеті адам тартылды. Олар:

  • Ерлан Буралкинов;
  • Алмат Тілеуғалиев;
  • Ұлан Атанбаев (әскери қызметші);
  • Абзал Нұраханов;
  • Мырзағали Дүйсенбаев;
  • Рүстем Бежібаев;
  • Бақытбек Ибрагимов.

Сот үкіміне сәйкес, Ерлан Буралкинов, Алмат Тілеуғалиев пен Ұлан Атанбаев үш жылға бас бостандығынан айырылды. Рүстем Бежібаев төрт жылға, Мырзағали Дүйсенбаев бес жылға сотталды. Бесеуі де жазасын  қауіпсіздігі орташа дәрежедегі мекемеде өтейді.

Ал сот Абзал Нұрахановқа 8 жыл берсе, Бақытбек Ибрагимов 7 жылға бас бостандығынан айырылды. Алғашқысы жазасын қауіпсіздігі аса жоғары мекемеде, екіншісі қауіпсіздігі максималды колонияда өтейді.

Қордайдағы жаппай тәртіпсіздік: бір адам тергеу изоляторында қайтыс болды  

Бұдан бөлек, сотталғандардың әрбіреуі зардап шеккендердің қорына 20 АЕК көлемінде ақша аударып беруге міндеттелді.

Қордайдағы жаппай тәртіпсіздік

Жамбыл облысының Қордай ауданында 7 ақпанға қараған түні жаппай төбелес болды. Қайғылы оқиға салдарынан он бір адам көз жұмды.

Өрттің салдарынан тұрғын үйлер мен коммерциялық нысандар, сондай-ақ автокөліктер бүлінді.

Кейіннен 120-дан астам қылмыстық іс тергеліп жатқандығы белгілі болды. 1 наурызда президент Қасым-Жомарт Тоқаев Қордай ауданында болып, жергілікті тұрғындармен кездесті.

367
Кілт сөздер:
сот үкімі, тәртіпсіздік
Тақырып бойынша
Қордайдағы қақтығыс: 59 адам қылмыстық жауапкершілікке тартылды
Қордайдағы қақтығыс: арнайы операция кезінде 25 адам ұсталды 
Қордайдағы қақтығыс: өртенген үйлер демеушілер есебінен қалпына келтіріледі
Әкімдік Қордайда 11 нысан неге қалпына келтірілмей жатқанын түсіндірді
Сапарбаев президентке Қордайдағы жағдайды баяндап берді
Зертхана

Өткен тәулікте Қазақстанда 75 адамның індет жұқтырғаны расталды

14
(Жаңартылды 08:19 30.09.2020)
Коронавирус жұқтырған адамдар санының ең көбі Шығыс Қазақстан облысында тіркелді. Өңірде бір тәулік ішінде 22 тұрғын дертке шалдықты

НҰР-СҰЛТАН, 30 қыркүйек – Sputnik. Қазақстанда өткен тәулікте 75 адамның коронавирус індетін жұқтырғаны белгілі болды, деп хабарлайды ведоствоаралық комиссия.

"Пациенттердің коронавируспен ауырғаны ПТР арқылы расталды", – делінген хабарламада.

Қалалар мен өңірлер бойынша:

  • Нұр-Сұлтан қаласы - 16
  • Алматы қаласы - 5
  • Ақмола облысы - 1
  • Ақтөбе облысы - 2
  • Алматы облысы - 3
  • Атырау облысы - 5
  • Шығыс Қазақстан облысы - 22
  • Батыс Қазақстан облысы - 3
  • Қарағанды облысы - 5
  • Қостанай облысы - 2
  • Павлодар облысы - 6
  • Солтүстік Қазақстан облысы – 5.

Айта кетейік, жалпы республика бойынша аталған індетпен ауырғандар саны 107 908 адамға жетті.

14
Кілт сөздер:
індет, коронавирус
Тақырып:
Коронавирус эпидемиясы