Эвакуация

Төтенше оқиға: Петропавлда мейрамханадан 200-ге жуық адам қауіпсіз жерге шығарылды

398
Мейрамхана мен көпқабатты тұрғын үйдің арасындағы қоқыс тұрған жерден өрт шықты

АСТАНА, 3 наурыз – Sputnik. Петропавл қаласының өрт сөндірушілері мейрамханадағы 170 адамды эвакуациялады, деп хабарлайды Солтүстік Қазақстан облысы ТЖД-нің баспасөз қызметі.

Баспасөз қызметінің мәліметінше, " Есіл" мейрамханасындағы жертөленің ішін қою қара түтін басқаны туралы хабар 101 телефонына 2 наурыз күні сағат түнгі 23:31-де түскен.

"Оқиға орнына облыстық "Өрт сөндіру және апаттан құтқару қызметі" мемлекеттік мекемесіне қарасты №1,2,3 өрт сөндіру бөлімдерінің мамандары 7 арнайы көлікпен шұғыл жеткен. Олар мейрамхана қызметкерлері мен қонақтарды қоса есептегенде 170 адамды қауіпсіз жерге көшірген", - делінген хабарламада.

Өрт мейрамхана мен көпқабатты тұрғын үйдің арасындағы қоқыс тұрған жерден шыққан. Қызыл жалын 6 шаршы метрге шарпыған. Өрт түнгі сағат 00:02-де толық сөндірілген.

Мамандар өрттің неден шыққанын анықтап жатыр.

398
Кілт сөздер:
өрт, мейрамхана
Тақырып бойынша
Астанада жатақханада өрт шығып, бір отбасының төрт баласы уланып қалды
Шығыс Қазақстанда жойқын өрт екі сәбидің өмірін жалмады
Астанадағы ірі өрт: құтқарушылар оқиғаның мән-жайын айтты
Түнде Ақтауда ірі өрт болды
Загрузка...