Әлемге әйгілі қазақ математигі туған жеріне оралып, игі іс бастады

1205
Атақты қазақ математигі Түркістанда өз мектебін ашуды жоспарлап отыр

АСТАНА, 13 наурыз - Spuntik. Әлем ғалымдары жылдары бойы бас қатырған "Нагата проблемасын" шешіп, айды аспанға бір-ақ шығарған қазақ ғалымы туған жері – Түркістанда өз мектебін ашпақшы, деп хабарлайды облыстық әкімдіктің баспасөз қызметі.

Математиканы тереңдетіп оқытатын мектеп соңғы үлгідегі жабдықтармен қамтамасыз етіледі.

Бұл туралы Түркістан облысының әкімі Өмірзақ Шөкеевтің Қазақстан Республикасының Мемлекеттік және Америка математика қоғамының жоғары дәрежелі "Мур" сыйлықтарының иегері Уалбай Өмірбаевты қабылдауы кезінде мәлім болды.

Облыс әкімі әлемдік деңгейдегі ғалымның туған еліне келіп, мектеп ашып, еңбек етуі бұл өңірдің экономикалық-ғылыми тұрғыда дамуына өзіндік үлес қосатынына бек сенімді.

"Нагата, Кон сынды әйгілі математиктердің есебін шешкен, әлемге Қазақстанды танытқан ғалымның туған өңіріне бет бұруы, әрине бізді қуантты. Экономика, өндіріс салалары математика ғылымымен тығыз байланыста дамиды. Ғалымдардың ғылыми жаңалықтарының арқасында өнім артады", - деді әкім.

© Foto : Түркістан облысы әкімдігінің баспасөз қызметі
Белгілі математик Уалбай Өмірбаев Түркістан облысы әкімінің қабылдауында

Ғалым жергілікті әкімдік тарапынан қолдау боп тұрса, Түркістанда болашақта жоғары математикалық мектеп ашуға да ниетті екенін айтты.

Айта кетелік, Қазақстанның Ұлттық ғылым академиясының корреспондент мүшесі, физика-математика ғылымдарының докторы, профессор Уалбай Өмірбаев бүгіндері әлемдегі озық жоғары оқу орындарында дәріс оқып келеді. Ол 1972 жылдан бері шешімін таппай келе жатқан жапон ғаламы М. Нагатаның есебін 2001 жылы, ағылшын математигі П.Конның есебін 2004 жылы шешті. Бүгіндері ол АҚШ-тың Детройт штатының Уейн унивеситетінде дәріс береді.

1205
Тақырып бойынша
Назарбаев ғылым мен техника саласындағы сыйлықты кімдерге берді?
Алматылық оқушы Қытайда өткен олимпиадада "алтын" олжалады
Алматыда үйсіз-күйсіз қалған ғалымға қала орталығынан баспана берілді
Стив Возняк "Apple" компаниясының қалай дүниеге келгенін айтып берді
"Супермен емеспін, бірақ..." Рекорд орнатқан қазақ баласы нені армандайды?
"Ақылға қонымды болуы тиіс" Назарбаев білім министрлігінің олқылықтары туралы айтты
Загрузка...