Алматы әуежайы

Алматы әуежайы Түрікменстаннан жеткізілген жүктердің астында қалды - видео

1358
(Жаңартылды 09:05 27.03.2019)
Алматы әуежайындағы аласапыранның видеосы әлеуметтік желіде жарияланған

АЛМАТЫ, 27 наурыз — Sputnik. Алматы халықаралық әуежайы жолаушылардың жүгін беруге қатысты туындаған проблеманы түсіндірді, деп жазады inAlmaty.kz. Ресми мәліметке сүйенсек, Turkmenistan Airlines - Türkmen Howa Ýollary әуе компаниясы жүк іздеу бөлімінің жұмысына айтарлықтай кедергі келтіріп отыр.

Алматы әуежайында болып жатқан аласапыран туралы Facebook қолданушысы Евгений Каньшин хабарлаған болатын.

"Жолаушылардың жүгімен бірге коммерциялық жүк транспортерлер арқылы беріліп жатыр. Әуе компаниясы түркіменстандық саудагерлердің тауарын неге бұлай тасымалдайтыны түсініксіз. Әуежай мұндай жүкті cargo қызметі арқылы жібере алмай ма?", - деп жазды Евгений таңырқап.

Видеода 1-ші транспортер бірінің үстіне бірі қаптаған ауыр теңдерге шамасы келмей, тоқтап қалды.

Әуежайдың баспасөз қызметі Түркіменстан әуе компаниясының жүгіне қатысты проблеманы түсіндірді.

"Қазір Turkmenistan Airlines - Türkmen Howa Ýollary Ашхабадтан Алматыға аптасына үш рейс жөнелтеді, әр рейсте жүкке қатысты қиындық туындап жатыр: Ашхабад әуежайында жүк толығымен тиелмейді. Уақытылы жіберілмеген жүкті әуе тасымалдаушысы араға біраз уақыт салып басқа рейспен жібереді", - дейді әуежай баспасөз қызметі.

Осыған байланысты Алматы халықаралық әуежайының жүк іздеу бөдіміне 2019 жылдың қаңтарында Turkmenistan Airlines компаниясының жолаушыларынан 93 арыз түскен, ақпан айында – 293, наурызда – 118.

Астанаға ұшып келген Air Astana ұшағында тырысқақ жұқтырды деген күдікпен Украина азаматы тексерілді
© Photo : пресс-служба министерства здравоохранения РК

Оның үстіне, Ашхабадтан Алматыға жіберілетін рейстерде жүктің салмағы бір жолаушыға шаққанда 32 келіден асып кеткен, негізінде мұндай жүкті тасымалдағанда авиациялық жөнелтпе құжатын ресімдеу керек.

"Осындай ережелердің бұзылғаны туралы Алматы халықаралық әуежайы Turkmenistan Airlines компаниясының өкілдігіне хабарлап, проблеманы шешуді талай рет сұрады. Дегенмен бұл мәселе осы күнге дейін шешімін таппай келеді", - делінген Алматы әужайы баспасөз қызметінің хабарламасында.  

1358
Кілт сөздер:
жүк, әуежай, Алматы
Тақырып бойынша
64 жолаушы мінген Air Astana ұшағы шұғыл қонды: не болды?
Бішкектен шыққан ұшақ апатқа ұшырады: бір адам аман қалған
"Сөмкеден қол шығып тұр" Алматы әуежайының қызметкері полиция шақыруға мәжбүр болды
Қытай азаматтары Атырау әуежайында жанжал шығарды
"Убери руки" Алматы әуежайында болған келеңсіз жайттың видеосы жарияланды
Загрузка...