Өңірлер

Балаға қайнаған сумен клизма жасаған: Шымкент әкімі қатаң тапсырма берді

© Sputnik / Владислав ВодневҒабидолла Әбдірахымов
Ғабидолла Әбдірахымов - Sputnik Қазақстан
Жазылу
Ғабидолла Әбдірахымовтың тапсырмасымен бас дәрігерге сөгіс жарияланды

НҰР-СҰЛТАН, 6 сәуір – Sputnik.  Шымкент қаласында клизмадан күйіп қалған балаға қатысты аурухананың бас дәрігеріне тағы тәртіптік жаза қолданылды.  

Нәресте - Sputnik Қазақстан
Өңірлер
Шымкентте ыстық сумен клизма жасаған: тексеріс қорытындысы шықты
Қала әкімі Ғабидолла Әбдірахымовтың тапсырмасы бойынша денсаулық сақтау басқармасы басшысының бұйрығымен қалалық жұқпалы аурулар ауруханасының бас дәрігері Амангелді Нұрлыбаевқа сөгіс жарияланды, деп хабарлады otyrar.kz.

Сондай -ақ, бүгін Шымкентте өткен басқосуда ҚР ДСМ Қоғамдық денсаулық сақтау комитетінің төрағасы Жандарбек Бекшин Шымкент қаласының әкімі мен денсаулық сақтау басқармасының басшылығына жұқпалы аурулар ауруханасының бас дәрігерінің қызметіне сәйкестігін, лауазымына лайықтығын қарастыру туралы ұсыныс беретінін айтқан болатын.

Еске салайық, 28 наурыз күні қайнаған сумен клизма жасаған медбике 10 айлық бөбектің тік ішегі мен жамбасын күйдірген болатын. Сәби қазір Алматыдағы арнайы орталықта ем алып жатыр. Оның қазіргі жағдайы орташа тұрақты деп бағалануда.​ ​

Жаңалықтар
0