Жүргізуші

"Қалталы, байдың баласы": 17 жастағы қызды қағып өлтірген жүргізуші жазадан құтылып кетті

920
(Жаңартылды 08:36 10.04.2019)
Жол апатынан қаза тапқан қыздың туыстары полицияны заңсыздық жасады деп айыптайды

НҰР-СҰЛТАН, 10 сәуір – Sputnik. Павлодар облысында 17 жасар Диана Доштаеваны қағып өлтірген жүргізуші бостандықта жүр. Құқық қорғаушылар істі сотқа жеткізбестен жауып тастап, бойжеткеннің туыстарына жол апатының алдын алу мүмкін болмады деп жауап берген, деп хабарлайды "Еуразия" бірінші арнасы.

Диана Доштаева 2018 жылдың 23 тамызында серуендеуге шығып, қайтып оралмады. Әжесінің айтуынша, қыз "қазір келем" деп көшеге шығып кеткен, бір минуттан соң көлік астына түсіпті.

Дәрігерлер оның өмірі үшін ұзақ күресті, алайда құтқара алмады. Бойжеткен Иртышск ауруханасының жансақтау бөлімінде көз жұмған.

Оқиға орнынан ондаған метр жерде тұрған куәгердің сөзіне сүйенсек, көлік аса қатты жылдамдықпен келген, тіпті қызды қаққаннан соң темірбетон кедергіні бұзыпты.

Сол көліктің рөліндегі жүргізуші аудандағы белгілі кәсіпкердің ұлы болып шықты. Бойжеткеннің жақындары айтқандай, жол апатын тергеу өте тез болыпты. Бірақ нәтижесін ешқайсысы күтпеген еді. Полицейлер апаттың алдын алатындай мүмкіндік болған жоқ деп, қылмыстық істі сотқа жеткізбестен жауып тастаған.

"Қандай да бір жазасын алса дейміз. Неге біреудің отбасының күл-талқанын шығарып, түк болмағандай жүре береді? Қалталы, байдың баласы, тергеушінің ақшамен сатып алады деп естідік", - дейді марқұм бойжеткеннің тәтесі Фарида Ахметова.

Диана Доштаеваның туыстарының айтуынша, жүргізуші апат кезінде мас болған. Негізінде рөлге отыруына да болмайтын, себебі бұдан бұрын жүргізуші куәлігінен айырылыпты. Полиция да бұл жайтты растады.

Иртышсктың орталық көшесінде күндіз көлік қозғалысы қарбалас емес. Ал кешке одан да азая түседі. Сөйте тұра, рұқсат етілген жылдамдықпен келе жатып, жолдан өтіп бара жатқан адамды байқамау мүмкін емес сияқты.

"Сотқа дейінгі тергеулер барысында куәгерлер мен күдіктінің өзі тергелді. Адам көліктің жылдамдығын көзбен көріп айта алмайды ғой", - дейді аудандық полиция бөлімі бастығының орынбасары Қуан Назымов.

Марқұм қыздың туыстары болған жайтқа әлі де сене алар емес. Ал екінші рет көлік айдау құқығынан айырылған жүргізуші рөлге жиі отыратын көрінеді.

920
Кілт сөздер:
жаза, жүргізуші, кісі қағып өлтіру, жол апаты, Павлодар облысы
Тақырып бойынша
"Адамдар қансырап жатты" - автобус апатынан зардап шеккен фельдшердің әңгімесі
Нұр-Сұлтандағы жантүршігерлік жол апаты: депутат үкіметке сауал жолдады
Нұр-Сұлтандағы апат: автобус жүргізушісі ерлік жасағаны белгілі болды
Нұр-Сұлтандағы автобус апаты: әкімдік зардап шеккендердің қазіргі жағдайы туралы айтты
Шымкентте автокөлік көпірге соғылып, жолаушы өртеніп кетті
Архивтегі фото

Карантинде той жасаған тұрғындар жауапқа тартылды

64
Екібастұз қаласында үйлену тойы өткен, онда 60 адам болған. Мейрамхана иесіне қатысты материал жиналды

НҰР-СҰЛТАН, 29 қыркүйек – Sputnik. Павлодар облысында мониторинг топтары рейдтік іс-шара өткізу кезінде карантин режимін бұзған қоғамдық тамақтану орындарын анықтады, деп хабарлады Polisia.kz.  

Мұхтар Әуезов көшесінде орналасқан Екібастұз мейрамханаларының бірінде үйлену тойы өткен, онда 60 адам болған.

"Мейрамхана иесіне қатысты материал жиналып, шешім қабылдау үшін Екібастұз қаласы тауарлар мен қызметтердің сапасы мен қауіпсіздігін бақылау басқармасына жіберілді", – деді полиция департаментінің бастығы Нұрлан Мәсімов.

Басқа мейрамханада ер адам отбасымен бірге туған күнін атап өткен. Барлығы 25 қонақ, сондай-ақ мекеме қызметкерлері болған. Кафе иесі карантиндік нормаларды ескермегені үшін жауапқа тартылды.

Оқи отырыңыз: Маңғыстауда туған күнін тойлаған шенеунік айыппұл төледі 

Полицейлер азаматтарды денсаулығын сақтауға, сондай-ақ карантин режимі жағдайында тәртіп бұзбауға шақырады.

Айта кетейік, биыл Павлодар облысының аумағында 468 заңбұзушылық анықталды.   

64
Кілт сөздер:
той, карантин
Тақырып бойынша
Нұр-Сұлтанда мектепке барып жүрген оқушыдан коронавирус табылды
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
Нұр-Сұлтанда түнгі клуб әкімшісі қамауға алынды
Елорданың бас санитар дәрігері қандай жағдайда қатаң карантин енгізілетінін айтты
Елордада кинотеатрлар қашан ашылуы мүмкін
Масанчи ауылы

Қордайдағы тәртіпсіздік: жеті адамға қатысты сот үкімі шықты

375
Сотталғандардың әрқайсысы түрмеде жазасын өтеп қана қоймай, зардап шеккендердің қорына 20 АЕК көлемінде ақша аударады

НҰР-СҰЛТАН, 29 қыркүйек – Sputnik. Алматы горнизонының әскери сотында Қордайдағы жаппай тәртіпсіздіктерге қатысқан жеті адамға қатысты үкім шығарылды.

Ресми мәліметке сәйкес, Қордай ауданы Алматы горнизонына қарайды. Оған қоса, сотталған бір азамат әскери қызмет атқарған. Сол себепті осы қылмыстық істер әскери сотта қаралды. Жауапқа жеті адам тартылды. Олар:

  • Ерлан Буралкинов;
  • Алмат Тілеуғалиев;
  • Ұлан Атанбаев (әскери қызметші);
  • Абзал Нұраханов;
  • Мырзағали Дүйсенбаев;
  • Рүстем Бежібаев;
  • Бақытбек Ибрагимов.

Сот үкіміне сәйкес, Ерлан Буралкинов, Алмат Тілеуғалиев пен Ұлан Атанбаев үш жылға бас бостандығынан айырылды. Рүстем Бежібаев төрт жылға, Мырзағали Дүйсенбаев бес жылға сотталды. Бесеуі де жазасын  қауіпсіздігі орташа дәрежедегі мекемеде өтейді.

Ал сот Абзал Нұрахановқа 8 жыл берсе, Бақытбек Ибрагимов 7 жылға бас бостандығынан айырылды. Алғашқысы жазасын қауіпсіздігі аса жоғары мекемеде, екіншісі қауіпсіздігі максималды колонияда өтейді.

Қордайдағы жаппай тәртіпсіздік: бір адам тергеу изоляторында қайтыс болды  

Бұдан бөлек, сотталғандардың әрбіреуі зардап шеккендердің қорына 20 АЕК көлемінде ақша аударып беруге міндеттелді.

Қордайдағы жаппай тәртіпсіздік

Жамбыл облысының Қордай ауданында 7 ақпанға қараған түні жаппай төбелес болды. Қайғылы оқиға салдарынан он бір адам көз жұмды.

Өрттің салдарынан тұрғын үйлер мен коммерциялық нысандар, сондай-ақ автокөліктер бүлінді.

Кейіннен 120-дан астам қылмыстық іс тергеліп жатқандығы белгілі болды. 1 наурызда президент Қасым-Жомарт Тоқаев Қордай ауданында болып, жергілікті тұрғындармен кездесті.

375
Кілт сөздер:
сот үкімі, тәртіпсіздік
Тақырып бойынша
Қордайдағы қақтығыс: 59 адам қылмыстық жауапкершілікке тартылды
Қордайдағы қақтығыс: арнайы операция кезінде 25 адам ұсталды 
Қордайдағы қақтығыс: өртенген үйлер демеушілер есебінен қалпына келтіріледі
Әкімдік Қордайда 11 нысан неге қалпына келтірілмей жатқанын түсіндірді
Сапарбаев президентке Қордайдағы жағдайды баяндап берді
БҰҰ-ның Қауіпсіздік кеңесіндегі кезекті отырыстың бірі

БҰҰ-ның Қауіпсіздік кеңесі Таулы Қарабаққа қатысты мәлімдеме жасады

7
Қауіпсіздік кеңесі Әзербайжан мен Арменияны келіссөздерге оралуға шақырды. Алайда, Ильхам Алиев Арменияның Қарабақ келіссөзіндегі талаптарын қолайсыз деп атады

НҰР-СҰЛТАН, 30 қыркүйек – Sputnik. БҰҰ Қауіпсіздік кеңесі Таулы Қарабақтағы қақтығыс аймағында ауқымды соғыс қимылдары туралы хабарламаларға алаңдаушылық білдіреді, делінген Қауіпсіздік кеңесінің талқылау қорытындысының тұжырымдамасында.

"Олар (Қауіпсіздік кеңесінің мүшелері – Sputnik) күш қолдануды қатаң түрде айыптап, адам өліміне өкінетіндіктерін білдірді", – деді БҰҰ Қауіпсіздік кеңесінің төрағасы Абду Абарри.

БҰҰ Қауіпсіздік кеңесі Армения мен Әзербайжанды атысты дереу тоқтатуға және алдын-ала шартсыз мәнді келіссөздерді бастауға шақырды. Сондай-ақ, ЕҚЫҰ Минск тобы тең төрағаларының орталық рөліне толық қолдау білдірді.

Әзербайжан президенті "қолайсыз" шарттар туралы айтты

Баку Ереванның Қарабақ бойынша келіссөзде қолайсыз талаптарды алға тартып отырғанын мәлімдеді.

"Армения қолайсыз талаптар қою арқылы келіссөз процесін әдейі бұзады", – деді Әлиев "Россия 1" арнасының эфирінде.

Таулы Қарабақтағы қақтығыстың шиеленісуі

Әзербайжан қорғаныс министрлігі 27 қыркүйекте Армения қарулы күштері шектесу сызығындағы елді мекендерге оқ атқанын хабарлады. Оның салдары азаматтық және әскери шығындарға ұшыратқан. Ал Армения қорғаныс министрлігінің мәлімдемесіне сәйкес, Әзербайжан тарапынан Қарабаққа әуе және ракеталық шабуылдар жасалған.

Оқи отырыңыз: Таулы Қарабақтағы қақтығыс: Әзербайжан мен Армения келісімге келе ала ма?

7
Кілт сөздер:
БҰҰ, Әзербайжан, Армения
Тақырып бойынша
Армения ер адамдардың елден кетуіне тыйым салып, Әзербайжанда интернет шектелді
Ұлттық қауіпсіздік комитеті граната алып жүрген Әзербайжан азаматтарын ұстады
Әзербайжан Қазақстанға нота жіберді
Апатқа ұшыраған "Армения" кемесі: адам өлімі "Титаниктен" алты есе асып түседі
Әзербайжан Армения әскерінде қаза тапқандар мен жараланғандар 550-ден асқанын мәлімдеді