Қолына кісен тағылған қыз, архивтегі сурет

Ақтөбеде тұрғындарды сан соқтырып кеткен шенеунік әйел ұсталды

633
Тергеу нұсқасы бойынша ақтөбелік әйел тұрғындарды мемлекеттен үй алып беремін деп алдаған

НҰР-СҰЛТАН, 13 сәуір – Sputnik. Ақтөбеде алаяқтық жасады деген күдікпен тұрғын үй бөлімінің басшысы Жанаргүл Дүйсекенова қамауға алынды, деп хабарлайды "Мой город" порталы.

Тергеу нұсқасы бойынша, 38 жастағы Дүйсекенова 2015-2018 жылдар аралығында адамдарды мемлекеттен үй алып беремін деп алдап, қомақты ақша иемденген.

"Диапазон" басылымының жазуынша, шенеунік әйел осылайша 40 адамның сеніміне кірген.

Дүйсекенова соттан денсаулығына байланысты қамауға алмауды өтінді. Айтуынша, ол мемлекеттік қызметте 15 жыл істеген екен.

Алайда, сот шешімімен Жанаргүл Дүйсекенова тергеу кезінде қамауға алынатын болды.

Тағы оқыңыз: Бішкекте үш қазақстандық жігіт ұсталды

Айта кетейік, Жанаргүл Дүйсекенова 1980 жылы "Қайнар" университетінде "юриспруденция" мамандығы бойынша білім алған. Әртүрлі жылдары Ақтөбе әкімі аппаратында мемлекеттік құқық бөлімінің басшысы, қалалық жұмыспен қамту және әлеуметтік бағдарламалар бөлімі басшысының орынбасары, бас маман қызметтерін атқарды.

633
Кілт сөздер:
ақша, шенеунік, Ақтөбе
Тақырып бойынша
Конор Макгрегор АҚШ-та қамауға алынды
Астанадағы "Пирамиданың" директоры қамауға алынды
Ақтауда чемпион шенеунік қамауға алынды: істің мән-жайы
Маңғыстау облысында басқарма басшысы қамауға алынды
"Әдейі ұстамаған" Түркістанда полицейлер қамауға алынды
Алматыда аурухананың бас дәрігері қамауға алынды
Дәрігер, коронавирус

Мен көрген қиындықты ешкімнің басына салмасын Түркістан әкімі 

104
Коронавирус жұқтырған Түркістан қаласының әкімі желіде жазба жариялап, дәрігерлердің арқасында аман қалғанын айтты

АЛМАТЫ, 8 шілде – Sputnik. Түркістан әкімі Рашид Аюпов коронавирус инфекциясын жұқтырған соң бірнеше ішкі ағзасының зақымданғанын хабарлады. Бұл жайында қала әкімі Facebook парақшасында жазды.  

"Осы екі апта ішінде дұғада болған әр адамның арқасында, Алланың қалауымен ел қатарына қайта оралу мүмкіндігі бұйырып отыр. Тез арада асқынып кеткен аурудан қолынан келгенше қолдап, аман алып қалған дәрігерлерге алғысымды сөзбен жеткізу қиын. Бұл ауру, өкінішке қарай, салдарсыз өтпеді. Бірнеше ішкі ағза жұмысын тоқтатты, енді қайта қалпына келтіру қажет болып тұр. Әлі де ұзақ уақыт оңалу шараларын жасаймын",- деп жазды қала әкімі.

Айтуынша, коронавирусқа тапсырған кейінгі тест әлі де инфекцияның ағзадан кете қоймағанын көрсеткен. Соған қарамастан қала әкімі қызметіне кіріспек.

"Елге қызмет етуге қайта ораламын. Әрине, барлық сақтық шарасын орындаймын. Дәл қазір жағдай ешкімге де оңай болып тұрған жоқ. Біртіндеп, бірігіп, жағдайды қайта жақсартып аламыз деп сенемін", - деп жазды Аюпов.

Сонымен қатар қала басшысы барлық сақтық шарасын орындау қажет екенін тағы да еске салды.

"Мен көрген қиындықты ешкімнің басына салмасын деп тілеймін. Ең маңыздысы – бетперде тағып жүру. Жасы үлкендерді барынша қорғап қалуға тырысайық", - деп толықтырды Аюпов.

Сондай-ақ, жағдайға байланысты көмек қолын созуға мүмкіндігі бар кәсіпкерлерден байланысқа шығуын сұрады.

"Еліміздегі жағдайды бәріміз көріп отырмыз. Жоққа шығаруға тырысудың, көз жұма қараудың еш мәнісі болмаған, қазір де жоқ. Қиын қыстау заманда елімізге бірігіп қол ұшын созайық",- деді Аюпов.

Оқи отырыңыз: Коронавируспен ауырған Алматы облысының әкімі Нұр-Сұлтанға жеткізілді 

Айта кетейік, 22 маусымда Түркістан қаласының әкімі Рашид Аюповтың коронавирус жұқтырғаны белгілі болды.

Одан бөлек Қазақстанның тұңғыш президенті Нұрсұлтан Назарбаев, мәжіліс төрағасы Нұрлан Нығматулин, бұрынғы денсаулық сақтау министрі Елжан Біртанов, депутат Бекболат Тілеухан, премьер-министрдің орынбасары Ералы Тоғжанов коронавирус жұқтырды.

8 шілдеде коронавирус табылған Алматы облысының әкімі Амандық Баталов жүрек жеткіліксіздігіне байланысты Нұр-Сұлтан қаласындағы кардиология орталығына жатқызылды.

104
Кілт сөздер:
коронавирус, әкім, Түркістан
Тақырып:
Коронавирус эпидемиясы
Тақырып бойынша
"Кім емдейді?": Көлгінов астаналықтарға үндеу жасады
Қостанай облысының әкімі коронавирус жұқтырды
Павлодар облысының әкімі өңірде дәрігер жетпей жатқанын айтты
Шымкент әкімі желіде тарап кеткен видео туралы айтты
Дәрігер, архивтегі фото

Ресей дәрігерлері Атырауға жұмысқа тартылуы мүмкін

70
Атырау облысында 300-ге жуық медицина маманы жетіспейді. Билік бұл мәселені қалай шешкелі жатқанын облыс әкімі айтып берді

НҰР-СҰЛТАН, 8 шілде – Sputnik. Атырауда медицина кадрларының тапшылығы байқалып отыр. Бұл туралы брифингте Атырау облысының әкімі Махамбет Досмұхамбетов мәлімдеді.

Оның айтуынша, өңірде 278 маман, оның ішінде жалпы практика дәрігерлері, анестезиолог-реаниматологтар, акушер-гинекологтар, жұқпалы аурулар мамандары мен эпидемиологтар жетіспейді.

"Бұл бағытта біршама жұмыс атқарылуда. Атап айтқанда, біз Ресейден Атырауға маман тарту мәселесін қарастырып жатырмыз. Сонымен қатар, биыл өңірге жас мамандар келеді деп жоспарланған", - деп атап өтті Махамбет Досмұхамбетов.

Сондай-ақ, ол аймақта дәрі-дәрмекпен қамтамасыз ету мәселесі қалай шешіліп жатқандығын айтты.

"Кеше облысқа 220 миллион теңгеге 430 түрлі дәрі-дәрмек жедел жеткізілді. Олардың арасында азитромицин, цефазолин, цефтриаксон секілді қазіргі уақытта едәуір сұранысқа ие антибиотиктер, ыстық түсіретін дәрілер мен дәрумендер бар. Бұл дәрі-дәрмек облыс тұрғындарының қажеттілігін қамтамасыз етеді", - деп түсіндірді әкім.

Оқи отырыңыз: Тоқаев ел азаматтарын дүрбелеңге салынбауға шақырды 

Дәрі-дәрмектер қалалық қана емес, сонымен қатар аудандық дәріханаларға да таратылды, деп нақтылады ол.

Апта соңында тағы осындай көлемде дәрі-дәрмек жеткізіледі, өңірде қажетті препараттардың белгілі бір қоры бар.   

70
Кілт сөздер:
Атырау облысы, дәрі-дәрмек
Тақырып:
Коронавирус эпидемиясы
Тақырып бойынша
Антибиотиктер кімдерге тегін беріледі?
Шымкент әкімі дәрі-дәрмек сатып алуға қатысты кеңес берді 
Министр коронавирустан емделетіндердің басты қателігін атады
Үш айға жететін дәрі-дәрмекті бір аптада сатып алды – облыс әкімі 
Дәрігер үй жағдайында ішуге болмайтын дәрілерді атады
Жамбыл облысында даулы видеодан кейін бас дәрігер науқасты сотқа берді