Архивтегі фото

Қыздарды азаптаған өгей шешенің абысыны бар шындықты жайып салды

31287
(Жаңартылды 21:39 19.04.2019)
Қыздарды басынан ұра бергеннен кейін көгеріп кетіп, көзіне дейін түскен. Дұрыстап сөйлей алмай қалған кездері де болған

НҰР-СҰЛТАН, 19 сәуір — Sputnik. Түркістан облысының Жетісай ауданында зәбір көрген қыздардың әкесінің жеңгесі, яғни өгей шешенің абысыны отбасыға қатысты тағы біраз шындықты жария етті.

Қыздардың таяқ жейтінін әкесі білген

Абысынының айтуынша, қорлық көрген қыздардың әкесі жағындағы туыстары олардың денесі көгеріп жүретінін бұдан алдын да талай мәрте байқаған, деп хабарлады otyrar.kz.

Жетісайлық әйел өгей қыздарын азаптау тәсілдерін дәптерге жазып отырған

Қыздарды өз қамқорлықтарына алмақ болғанда әкесі айқай-шу шығарып, бермей қойған. Қыздарға қарайтын адам керек болғандықтан ғана үйленгенін айтып, талай рет үйінен де қуып шығыпты. 

"Қыздардың тілі ісіп кеткен. Дұрыстап сөйлей алмай қалған кездері де болған. Басынан ұра бергеннен кейін көгеріп кетіп, көзіне дейін түскен. Үйіне барғанда қыздар "үйге келмеңіздер" деп жылайтын. Шаштары қалың болатын. Қазір жұп-жұқа. Шаштарын қиып тастаған. Жұлған. Қыздардың денесі көгеріп кеткенін әкесі бұдан бұрын да байқаған. "Неге бұлай?" деп сұрағанында үлкен қызы байқамасын деп тональды крем жағып, далаппен бояп қойыпты", - дейді абысыны.

Жетісайдағы жантүршігерлік оқиғадан кейін бірнеше адам жазаланды   

Оның айтуынша, қыздар әкесін маңайына жолатпаған, олар әкеміз уайымдамасын деп алдаусыратқан көрінеді.

"Енем екеумізді мектепке шақырды. Инспектордың нөмірін алдық, қыздарды күштеп алып кетеміз дегенде қайным "қыздарымды жылатпаңдар, мені ажырастырайын деп жатырсыңдар. Менің отанымды бұзып жатсыңдар" деп айқайлаған соң, үйден шығып кеттік", - дейді ол.

31287
Кілт сөздер:
Түркістан облысы, өгей ана
Тақырып бойынша
Намазды дұрыс оқымаған өгей баласын ұрып өлтірген Шымкент тұрғыны сотталды
Алматылық әйел жаны қысылғанда үш баласын тастап кеткісі келгенін айтып жылады
"Қатты итеріп жіберді": қызға жәбір көрсеткен ер адам жұрттың ашуын туғызды - видео
Түркістанда өгей ана үш қызын пышақпен тілгілеп, тістеуікпен азаптаған
Карантиндегі қала

Локдаун режимі: демалыс күндері тағы қандай облыста карантин күшейтіледі?

1038
(Жаңартылды 19:53 10.07.2020)
Демалыс күндері себепсіз көшеге шығатындарға айыппұл салынады. Әкімдік осындай шараға баруға мәжбүр болғанын мәлімдеді

АЛМАТЫ, 10 шілде – Sputnik. Алматы облысында демалыс күндері қатаң карантин енгізіледі, деп хабарлайды Sputnik Қазақстан. Тиісті қаулыға Алматы облысының бас мемлекеттік санитар дәрігерінің орынбасары Асхат Шарәпиев қол қойды.

Қаулыға сәйкес, 11 және 12 шілдеде облыста қоғамдық көліктің, сондай-ақ барлық нысанның қызметі тоқтатылады.

Алматы облысы әкімдігінің баспасөз хатшысы Ғалымұрат Жүкел Facebook парақшасында облыстағы барлық базардың жабылатынын хабарлады.

"Облыста екі күнге қатаң карантин режимі енгізіледі. Үйдің жанындағы азық-түлік сататын  дүкендер жұмыс істейді. Сонымен қатар қоғамдық көліктің жұмысы да тоқтайды", - деді Жүкел.

Айтуынша, демалыс күндері себепсіз көшеге шығатындарға айыппұл салынады.

"Біз осындай шараға баруға мәжбүрміз. Әлі де ешқандай себепсіз көшеге шығып қыдырып жүрген адам көп", - деді Жүкел. 

Айта кетейік, 10 шілдеде Алматы облысының бас санитар дәрігер Қайрат Баймұхамбетов пневмониядан қайтыс болды. Кейінірек облыс әкімдігі облыс әкімінің орынбасары Серікжан Бескемпіровтің мезгілсіз қазасы жайлы хабарлады.

 

1038
Тақырып:
Коронавирус эпидемиясы
Тақырып бойынша
"Халық сенбей отыр": Айнұр Тұрсынбаева Тоқаевқа үндеу жолдады
Дәрігер дене қызуы көтеріле бастағанда не істеу керектігін айтты
Қазақстандықтар көшеде де бетпердемен жүру керек екені айтылды
Қазақстанда гуманитарлық көмек сатыла ма: денсаулық сақтау министрлігі жауап берді
Пневмониясы барларға қалай дұрыс жату керек – пульмонолог кеңесі
Алматы тұрғындары

Алматыда қандай аудан тұрғындары карантин режимін жиі бұзады

59
(Жаңартылды 17:03 10.07.2020)
Әкім орынбасары түсіндіру жұмысын күшейтіп, халықпен байланыс орнатуға назар аудару керек екенін айтты

АЛМАТЫ, 10 шілде — Sputnik. Алматы әкімінің орынбасары Ержан Бабақұмаров қалада халық көп шоғырланған аудандарда карантин режимін күшейтуді тапсырды.

Отырыста Алматыда қала тұрғындарының күшейтілген карантин режимін сақтауының аралық талдауы қаралған болатын.

"Қаланың бірқатар шағын ауданында халық әлі де көп шоғырланады. Аудан әкімдеріне жергілікті полициямен, эпидемиологиялық қызметпен бірлесіп, қала тұрғындарының енгізілген шектеу шараларын сақтауын қамтамасыз ету тапсырылды", - деді Бабақұмаров.

Түсіндіру жұмысын күшейтіп, халықпен байланыс орнатуға назар аудару керек екені айтылды. Адамдар көп жиналатын орындарда дезинфекциялық жұмыстар күшейтілетін болды.

 

59
Кілт сөздер:
карантин, Алматы
Тақырып:
Төтенше жағдай және карантин
Тақырып бойынша
Тоқаев биліктің қалай өзгеретінін айтты
"Ұпай жинайсыз деді": Тоқаев үкіметті неге отставкаға жібермегенін ашық айтты
Президент қандай шешім жедел қабылдануы тиіс екенін ескертті
Президент екінші Жолдауында қандай мәселені көтеретінін айтты
Президент халықты қолдау шараларын әзірлеуді тапсырды

Дәріні ұшақпен қалай тасымалдау керек - видео

0
Бүгінде дәрі-дәрмек тапшылығына байланысты кейбір медициналық препараттарды табу қиын. Алыпсатарлар да көбейді

НҰР-СҰЛТАН, 10 шілде – Sputnik,Арман Асқар. Туған-туысқанына көмектесеміз деген қарапайым адамдар бір қаладан тауып алған дәріні басқа қалаға беріп жіберуге тырысады. Әуежайға барып, жолаушыларға жалынады. Sputnik Қазақстан тілшісі Нұрсұлтан Назарбаев атындағы халықаралық әуежайда болып, дәрі-дәрмекті тасымалдау тәртібін біліп қайтты. Жолаушылардың өзге біреудің дәрісін жеткізіп беруге қатысты ойын да сұрады. 

Ұшаққа қалай кіргізеді

Әуежайдың тексеру қызметінің бастығы Серікбол Сәдуақасовтың айтуынша, әрбір жолаушы тек өзіне қажетті дәріні ғана ұстап жүре алады. Өзге біреудің медициналық препараттарын тасымалдауға болмайды. Жолжүкте артық дәрілер анықталса, әуежай қызметкерлері хаттама толтырып, препараттарды қоймаға апарып қояды. Оны хаттаманың көшірмесімен 30 күннің ішінде алып кетуге мүмкіндік бар.  

"Негізі, медициналық препараттарды аз мөлшерде ғана алып жүруге болады. Ол адамның қолжүгінде болуы керек және нақтылануы керек. Яғни, дәрігердің нұсқауы болуы шарт. Рецептпен бірге ұстайды. Сосын "обезболивающий" дейміз ғой. Сондай препараттар аз мөлшерде, бір-екі таблетканы өткізуге болады", - дейді Сәдуақасов. 

Жеткізіп беруге дайынбыз

Жолаушылардың көбісі ережені білмейді. Бірақ өзге біреудің дәрісін жеткізіп беруге қарсы емес.

"Адамдар ауырып жатыр. Оларға көмектесу керек. Ал бір жағынан қарағанда, қазір әр түрлі махинациялар жасап жатыр ғой. Дәрілерді қымбатқа сатуда. Бәлкім, контрабанда жасайтын шығар. Оны білмейміз ғой. Негізі, көмектескен дұрыс. Бірақ оны адамдар емес, мемлекет істеу керек қой", - дейді олар.

Сұхбат берген жолаушылардың басым бөлігі дәріні жеткізіп беруге келісті. Дегенмен, шұғыл пошта қызметін қолдануға кеңес бергендер де болды.

Дәрі-дәрмек тапшылығы қашан шешіледі

Халыққа үндеу жасаған мемлекет басшысы Қасым-Жомарт Тоқаев жақын күндері дәрі-дәрмек тапшылығы мәселесі шешілетінін мәлімдеді. Президенттің айтуынша, бүгінде медициналық препараттарды сертификаттау, жеткізу және сатып алу  жеңілдетілді. Осының арқасында қажетті дәрі-дәрмекті ауруханалар мен дәріханаларға дер кезінде жеткізуге мүмкіндік бар.

Қазірдің өзінде стационарлар үшін шамамен 30 мың науқасты емдеуге арналған дәрі-дәрмек сатып алынды. Бұл қазіргі қажеттіліктен 70 процентке көп. Бөлшек сауда желісіне де медициналық препараттар түсіп жатыр. Парацетамолдың 800 мың қаптамасы жеткізілді. Осы аптаның аяғына дейін тағы 900 мың қаптаманы әкеледі. Ал антибиотиктердің 150 мың қаптамасы дәріханалар желісіне тапсырылды. 

Мемлекет басшысы халықты дүрбелеңге салынып, дәріні артығымен алмауға үндеді. Себебі одан тапшылық басталады.

0
Кілт сөздер:
коронавирус, видео, дәрі, ұшақ
Тақырып:
Коронавирус эпидемиясы
Тақырып бойынша
"Халық сенбей отыр": Айнұр Тұрсынбаева Тоқаевқа үндеу жолдады
Дәрігер дене қызуы көтеріле бастағанда не істеу керектігін айтты
Айнұр Тұрсынбаева желіде жазба жариялады - басы дауға қалған компания жауабы
Пневмониясы барларға қалай дұрыс жату керек – пульмонолог кеңесі
Қазақстандағы "белгісіз пневмония": министр Тоқаевтың сауалына жауап берді