АЛМАТЫ, 22 сәуір – Sputnik. Қостанай облысында 25 наурызда үйден шығып кетіп, із-түссіз жоғалып кеткен Талғат Есеев 19 күннен кейін өлі табылды, деп хабарлайды облыстық полиция департаментіне сілтеме жасап Sputnik Қазақстан.
"2019 жылдың 13 сәуірінде Қостанайда бір үйдің жертөлесінен Есеевтің өлі денесі табылды. Күштеу, зорлық-зомбылық белгілері жоқ", - дейді полициядағылар.
Оның неден көз жұмғанын анықтау үшін қазір сотқа дейінгі тергеу шаралары қолға алынған.
Айта кетсек, 2019 жылдың 25 наурызында Талғат Есеевтің әпкесі полицияға шағым түсіріп, үйден шығып кетіп, сол күйі оралмаған ағасын табуды сұраған.
Тағы оқыңыз: Астанадағы жарылыс: үйінді астынан бір адамның денесі табылды
