Иллюстративті фото

Шымкентте клизмадан күйіп қалған сәбидің жағдайы анасын алаңдатып отыр

1528
Клизмадан күйіп қалған бала әлі толық жазылмаған, қазір жергілікті дәрігерлер емдеп жатыр

АЛМАТЫ, 24 сәуір – Sputnik. Шымкентте клизмадан күйіп, Алматыдағы Педиатрия және балалар хирургиясы ғылыми орталығында емделіп шыққан шымкенттік сәбидің анасы Арайнұр Қалқаман Sputnik Қазақстан тілшісіне сұхбат берді.

Оның айтуынша, бала толық жазылмаған, олар жергілікті дәрігерлердің қарауымен әлі ем қабылдап жатыр.

22 сәуір күні Алматыдағы Педиатрия және балалар хирургиясы ғылыми орталығынан Шымкентте күйік шалған сәби емделіп шыққан болатын.

Ғабидолла Әбдірахымовтың тапсырмасымен бас дәрігерге сөгіс жарияланды 

"Баланың жағдайы жақсы, күйік жаралары толығымен жазылды. Бала 19 күн бойы емделді, қазір белсенді, температурасы жоқ, тәбеті жақсы", - деп жазылған Педиатрия және балалар хирургиясы ғылыми орталығының баспасөз қызметі таратқан хабарламада.

Сәбидің анасы бұл айтылғандарды жоққа шығармайды, бірақ жара толық жазылмағанын айтады.

Клизмадан күйген баланың қазіргі жағдайы

"Алматыдағы емханаға түскенде балама қиын болды. Өйткені күйікке қызылша мен тұмау келіп қосылды. Көп ине, антибиотик алдық. Бала шаршап қалды. Содан дәрігерлер үйге шығып, демалуға кеңес берді. Қазір температура жоқ. Онда барғанда басында екі күн қан түскен. Одан соң қойды. Үлкен жара кетті, бірақ қызарған орны әлі бар. Соған мазь жағып, дәкемен орап жүрміз", - дейді ол.

Арайнұр Алматыдағы дәрігерлер өзіне уәде бергенін де айтты.

"Бала да, мен де шаршадым. Бірақ толық жазылған жоқпыз ғой. Содан шығып кетсек, бұл кісілер қайта бізді қарамай қоя ма деп қатты күмәндандым. Осыны айтып едім, олар күлді. Қандай да бір күдігіңіз болса, бізге хабарласаңыз, мүмкіндік болса келіңіз, біз міндетті түрде қараймыз деп уәде берді", - дейді ол.

Қазір ем алған кішкентайдың іші қатып қалып жатыр екен. Анасы соған да қатты мазасыздануда.

"Үлкен дәреті кеше болмаған. Міне, бүгін де жоқ. Соған мазасызданып тұрмын. Әбден қорқып қалдым ғой. Бүгін біз тіркелген №7 қалалық емхананың хирургы мен педиатры келіп баланы көріп кетті. Дәкесін орап берді. Дәрігерлердің қарауымен ем алып жатырмыз", - дейді ана.

Оқыс оқиға қалай болды?

Бір жасар Нұрислам Тасболат 25 наурызда Шымкент қалалық жұқпалы аурулар ауруханасына түскен. Оған ЖРВИ диагнозы қойылған. Тамырына тамшы дәрі жіберілген соң жағдайы оңалып келе жатқан. Алайда 28 наурызда баланы қараған дәрігер оған клизма белгілеген. Өйткені бала 3 күн бойы үлкен дәретке отырмаған. Ал медбике клизма жасаған соң бала жан сақтау бөлімінен бір-ақ шыққан.  Себебі клизманың суы ыстық болған. Зардап шегушінің анасы судың температурасы 50-60 градус болғанын айтады.

Бұдан кейін бала облыстық балалар ауруханасының күйік шалу бөліміне ауыстырылған.

Кейіннен сәби санавиациямен Алматыдағы Педиатрия және балалар хирургиясы ғылыми орталығына жеткізілді.

Кінәлілер жазаланды ма?

Даулы іс Денсаулық сақтау министрі Елжан Біртановтің тікелей бақылауына алынған. Термиялық күйіктен соң баланың әкесі полицияға шағым түсірген. Тексеріс нәтижесінде 10 айлық сәбиге клизманы тиісті рұқсаты жоқ инфекционист-дәрігер жасағаны анықталды. Жауапты қызметкерлер оны қадағаламаған.

Осыдан кейін Шымкенттегі жұқпалы аурулар ауруханасының екі медбикесі жұмыстан босатылып, бас медбике қызметінен алынды. Сонымен қатар, бас дәрігер әкімшілік жазаға тартылып, оның орынбасары мен емдеуші дәрігерге қатаң сөгіс жарияланды.

1528
Кілт сөздер:
Шымкент, клизма
Тақырып бойынша
Шымкентте ыстық сумен клизма жасаған: тексеріс қорытындысы шықты
Шымкентте балаға ыстық сумен клизма жасаған медбикелер жұмыстан аластатылды
Қарағанды ауруханасында сәбилерге сутек тотығымен клизма қойған
Шымкентте балаға ыстық сумен клизма жасаған: министр мен бас дәрігер пікір білдірді
Қарағандыда 2 баланың ішегін күйдірген медбикелерге қатысты сот аяқталды
Шымкентте медбикелер ыстық сумен клизма жасаған сәбиді шұғыл Алматыға жеткізді
Дезинфекция жұмысы

Сұлтанғазиев қай облыстарда коронавирус жұқтырғандар саны артқанын айтты 

68
(Жаңартылды 18:55 25.05.2020)
Соңғы деректер бойынша Қазақстанда 8 531 адам вирус жұқтырды. Оның тең жартысы, 4 400-і дертінен айықса, 35 адам көз жұмды

НҰР-СҰЛТАН, 25 мамыр – Sputnik. Қазақстанның сегіз өңірінде коронавирус жұқтыру өсімі 7 проценттен көп. Бұл туралы денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің төрағасы Тимур Сұлтанғазиев мәлімдеді, деп хабарлайды Sputnik Қазақстан тілшісі.

Ол өткен аптамен салыстырғанда ауру жұқтыру өсімі артқанын атап өтті. Өңірлер өсім қарқыны бойынша бірнеше топқа бөлінген. Бірінші топқа өсім қарқыны 7 проценттен көп өңірлер жатады. 

"Бүгінгі таңда мұндай өсім сегіз өңір – Алматы, Атырау, Жамбыл, Қарағанды, Солтүстік Қазақстан, Қостанай, Шымкент және Түркістанда тіркелген. Солтүстік Қазақстанда өсімнің жоғары болуы Ресейден келгендермен байланысты", - деді Сұлтанғазиев онлайн брифингте. 

Екінші топтағы өңірлерде өсім қарқыны 7 проценттен төмен, бірақ 5%-тен жоғары. Олар: Ақмола, Ақтөбе облыстары және Нұр-Сұлтан қаласы. 

Үшінші топқа ауру жұқтыру өсімі 5 проценттен төмен өңірлер жатқызылды. Олар: Шығыс Қазақстан, Батыс Қазақстан, Қызылорда, Маңғыстау, Павлодар облыстары және Алматы қаласы. 
Сұлтанғазиевтің айтуынша, індетке шалдыққандар санының артуы ірі кәсіпорындар мен ұйымдар жұмысының жандануымен байланысты. 

Соңғы деректер бойынша Қазақстанда 8531 адам вирус жұқтырды. Оның тең жартысы, 4400-і дертінен айықса, 35 адам көз жұмды.

 

68
Кілт сөздер:
коронавирус, облыс
Тақырып:
Коронавирус эпидемиясы
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Оралда балабақшаның екі қызметкерінен коронавирус табылды
Атырауда үш жасар қыздың коронавирусты қалай жұқтырғаны анықталды
Автокөліктің жанама айнасы

Балаларды қауіпті жағдайда тасымалдаған павлодарлық жүргізушілер жазаланды видео

64
(Жаңартылды 16:09 25.05.2020)
Көлік жүргізушілері анықталып, тиісті заң шеңберінде жазаланды. Сондай-ақ, оларға түсіндіру жұмыстары жүргізілді

АЛМАТЫ, 25 мамыр – Sputnik. Әлеуметтік желілерде қозғалып бара жатқан көлік терезесінен басын шығарып алған балалар түсірілген видео тарады. Оқиға Павлодар облысында болған, деп хабарлайды Polisia.kz порталы.

Instagram желісіне жүктелген видео облыс полицейлерін бей-жай қалдырмады. Ол жерде балалар жүріп бара жатқан көліктің терезесінен басын шығарған.

Бұл жағдайдың бірі Ақсу қаласында болды. "BMB" автокөлігінің терезесінен балалардың басын шығарып отырғаны видеоға түсіп қалды, баланың бірі алдыңғы жолаушы орындығында отырған. 

Тағы бір дерек Павлодар қаласында тіркелді. Видеода "Тойота" автокөлігінің терезесінен кәмелетке толмаған екі қыздың шығып отырғаны көрінеді. Көлікті 39 жастағы әйел айдаған.

"Көлік жүргізушілеріне қатысты Әкімшілік құқық бұзушылық туралы кодекстің 593-бабы 1-бөлімі ("Жолаушыларды және жүктердi тасымалдау қағидаларын сақтамау") бойынша әкімшілік хаттамалар толтырылды", – делінген хабарламада.

Оларға 5 айлық есептік көрсеткіш (13 890 теңге) көлемінде айыппұл салынып, жол ережесін сақтау бойынша профилактикалық әңгіме жүргізілді.

Оқи отырыңыз: Нұр-Сұлтанда балаларды жанып жатқан көліктен құтқарған ер адам марапатталды

64
Кілт сөздер:
балалар, бала, автокөлік, Павлодар облысы
Тақырып бойынша
"Президент, далаға шығуға бола ма?": қостанайлық бала карантиннен шаршады  
"Бала-шағамды зейнетақымен асырап отырмын": Роза Рымбаева карантиндегі өмірі жайлы
Қазақстанда 1 сәуірден бастап айыппұл мөлшері өсті  
"Бала-шағам жейтін тамақ жоқ" дейді": полицейлер карантиндегі жұмысы туралы айтты
Аягөзде төрт бала көз жұмды: министр қандай тапсырма берді
Сағадат Нұрмағамбетов

Нұр-Сұлтанда Қазақстанның бірінші қорғаныс министрі Нұрмағамбетовті еске алды

0
Еске алу рәсімі дүйсенбі, 25 мамыр күні астанадағы "Жас ұлан" республикалық әскери мектебінде өтті

НҰР-СҰЛТАН, 25 мамыр – Sputnik. Әскери қызметшілер Кеңес Одағының Батыры, Халық Қаһарманы, Қазақстанның бірінші Қорғаныс министрі, армия генералы Сағадат Нұрмағамбетовті еске алды.

"Бүгінгі күні қарулы күштердің әскери қызметшілері мен республикалық әскери мектеп тәрбиеленушілері – болашақ Отан қорғаушылар үшін Сағадат Нұрмағамбетовтің өмір жолы отанға деген батылдық пен төзімділіктің үлгісі болып табылады. Біз ұлы батырлардың мұрагерлері олардың даңқты дәстүрлерін сақтап, әрі қарай жалғастырамыз деген сенімдемін", – деді орғаныс министрінің орынбасары генерал-лейтенант Тимур Дәндібаев.

 

В Нур-Султане почтили память Сагадата Нурмагамбетова
© Photo : Минобороны Казахстана
Армия генералы Сағадат Нұрмағамбетов 2013 жылы 89 жасында өмірден озды

 

Сағадат Нұрмағамбетов 1924 жылы 25 мамырда Ақмола облысы Алексеевка ауданы Еңбек ауылында дүниеге келген. Ол алғашқы Түркістан пулемет әскери училищесін, М.Фрунзе атындағы әскери академияны, КСРО қарулы күштері бас штабының әскери академиясы жанындағы жоғары академиялық курстарды бітірген.

1942 жылы әскер қатарына шақырылды, 1945 жылдың мамыр айына дейін соғыс даласында пулемет взводы командирі ретінде, содан кейін пулемет ротасын, атқыштар батальонын  басқарды. Краснодар өлкесін, Украина, Молдавияны, Батыс Белоруссияны, Польшаны азат етуге қатысқан.

1945-1946 жылдары Степной әскери округінің жоғары оқу орындары бөлімінің инспекторы болды. Содан кейін әскери академияда оқыды. 1950 жылдан 1984 жылға дейін Түркістан әскери округі жедел бөлімінің аға офицері, мотоатқыштар полкінің командирі, 201-ші мотоатқыштар дивизиясы штабының бастығы, Қазақ КСР азаматтық қорғаныс штабының бастығы, Орта Азия әскери округі әскерлері қолбасшысының орынбасары, Оңтүстік әскер тобы (Венгрия) қолбасшысының бірінші орынбасары болды.

1990-1992 жылдары соғыс, еңбек және Қарулы Күштер ардагерлері Қазақ республикалық кеңесінің төрағасы, ардагерлер, мүгедектер және әскери қызметшілер істері жөніндегі ҚР жоғарғы кеңесі комитетінің төрағасы, Мемлекеттік қорғаныс комитетінің төрағасы болды.

Тағы оқыңыз: Сағадат Нұрмағамбетовтің ұлы қайтыс болды

Тәуелсіз Қазақстанның Қарулы күштері құрыла бастаған жылдары, 1992-1995 жылдар аралығында Сағадат Нұрмағамбетов қорғаныс министрі болды. Дәл осы уақытта Қазақстан армиясында маңызды реформалар қабылданған, маңызды кез болды. 1993 жылдың мамыр айында оған "армия генералы" әскери атағы берілді. Бір жылдан кейін президент жарлығымен Нұрмағамбетовке "Алтын жұлдыз" сыйлығымен Халық Қаһарманы атағы берілді.

1995 жылдың қарашасында генерал отставкаға шықты, содан кейін президент кеңесшісі болып, бірнеше рет Жоғарғы кеңестің депутаты болып сайланды.

Армия генералы Сағадат Нұрмағамбетов 2013 жылы 89 жасында өмірден озды.

0
Кілт сөздер:
Сағадат Нұрмағамбетов, Нұр-Сұлтан
Тақырып бойынша
21 жасында Кеңес одағының батыры: Сағадат Нұрмағамбетов туралы не білеміз?
Назарбаев тәуелсіздік алған кезде әскер басқаратын жалғыз генерал тапқанын еске алды
"Не екенін де білмедік" Мұхтар Алтынбаев Қазақстан армиясының қалай құрылғанын еске алды
"Оның оралмайтынын білмедік". Депутат қазақ сарбазының ерлігін еске алды
Әйелінің хаты оқтан құтқарды - әнші атасының майдандағы оқиғасын еске алды