Тікұшақ, архивтегі фото

Дәрігердің қателігінен 450 күн ес-түссіз жатқан бала Нұр-Сұлтанға жеткізілмек

2449
Павлодарлық Кәрімді емдеген дәрігерге қатысты тергеу жүріп жатыр

НҰР-СҰЛТАН, 8 мамыр – Sputnik. Павлодардағы балалар ауруханасының жансақтау бөлімінде жатқан кішкентай Кәрім араға бір жыл салып республикалық нейрохирургиялық орталыққа ауыстырылады, деп хабарлады жергілікті денсаулық сақтау басқармасы.

Дәрігерлер өзара ақылдаса келе осындай шешім қабылдапты. Олар "операцияның қажетті жағдайлардың барлығы қарастырылған, білікті мамандар құрамы толық жасақталған кәсіби клиникада жасалғаны жөн", – дейді. Санитарлық авиация сәбиді алдағы мерекелер өткеннен кейін Нұр-Сұлтан қаласына жеткізеді.

Астана тұрғыны қателескен дәрігерлерден бір жарым миллион теңге өндіріп алды 

Бұған дейін "Хабар 24" арнасы Кәрім Тәңірбергеновтың 450 тәулік бойы ес-түссіз  жатқаны жайында айтқан болатын. Баланың ата-анасы: "Сәбиіміз жекеменшік мануалды терапевтің қабылдауынан кейін осындай жағдайға душар болды", – деп отыр. Екі мойын омыртқасы сынған. Ол өздігінен демала алмайды. Отандық дәрігерлер мұндай жағдайға алғаш рет тап болған.

Кәрімовтер отбасына Қорған қаласындағы Илизаров орталығының мамандары көмек ұсыныпты.   

"Біз баланы әуе көлігімен жібереміз. Жанында балалар реаниматологы болады. Қорған қаласына тоқталар болсақ, бірнеше мәрте сөйлестік. Олармен үнемі байланыстамыз. Емдеу тактикасына келісіп отыр. Ал баланы емдеген дәрігерге қатысты тергеу жүріп жатыр. Біз денсаулық сақтау басқармасы Қоғамдық денсаулық департаментіне көрсетілген медициналық көмектің сапасы мен лицензиясының дұрыстығын анықтау мақсатында хат жолдадық", - дейді денсаулық сақтау басқармасы басшысының орынбсары Сәуле Арыстанова.  

2449
Кілт сөздер:
бала, Павлодар, Нұр-Сұлтан, дәрігер
Тақырып бойынша
"Темір көрініп тұр". Алматыда ота жасатқан әйел өз көзіне өзі сенбеді
Дәрігерлер қателесіп науқастың екі бірдей бүйрегін алып тастады
Дәрігерлер қателесіп науқастың сау аяғын кесіп тастады
Ер адам дәрігерлердің қателігінен 15 жыл ғұмырын жындыханада өткізген
Дәрігерлер қателесіп сау аяғын кесіп тастаған зейнеткер көз жұмды
Загрузка...