Шымкент, архивтегі сурет

Мазақ па? Шымкентте жүрген ерекше "танк" жұрттың ашуын келтірді видео

4941
(Жаңартылды 10:29 10.05.2019)
Пікір білдіргендердің көбісі автокөлік иесінің әрекетін айыптады  

НҰР-СҰЛТАН, 10 мамыр - Sputnik. Танкке келтіріліп безендірілген автокөлік Шымкент көшелерімен жүріп өтті. Видеожазба Instagram желісінде жарияланды.

Посмотреть эту публикацию в Instagram

Публикация от Информационное агентство (@elitar.kz)

"Тойота" көлігінің иесі Жеңіс күнін осылай ерекше атап өткісі келген сықылды. Алайда бұл көпшілікке ұнаған жоқ.

"Бұл не, мазақ па? Әлде ақымақтық па?", - деп жазды erbosynkarimov Instagram-да.

"Бұл ардагерлерді құрметтеу, еске түсіру емес. Бұл арзан хайптың бір түрі ғана. Одан да бірнеше сүре жаттап, ардагерлердің рухына тағзым етіп, Құран оқыңыз", - деп кеңес берді тағы бір қолданушы.

"Соғыста миллиондаған адам қаза болды, ал олар сауық кешін жасап жүр", - деп ашуланды gulhan_murathan.

4941
Кілт сөздер:
видео, танк, Шымкент
Тақырып бойынша
Майдан даласында жауынгерлерді жігерлендірген қазақ әйелдері
Тоқаев: Халқымыз Ұлы жеңіске өлшеусіз үлес қосты
"Сталин қос бұрымыма мақтау айтты": Роза Бағланова туралы не білеміз - фото
Төреғали Төреәлі түрмеде отырғандарға күтпеген сыйлық жасады
9 мамыр: Ұлы Отан соғысында Қазақстанның жеңіске қосқан үлесі
Алматыда мас жүргізуші бақылау-өткізу бекетін бұзып өтпек болды

Алматы тұрғыны блок бекетті бұзып өтпек болды: полицей көз жұмды

10
Құқық қорғау органдарының мәліметінше, жол апатын жасаған жүргізуші мас болған. Сотқа дейінгі тергеу басталды

НҰР-СҰЛТАН, 25 мамыр – Sputnik. Алматыдағы блок бекеттердің бірінде жол апатынан полиция қызметкері көз жұмды, деп хабарлайды Polisia.kz.

Трагедия дүйсенбі таңертеңгі сағат 05:26-да Алматы облысы Қарасай ауданы Көксай ықшамауданында болды. Жаңа Ғасыр көшесімен қиылыста, Кожабекова көшесімен солтүстік бағытта келе жатқан "BMW" маркалы автокөліктің жүргізушісі, 1992 жылы туған А.есімді қала тұрғыны №4 бақылау-өткізу бекетіне соқтығысқан.

Оқи отырыңыз: Блок бекеттер әзірге алынбайды – денсаулық сақтау министрлігі   

Алдымен бетон қоршауға барып тиген, содан кейін инерциямен патрульдік көлікке соқтығысқан, оның салонында екі полиция қызметкері отырған. Өкінішке қарай, патрульдердің бірі, 42 жастағы Жалғас Жанғазиев алған жарақатынан жедел жәрдем келгенге дейін жан тапсырды. Оның әріптесі Дастан Абдықанов жақын жерде орналасқан ауруханаға өте ауыр жағдайда жеткізілді.

"BMW" жүргізушісі қамауға алынды. Бұл факті бойынша сотқа дейінгі тергеу басталды.  

10
Кілт сөздер:
жол апаты, полицей, Алматы
Тақырып бойынша
Нұр-Сұлтаннан шыға алатындар тізіміне тағы бір санат қосылды
СҚО-да карантинде кедергісіз жүру үшін полицей 1 миллион 300 мың пара алған
Нұр-Сұлтан айналасындағы блок бекеттер қашан алынады
Алматыдағы блок бекеттерге адамдардың не үшін жиналғаны белгілі болды 
карантин шаралары

Маңғыстау облысында 25 мамырдан бастап карантин режимі жеңілдетіледі

942
(Жаңартылды 00:06 24.05.2020)
Маңғыстау облысында дүйсенбіден бастап бірқатар кәсіпкерлік нысаны ашылады, бірақ олар санитарлық талаптарды қатаң сақтауы тиіс

НҰР-СҰЛТАН, 23 мамыр – Sputnik. Маңғыстау облысының бас мемлекеттік санитар дәрігері Ерғали Сыдымановтың қаулысымен өңірде 25 мамырдан бастап карантин шаралары жеңілдетіледі. 

"Қарақия ауданының Құрық ауылына және Түпқараған ауданының Форт-Шевченко ауылына кіретін жолдарды қоспағанда мемлекеттік шекарада, көршілес облыстармен шекарада және қалалар мен аудандар айналасында блок-бекеттер жұмысын жалғастырады. COVID-19 ауруы тіркелген елді мекендер әлі де қоршауда болады", - деді Сыдыманов. 

Дегенмен, 25 мамырдан бастап жазғы алаңы бар, сондай-ақ ғимарат ішінде жұмыс істейтін жалпы сыйымдылығы 30 орынға дейінгі қоғамдық тамақтану объектілері ашылады. Олар санитарлық талаптарды қатаң сақтауы тиіс, сағат 10:00-ден 19:00-ге дейін жұмыс істеуге рұқсат етіледі. 

Сонымен қатар, сауда ойын-сауық орталықтары сағат 10:00-ден 17:00-ге дейін жұмыс істейді. Тек қоғамдық тамақтану және ойын-сауық қызметтері (кинотеатрлар, ойын алаңдары, фуд-корттар, мұз айдындары) іске қосылмайды.

"Халыққа қызмет көрсету нысандары (көшедегі балалар аттракциондары және басқа да объектілер) сағат 10:00-ден 21:00-ге дейін ашылады. Адамдар көп жиналмауы керек және ұзақ әрі тығыз байланыс болмауы шарт. Әрі күшейтілген санитарлық-дезинфекциялық режимді сақтау міндетті", - деді өңірдің бас санитар дәрігері. 

Бұдан бөлек, барлық меншік түріндегі спорт нысандары (фитнес, йога) сағат 10:00-ден 21:00-ге дейін жұмысын қайта бастайды. Бірақ адамдарды қабылдау тек 30%-ке дейін болуы керек. Бассейндер ашылмайды. 

Мал базарлары сағат 10:00-ден 17:00-ге дейін қызмет көрсетеді.

"Бейнеу ауданын қоспағанда, халыққа қызмет көрсету орталықтары халықтың көп жиналуына жол бермеу және кемінде екі метр әлеуметтік қашықтықты сақтау үшін алдын ала жазылу бойынша электронды кезекпен жұмыс істейді", - деді Сыдыманов. 

Ол карантиндік іс-шаралардың режимі мен мерзімі COVID-19 коронавирус инфекциясының таралу жағдайына байланысты өзгертілуі мүмкін екенін атап өтті. 

Соңғы деректерге сүйенсек, Маңғыстау облысында 164 адамның коронавирус жұқтырғаны анықталды.

942
Кілт сөздер:
карантин, Маңғыстау облысы
Тақырып:
Төтенше жағдай және карантин