Архивтегі фото

"Аузыңды жап!" Алматыда қорлық көрген мұғалімдер шу шығарды

6378
(Жаңартылды 08:19 16.05.2019)
Алматылық ұстаздар 4 ай бұрын тағайындалған директордың жұмыстан кетуін талап етті

НҰР-СҰЛТАН, 16 мамыр — Sputnik.  Алматыдағы №180 жалпы білім беретін мектептің ұстаздары сабақ беруді уақытша тоқтатып, шу шығарды. 3 мың баланы оқытатын мұғалімдердің шыдамы шегіне жеткен. Олардың сөзінше, мектеп директоры Ләззат Дәулетбек үлкен-кіші демей, ауыр сөз айтып, ар-намыстарына тиеді екен.

Оқу жылы аяқталар тұста ұстаздар басшының жұмыстан кетуін талап етті, деп хабарлады КТК.

Еңбек өтілі 30-35 жылдан асқан ұстаздар мұндай сұмдықты көрмедік деп шошып отыр.

"Жаңа директор келгеннен бері біздің адамгершілік құқығымыз аяққа тапталып жатыр", - дейді ағылшын тілі пәнінің мұғалімі, Білім беру ісінің құрметті қызметкері Бақыт Самылтырова.

Университет бітіріп келген жас мамандарға тіптен қиын. Сын садағына жиі ілігетін де солар. Ауруы жанына батса да, жиналысқа қатысуға мәжбүрлейді екен.

Күләш Шәмшидинова өзін алаңдатқан мәселеге үкіметтен қолдау көрсетуді сұрады

"Менің басымды кене шағып алды. Басым ісіп, бастығымыздың алдына барған кезде "басымды қатырмашы" деді. Сосын ауруханаға кешігіп бардым. Үлгере алмай қалдым", - деп күйінді өзін-өзі тану пәнінің мұғалімі Жұлдыз Жаппарханова.

Қарсы келгендердің ізіне түсіп, қудалайды. Кейбірінің сағатын тартып алғандықтан ұстаздар бір-бірімен араз. Ал, еден жууушыларға тіптен күн жоқ. Мардымсыз айлық алатындар күніне 12 сағат жұмыс істеп, қақаған суықта сенбілікке де шығады.

"40 градус аязда даланы жуғызды. Ауырып қалдық. "Апай болмайды ғой десек" ауыздарыңды жап деді.  "Неге мен 63 мың алуым керекпін?"десем, "Заң бойынша солай. Істесең істе, істемесең кет" деді. Мен қыстың күні қайда барам?", - дейді еден жуушы Әлия Смағұлова.

Бір ғимаратта отыратын Алатау аудандық білім бөлімінің басшысы директордың дөрекі әрекетінен бейхабар. Ұстаздарға дауыс көтергенін мүлдем көрмедім деп шаң жуытар емес.

5 жыл бұрын ашылған мектепте 180 ұстаз еңбек етеді. Ал, директордың алдағы тағдыры беймәлім. Ұстаздардың арызынан кейін бұл іске қазір қалалық және аудандық білім басқармасының өкілдері араласты. Алдағы 2 аптаның ішінде мұғалімдердің шағымы жеке-жеке қаралады. Осыдан кейін комиссия мектеп директоры Ләззат Дәулетбекке қатысты нақты шешім шығарады.

6378
Кілт сөздер:
ұстаздар, мұғалімдер, Алматы
Тақырып бойынша
Мәжіліс депутаты мұғалімнің жалақысы қанша болуы керектігін айтты
Қазақстанда 15 мың мұғалімге 176 млн теңге төленді
Министр мұғалімдердің 48 жасында зейнетке шығу мүмкіндігі туралы айтты
Президент қатысқан салтанатты жиында оқушылар мен мұғалімдер естен танып құлады
"Блатпен" алады дейтін" Министр Шымкент мектептеріндегі өзгеріс туралы айтты
Балауыз шам

Көкшетауда танымал кәсіпкердің қазасына орай ас берген мейрамханаға айыппұл салынды

965
Мейрамхана маңында көліктердің көптеп жиналуы қадағалаушы орган өкілдерінің назарын аударғандықтан арнайы рейд ұйымдастырылған

НҰР-СҰЛТАН, 28 қыркүйек – Sputnik. Көкшетауда белгілі кәсіпкер, жанармай құю станциялары желісінің иесі, 60 жастағы Владимир Свидерский жерленді. Мониторингтік топ танымал кәсіпкердің қазасына орай ас берген мейрамханаға бұқаралық іс-шаралар өткізуге тыйым салуды бұзғаны үшін айыппұл салды, деп хабарлайды Sputnik Қазақстан.

Қаладағы "Аристократ" мейрамханасында кәсіпкерге арналған ас берілген. Мейрамхана маңында көліктердің көптеп жиналуы қадағалаушы орган өкілдерінің назарын аударған. Санитарлық ережелердің бұзылғанын тауарлар мен қызметтердің сапасын және қауіпсіздігін қадағалау басқармасының мамандары арнайы рейд барысында анықтаған.

"Полиция бөлімінің қызметкерлері "Аристократ" мейрамханасында ас беру шарасы ұйымдастырғанын анықтады. Мұндай басқосу өткізу Ақмола облысының мемлекеттік бас санитар дәрігерінің 30 тамыздағы N109 бұйрығына қайшы келеді", – деді Ақмола облысының бас санитар дәрігері Айнагүл Мусина.

Бұл жерде әңгіме ауаны бұқаралық іс-шараларға тыйым салу және әлеуметтік арақашықтықтың сақталуы туралы болып отыр.

"Сондықтан да анықталған заңбұзушылықтар бойынша әкімшілік шаралар қолданылады", – деп толықтырды Мусина.

Кәсіпкер Нұр-Сұлтанға барар жолда көз жұмды

Айта кетейік, бұан дейін көкшетаулық белгілі кәсіпкер Владимир Свидерскийдің жол апанынан көз жұмғанын хабарлаған болатынбыз. Жол апаты Нұр-Сұлтан – Петропавл тас жолының 285-ші шақырымында болды. 1960 жылы туған Владимир Свидерскийдің Range Rover көлігімен бес адам Көкшетау қаласынан елордаға жол тартқан.

716 порталының хабарлауынша, апат салдарынан Свидерский мен 55 жастағы жолаушы Олег Анисимов сол жерде қайтыс болған. Тағы бір жолаушы – 1963 жылы туған Валерий Бевзовой ауруханада жан тапсырды.

"Екі жолаушы түрлі жарақатпен Көкшетаудағы көпсалалы облыстық ауруханаға жеткізілді", – делінген хабарламада.

Оқи отырыңыз: Нұр-Сұлтанда түнгі клуб әкімшісі қамауға алынды

965
Кілт сөздер:
айыппұл, шектеу, жол апаты
Тақырып бойынша
Маңғыстауда туған күнін тойлаған шенеунік айыппұл төледі
Бекшин көп реттік маскаға айыппұл салу жайлы сұраққа жауап берді
Алматы тұрғындарына бір аптада 16 миллион теңге айыппұл салынды
Жүздеген адам білім министрімен фотоға түскен – санитарлар айыппұл салды
Құдалық пен қыз ұзату тойын өткізген алматылықтарға ірі көлемде айыппұл салынды
Қазақстанда тағы бір адам қаржы пирамидасына қатысты күдікпен қамауға алынды
Құлсарыдағы балабақша

Атырау облысында 2 миллиард теңгеге екі жыл бұрын салынған қос балабақша жабылды

73
Әкім орынбасарының айтуынша, құжаттар өзгертілгеннен кейін ғана нысандардағы кемшіліктерді түзетуді кім қолға алатыны белгілі болады

НҰР-СҰЛТАН, 28 қыркүйек – Sputnik. Атырау облысының Құлсары қаласында екі жаңа балабақша жабылды. Мектепке дейінгі бұл мекемелер екі жыл бұрын ғана пайдалануға берілген болатын.

Әрқайсысы 290 балаға арналған қос балабақшаның құрылысына 2 миллиард теңгеден астам қаражат жұмсалған.

"Қазіргі кезде едендері бүлініп, қабырғалары үгітілген балабақшалар жабылды", – деп хабарлайды Хабар 24.

Қала әкімдігінің өкілдері бар мәселе балабақшаларды жобалау кезінде жіберілген қателік екенін айтады. Ал кінәлілер арнайы тексеріс пен сараптамадан кейін анықталады.

Ендігі жерде бұл жердегі балалардың барлығына басқа балабақшаға баруына тура келеді.

"Жобалық-сметалық құжаттаманы әзірлеу кезінде қателік жіберілген. Сондықтан да құжаттама өзгертіліп, содан кейін ғана нысандардағы кемшіліктерді түзетуді кім қолға алатыны белгілі болады", – дейді Құлсары қаласы әкімінің орынбасары Арай Нұрмаханова.

Айта кетейік, мектепке дейінгі қос мекеме де мұнай компаниясының қолдауымен салынған екен.

Оқи отырыңыз: Министр жекеменшік балабақша тәрбиешілерінің жалақысы қалай өсетінін түсіндірді

73
Кілт сөздер:
Атырау облысы, балабақша
Тақырып бойынша
Балабақша меңгерушісі өз кабинетінде парамен ұсталды – видео
Алматыда балабақша тәрбиешісі 6 жылға сотталды
Теміртауда екі жасар сәбиді тұншықтырған балабақша тәрбиешісі сотталды
Бүлдіршінді сорпамен күйдірген балабақша қызметкері жазадан құтылды
Балабақша мен мектепке қабылдауға қатысты өзгерістер жарияланды 
Сауда орталығы

Қазақстанда қазан айынан бастап темекі сатудың тәртібі өзгереді

0
Еnergyprom мониторингтік агенттігінің мәліметтері бойынша, Қазақстанда темекі өнімдерінің өндірісі бір жыл ішінде 10 процентке өскен

НҰР-СҰЛТАН, 28 қыркүйек – Sputnik. 1 қазаннан бастап Қазақстанда темекі өнімдерін сатудың жаңа шарттары күшіне енеді. Яғни, бұл өнім енді міндетті таңбалануға жатады.

Қаржы министрлігінің мәліметінше, темекі өнімдерінің кез-келген айналымы қажетті деректерді оқитын және оны фискальды мәліметтер операторларына беруге мүмкіндік беретін 2D сканерді қолдану арқылы қолжетімді болмақ. Мұндай міндетті таңбалауды енгізу нарықтың ашықтығын қамтамасыз етеді және халықты контрафактілік өнімдерден – арзан, бірақ қауіпті контрафактілік өнімдерден сақтайды.

Оқи отырыңыз: Пойызда темекі шегуге тыйым салынады: тәртіп бұзушы қалай жазаланады?

Айта кетейік, 2020 жылдың 1 қазанынан бастап фильтрлі темекі өнімдерінің барлығы, ал 2021 жылдың 1 сәуірінен бастап – сигаралар мен сигариллалар, қыздырылған темекі сияқты өнімдердің өзге де түрлері міндетті таңбалауға жатады.

Еnergyprom мониторингтік агенттігінің мәліметтері бойынша, Қазақстанда темекі өнімдерінің өндірісі бір жыл ішінде 10 процентке өскен.

Қыркүйек айының басында бөлшек сауда орындарында бір қорап темекінің құны 489 теңгені құрады. Бұл өткен жылмен салыстырғанда 12,7%-ке қымбат.

"Темекі қорабы Ақтөбе (534 теңге) мен Нұр-Сұлтан (521 теңге) және Тараз (506 теңге) тұрғындары үшін қымбатқа түседі. Ең арзан баға Петропавл (468 теңге) мен Қызылорда (471 теңге) және Павлодар (474 ​​теңге) қалаларында болып тұр", – деп хабарлайды агенттік.

Қазақстанда қанша адам темекі шегеді

Статистика комитетінің сауалнамасына сәйкес, қазір елімізде адамдардың 21,9% темекі тартса, 78,1% темекі шекпейді. Сондай-ақ, Қазақстанда тәулігіне 14,1 миллион дана темекі өнімдері шегілетін көрінеді.

0
Кілт сөздер:
сауда, темекі
Тақырып бойынша
Қай жерде темекі шегуге болмайды – мамандар жаңа заң талабын түсіндірді
Дәрігер темекі шегетіндер үшін коронавирус қаншалықты қауіпті екенін айтты
21 жасқа толмаған қазақстандықтарға темекі сатып алуға тыйым салынады 
Пара ретінде темекі алған полицейдің үстінен іс қозғалды
Сауда министрлігі темекі сату тәртібін түсіндірді