Архивтегі фото

Алматы облысында жоғалып кеткен қыздың мәйіті табылды

1845
Қазаның себебі сот-медициналық сараптама жасалғаннан кейін белгілі болады

НҰР-СҰЛТАН, 20 мамыр — Sputnik. Алматы облысында полицейлер мен еріктілер із-түзсіз жоғалып кеткен 18 жастағы Айгүл Амангелдінің мәйітін тапты, деп хабарлады облыстық полиция департаментінің баспасөз қызметі.   

Студент 13 мамыр күні Белбұлақ елді мекеніндегі үйінен Алматыға оқуға кеткен, содан бері оны ешкім көрмеген.

Қыз 19 мамыр күні кешке Талғар ауданындағы Белбұлақ ауылы маңындағы таулы жерден табылғаны хабарланды.

"Қыздың мәйітін туыстары таныды, оның денесінен зорлықпен өлтірудің қандай да бір сыртқы белгілері табылмады", - деп нақтылады ведомство.

Алдын ала болжам бойынша студент суицид жасаған.

Алматылық жігіт қызды кездесуге шақырып, әжетханада зорлап тастады  

Қазаның нақты себебін сот-медициналық сараптама анықтайды.

Полиция  Қазақстан Республикасының Қылмыстық кодексінің 105-бабы (Өз-өзіне қол жұмсауға итермелеу) бойынша тергеу басталғанын атап өтті.

1845
Кілт сөздер:
студент қыз, Алматы облысы, бойжеткен, суицид
Тақырып бойынша
Әйел мен оның үш баласын өлтіріп кетті – тұрғындар үрей құшағында отыр
Петропавлда құрылыс алаңынан студент қыздың мәйіті табылды  
Хат жазып қалдырған: Талғарда оқушы өз-өзіне қол салды
Өскеменде 5-сынып оқушысы сабақ үстінде өзін өлтірмекші болды
Іс-түзсіз жоғалған теміртаулық жігіттің мәйіті табылды
"Көрпеде қан болған". Өзіне қол салды делінген әйелдің туыстары шу шығарды
Аурудан қырылып қалған фабрика құстары

Құс тұмауы оңтүстік өңірлерге де жетті

217
(Жаңартылды 14:19 24.09.2020)
Өңірлердегі құс тұмауының алдын алу үшін қосымша вакцина дозалары сатып алынып, 1 қазанға дейін тиісті жерлерге жеткізіледі

НҰР-СҰЛТАН, 24 қыркүйек – Sputnik. Бүгінде құс тұмауы жеті облыста тіркелген. Бұл туралы ауыл шаруашылығы министрлігі хабарлады.

Ресми мәліметке сәйкес, соңғы бір тәулікте құс тұмауынан кейбір аймақтарда құстардың қырылуы тіркелген жоқ.

  • Ақмола облысында жеке қосалқы шаруашылықтарда 703 бас құс қырылды (соңғы тәулікте – 0);
  • Жамбыл облысында – жеке қосалқы шаруашылықтарда 238 құс (соңғы тәулікте – 6);
  • Қарағанды облысында – жеке қосалқы шаруашылықтарда 102 құс (соңғы тәулікте – 12);
  • Қостанай облысында – жеке қосалқы шаруашылықтарда 2 218 құс және құс фабрикасында 109 567 құс (тиісінше бір тәулікте – 1 112 және 109 567);
  • Павлодар облысында – жеке қосалқы шаруашылықтарда 2 753 бас құс (соңғы тәулікте – 0);
  • Солтүстік Қазақстан облысында – жеке қосалқы шаруашылықтарда 13 806 құс және құс фабрикасында 93 849 құс (тиісінше бір тәулікте 1 143 және 39 535);
  • Түркістан облысында – жеке қосалқы шаруашылықтарда 273 бас құс (соңғы тәулікте – 196).
"Жалпы, жеке аулаларда 20 мың құс және екі құс фабрикасында 203 мың құс қырылды. Олар – "Бескөл құс фабрикасы" ЖШС (93 849 бас) және "Агроинтерптица" (109 567 бас)", – дейді министрлік мамандары.

Құс тұмауына қарсы вакцинамен қалай қамтамасыз етіледі

Министрлік мәліметіне сәйкес, жануарлардың аса қауіпті ауруларының алдын алу бойынша жыл басынан бері құс тұмауына қарсы вакциналардың 3 377 900 дозасы бөлінді.

Құс тұмауының тіркелуіне байланысты республикалық қордан қосымша 1 359 148 доза вакцина шығарылды (СҚО үшін – 873 мың доза, Қостанай облысы үшін – 21 мың, Павлодар облысы үшін – 465 мың доза).

Оқи отырыңыз: Құс тұмауы адам үшін қауіпті ме - ауыл шаруашылығы министрлігі жауап берді

Сондай-ақ, 2020 жылғы 22-23 қыркүйекте өңірлерге қосымша 1 015 518 вакцина таратылды. Олар:

  • Ақмола облысы – 510 300 доза;
  • Қостанай облысы – 345 218 доза;
  • Қарағанды облысы – 100 000 доза;
  • Жамбыл облысы – 60 000 доза.

Сондай-ақ, қосымша 699 355 вакцина сатып алынып, олар 1 қазанға дейін тиісті жерлерге жеткізіледі.

217
Кілт сөздер:
құстар, қауіпті ауру, ауру
Тақырып бойынша
Қытайда тағы екі адамға құс тұмауы тиді
Қазақстанда құс тұмауы өршіді – адамдар ауруды жұқтыруы мүмкін бе?
Құс тұмауы Қазақстанның тағы бір облысына жетті
Бірнеше облыста құс тұмауы тіркелді: мамандар аурудың қалай тарағанын анықтады
Автобус салоны. Архивтегі фото

Тараздағы "saparcard" атауы неге өзгерді?

152
"Сапаркардтың" өзгеруіне карта атауының Жамбыл облысының қазіргі әкімі Бердібек Сапарбаевтың тегіне ұйқасып тұруы себеп болуы мүмкін

ТАРАЗ, 23 қыркүйек – Sputnik. Тараз қаласында қоғамдық көлікке электронды билеттендіру жүйесі енгізілгеніне бірнеше ай болды. Алайда пандемияға байланысты қажетті валидаторлардың Қытай шекарасында тұрып қалуы бұл жоспарды жүзеге асыруға кедергі келтірді, деп хабарлайды Sputnik Қазақстан.  

Айта кету керек, Тараздағы жол жүруге арналған электронды карталар о баста "saparcard" деп аталғанымен, қазір "tulparcard" деп өзгерген. Бұл өзгеріске карта атауының Жамбыл облысының қазіргі әкімі Бердібек Сапарбаевтың тегіне ұйқасып тұруы себеп болса керек. "Сапаркард" енгізілетіні туралы ақпарат шыққаннан кейін әлеуметтік желі пайдаланушылары мұндай ұйқастың тектен-тек емес екенін қызу талқылаған болатын. Алайда әкімдік өкілі мұны жоққа шығарды.

"Біз осы карталарды шығарар алдында бірнеше нұсқа болған. Нақты айтсам, жеті атауы болды. Тұрғындар арасында сауалнама жүргізіп, өз ұсыныстарымызды да айтқанбыз. Солардың арасында бірінші кезекте сапаркард болса, сауалнама нәтижесі бойынша "тұлпаркардқа" тоқталдық. Бұл айтарлықтай шығынға себепші болған жоқ", - дейді Тараз қаласы әкімінің орынбасары Асхат Есенәлиев.

Оның айтуынша, электронды карталарды әзірлеген ресейлік компания алғашқы эскизді "сапаркард" деп ұсынғанымен, әкімдік ол карталардың атауы өзгергенін хабарлап, келісімшартқа өзгеріс енгізген.  

"Жалпы, Тараз қаласында 42 бағыт бойынша қоғамдық көлік қатынайды. Оның ішінде 10 тасымалдаушы компания осы жұмыстармен айналысады. Карантинге дейінгі уақытта 465 автобус қала ішіндегі жолаушылар тасымалын атқарып келді. Қазір автобустар қысқартылған режиммен жұмыс істеп отыр. Сондықтан жұмыс күндері қала бойынша 270 автобус рейске шығады", - деп түсіндірді Асхат Есенәлиев.

Оқи отырыңыз: Нұр-Сұлтанда көлік карталарының бағасы қымбаттайды 

Қала әкімінің орынбасары тараздықтар картамен толық қамтылатынын және карта жетіспеушілігі мәселесі туындамайтынын жеткізді.

"Қала ішіндегі қоғамдық көліктерге электронды билеттендіру жүйесін енгізуге бюджеттен 94 миллион теңге бөлініп, көршілес Қытай елінен 310 стационарлы валидатор және кондукторларға арналған 500 валидатор сатып алынды. Қазір бұл валидаторлар толығымен орнатылды. Сонымен қатар, Ресейден тұлпаркард карталары жеткізіліп, қазір қолымызда 50 мың дана карта бар", - дейді ол.

Оларды қала бойынша 15 мекенжайда орналастырылған арнайы орындардан сатып алуға болады. Карта құны – 500 теңге. Ішінде бір реттік жол жүру құны – 65 теңге болады. Бүгінге дейін 10 129 карта сатылса, оның ішінде 9150 карта ересектерге, 2 мыңға жуығы оқушыларға арналған.

"Біздің есебіміз бойынша қала тұрғындарына тағы 100 мыңнан астам карта қажет. Қалада жалпы 73 600-ге жуық оқушы бар. Оқушыларды картамен толықтай қамтамасыз етеміз. Алдағы дүйсенбі, 28 қыркүйектен бастап барлық автобуста электронды төлем жүйесі енгізіледі. Бірақ он күн шамасында карта сатып алуға қосымша уақыт беріледі. Яғни, осы уақыт ішінде "тұлпаркард" карталарын сатып алмаған тұрғындар жол ақысы үшін екі еселенген тариф төлеуге мәжбүр болады", - деп түйіндеді Есенәлиев.

152
Кілт сөздер:
Тараз, көлік картасы
Тақырып бойынша
Енді кезек күтпейсіз: қазақстандықтарға тегін ID-карта беріледі
Автопарктердің табысы 40%-ке өскен: Нұр-Сұлтанда бір жылда не өзгерді?
Нұр-Сұлтанда мыңдаған оқушының көлік картасына 40 мың теңгеден аударылады
Бетперде таққан оқушы қыз

Қазақстанда COVID-19 инфекциясын жұқтырған кезекші сынып оқушыларының саны артты

0
Қазақстанда мектепке барып оқитын оқушылар арасында коронавирус инфекциясы 11 қыркүйекте анықталды

АЛМАТЫ, 24 қыркүйек – Sputnik. Шығыс Қазақстан облысының тауарлар мен көрсетілетін қызметтердің сапасы мен қауіпсіздігін бақылау департаменті кезекші сыныптар мен шағын мектептерде коронавируспен ауырып қалған төрт оқушы туралы ақпарат таратты.

"Бірінші қыркүйектен бастап облыста төрт бала коронавирус жұқтырды. Олар Шемонаиха ауданының төртінші сыныбында оқитын екі оқушы, Көкпекті ауданының 11-сынып оқушысы және Алтай ауданының 2-сынып оқушысы. Науқастар оқитын мектеп шағын жинақталған мектеп болып табылады", – деп хабарлады департамент.

Екі сынып пен бір мектеп екі апталық карантинге жабылды.

COVID-19 инфекциясы анықталған барлық мектепте эпидемияға қарсы дезинфекциялық шаралар жүргізілді.

Оқи отырыңыз: Цой балалар қай жастан кейін коронавирусты жылдам тарататынын айтты

Айта кетейік, 14 қыркүйекте 2-сынып оқушысының коронавирус жұқтырғаны белгілі болған.

Ал 18 қыркүйекте өткен брифингте тауарлар мен көрсетілетін қызметтердің сапасы мен қауіпсіздігін бақылау комитетінің жұқпалы ауруларды эпидемиологиялық қадағалау басқармасының басшысы Роза Қожапова кезекші сынып оқушылары арасында инфекция жұқтырғандар жоқ екенін хабарлады.

Алайда, коронавирус қашықтан білім алатын 9-сынып оқушысынан да анықталған.

0
Кілт сөздер:
балалар, індет, коронавирус
Тақырып:
Коронавирус эпидемиясы
Тақырып бойынша
"Балалар ауырып жатыр": әкімдік желіде тараған ақпаратқа түсініктеме берді
Жетім балалар қаражатын жымқырды деген күдікке ілінген қызметкер ұсталды
Балалар дәстүрлі білім беру форматына қашан оралады – министрлік жауабы
Ата-аналар Ақтау дәріханаларында балалар маскасы тапшы екенін айтып шағымданды
Қашықтан оқыту кезінде балалар оқу тапсырмасын ғана орындайды – Аймағамбетов