Кісен, архивтегі сурет

Ерекше бизнес ұсынған: жұртты 40 млн теңгеге алдап соққан әйел ұсталды

1459
(Жаңартылды 18:22 27.06.2019)
Алаяқ тұрғындарға жеңіл жолмен ақша табуды ұсынып, қыруар қаржыға кенелген

НҰР-СҰЛТАН, 27 маусым – Sputnik. Петропавл полицейлері 40 миллион теңгеге алаяқтық жасаған әйелді ұстады, деп хабарлайды Солтүстік Қазақстан облысы полиция департаментінің баспасөз қызметі.

Баспасөз қызметінің мәліметіне сәйкес, қалалық полиция департаментіне Қызылжар ауданының тұрғындарынан шағым түскен. Криминалды полиция қызметкерлері 1981 жылы туған Бескөл ауданының тұрғынын ұстаған.

"Адамдармен танысып, оларға жеңіл жолмен пайда табуға болатын бизнеспен шұғылдануға кеңес берген. Осылайша, ол ақшаның бір бөлігін "инвестициялауды" ұсыныпты. Алғашында адамдардан 100 мың теңге сұраған. Егер адам келісімін берсе, оған белгілі уақыттан соң 120 мың теңгесі қайтарылыпты. Адамның сеніміне кірген соң, оған "арнайы ұсыныс" жасап, 1 миллион теңге салуды ұсыныпты", - дейді тәртіп сақшылары.

Біраз уақыттан соң, салынған ақшаның бір бөлігі процент түрінде берілген.

Күдікті қалған ақша "айналымға" жіберілді деп сендірген. Қосымша ақша салып, табысты ұлғайтуға болатынын да айтыпты. Зардап шегушілер бұған қуана келіскен.

"Адамдар кредит алып, туыстарын да ақша салуға көндірген. Тіпті, бір жолы күдіктінің қолына 27 миллион түскен көрінеді. Ол өзінің мұндай "бизнесін" 2018 жылдан бері жүзеге асырып келген. Зардап шегушілер полицияға арыз бермей, табысты айлап күтіп отырған", - дейді қалалық полиция департаменті тергеу бөлімінің басшысы, полиция майоры Марат Жанғұжинов.

Тағы оқыңыз: Нұр-Сұлтанда сүйіктісіне қымбат сыйлық жасамақ болған жігіт тақырға отырды

Бұл факті ҚР Қылмыстық кодексінің 190-бабы 3-тармағы ("Алаяқтық") бойынша сотқа дейінгі тергеу реестріне тіркелді.

Қазіргі таңда күдіктінің басқа істерге қатысы бар-жоқтығы тексерілуде. Оған қамауға алу туралы бұлтартпау шарасы қолданылыпты.

Тәртіп сақшылары күдіктінің іс-әрекетінен зардап шеккен азаматтарды анықтауда. Қазірдің өзінде шығын мөлшері 40 миллион теңгеге жетіп отыр.

1459
Кілт сөздер:
әйел, миллион теңге, Петропавл
Тұрғындар, жаз

Аптап ыстық болады - бейсенбіге арналған ауа райы болжамы

95
(Жаңартылды 23:33 27.05.2020)
Синоптиктер бейсенбі, 28 мамыр күні Қазақстанның алты өңірінде аптап ыстық болып, жел күшейетінін хабарлады

НҰР-СҰЛТАН, 27 мамыр - Sputnik. Қазгидромет синоптиктері бейсенбі күні ауа райы қандай болатынын айтты.

Елдің басым бөлігінде жауын-шашын болмайды. Солтүстік, солтүстік-батыста циклон әсерінен дауыл болып, жауын, бұршақ жаууы мүмкін.

Кей жерлерде жел күшейіп, оңтүстік, оңтүстік-шығыста - шаңды дауыл, солтүстікте - тұман.

Дабылды ескерту

28 мамырда Қызылорда облысында аптап ыстық болады, плюс 41 градус, желдің жылдамдығы - 15-20 м/с, шаңды дауыл.

Алдағы екі күнде Солтүстік Қазақстан облысында тұман болып, күн күркірейді. 29 мамырда күндіз бұршақ жауады, желдің жылдамдығы - 15-20 м/с.

Түркістан облысында шаңды дауыл болады, желдің жылдамдығы - 15-20 м/с. Күндіз сынап бағанасы 40 градусқа дейін көтеріледі.

Өңірлердегі ауа райы

Шығыс Қазақстан, Қарағанды, Қостанай облысында желдің жылдамдығы секундына 15-20 метрге дейін жетеді.

Түркістан, Қызылорда, Ақтөбе облысының оңтүстігінде, Атырау, Батыс Қазақстан, Маңғыстау облысында аптап ыстық болады.

Павлодар, Шығыс Қазақстан, Қызылорда облысында өрт қаупі жоғары болады. 

Ірі қалалардағы ауа райы

Елордада түнде плюс 8-10 градус, күндіз 24-26 градус жылы.

Алматыда түнде 17-19 градус жылы, күндіз сынап бағанасы 28-30 градусқа дейін көтеріледі.

Шымкентте түнде плюс 20-22 градус, күндіз 35-37 градус ыстық.

95
Кілт сөздер:
синоптиктер, ауа райы, мамыр
Түркістан қаласының қақпасы

Түркістан облысында карантин режимі ұзартылды

128
(Жаңартылды 18:26 27.05.2020)
Карантин талаптарын сақтамағандарға айыппұл салынып, ал заңға бағынбаған кәсіпкерлерге жаза қолданылады

НҰР-СҰЛТАН, 27 мамыр – Sputnik. Түркістан облысында қалыптасқан эпидемиологиялық ахуалға байланысты карантин режимі 8 маусымға дейін ұзартылды. Бұл туралы аймақ басшысы Өмірзақ Шөкеев онлайн брифингте айтты деп хабарлайды облыс әкімінің баспасөз қызметі.

Осыған орай өңірде бірқатар шектеулер сақталады.

"Ауа арқылы тез тарайтын бұл дерттің әзірге нақты вакцинасы жоқ. Өкінішке қарай, COVID-19 инфекциясының барына күмән келтіретін адамдар көшеде қыдырып, туған-туысының үйіне барып жүр. Балалар да аулада бірге ойнап, бір-бірімен тығыз байланыс жасауда. Бұл дұрыс емес", – деген облыс әкімі дәрігерлер қауымының күн-түн демей вирусты жеңу жолында талмай еңбек етіп жатқанын атап өтті.

Қазіргі кезде індет облыс көлемінде, әр ауданда кеңінен тарап жатыр.

"Отбасымыздың, туған-туыстың, ата-анамыздың амандығын ойласақ әлі де карантин режимін сақтауымыз қажет. Карантин талаптарын сақтамағандарға айыппұл салынады. Құқық қорғау органдарына арнайы жиналыс жасап, тапсырдым. Заңға бағынбаған кәсіпкерлерге жаза қолдану керек", – деді Шөкеев онлайн брифинг барысында.

Айта кетейік, облыста 337 адамның коронавирус инфекциясын жұқтырғаны расталды. Оның ішінде 189 адам ауруынан айығып, үйлеріне оралды. Бір адам індет салдарынан көз жұмды.

Түркістан облысындағы карантин режимі

12 мамыр күні Түркістан облысында карантин режимі 25 мамырға дейін ұзартылғанын облысы әкімінің орынбасары Сәкен Қалқаманов мәлімдеді.

Осыған орай, қоғамдық және демалыс орындары, саябақтар жұмысын бастағанымен, спорттық, мәдени іс-шаралар өткізілмейді. Азық-түлік базарларының жұмысы таңғы сағат 10.00 мен кешкі 17.00 арасында жалғасса, киім-кешек, өзге де заттар сататын дүкендер дезинфекция жұмыстарын күшейтілген режимде жүргізе отырып, таңғы 9.00-20.00 аралығында істейді.

Мемлекеттік мекеме қызметкерлерінің 50 проценті жұмысты қашықтықтан жалғастырады.

Оқи отырыңыз: Тоқаев карантин жайлы: халық біртіндеп үйінен шығуы керек

Халыққа қызмет көрсету қызметі орталығы мен екінші деңгейлі банктер, "Қазпошта" бөлімшелері қазіргі таңда жұмысын бастады. Демалыс орындары, қонақ үйлер, туристік нысандарға санитарлық талаптарды сақтаған жағдайда жұмысын жүргізуге рұқсат етіледі.

128
Кілт сөздер:
Өмірзақ Шөкеев, төтенше жағдай, карантин, Түркістан облысы
Тақырып:
Төтенше жағдай және карантин
Тақырып бойынша
Тоқаев карантин кезінде қандай кітаптар оқып жатқанын айтты
Тоқаев елдегі карантин талаптары қалай жеңілдетілетінін айтты
Түркістан облысында карантин мерзімі ұзартылды
Тоқаев: Карантин шараларының жаңа тәсілдері енгізіледі  
Тоқаев: Карантин өңірлерде біртіндеп алынады