Өңірлер

Павлодарда бес полицей жұмыстан шеттетілді

© SputnikҚазақстан полициясы. Архивтегі фото
Қазақстан полициясы. Архивтегі фото  - Sputnik Қазақстан
Жазылу
Полицейлер шетелдік инвесторға заңсыз қылмыстық іс қозғаған

НҰР-СҰЛТАН, 18 шілде – Sputnik. Сыбайлас жемқолыққа қарсы іс-қимыл агенттігі Павлодарда бес полицейді жұмыстан шеттетті, деп хабарлайды Sputnik Қазақстан тілшісі.

Жемқорлыққа қарсы саясат департаментінің директоры Данияр Сабырбаевтың айтуынша, полицейлер шетелдік инвесторға заңсыз қылмыстық іс қозғаған.

"Павлодарда бес полицей жұмыстан шеттетілді. Олар шетелдік инвесторға қатысты қылмыстық істі заңсыз бастағаны үшін айыпталып отыр. Қызметтік тексеріс басталды. Біз өз тарапымыздан осы мәселен жіті бақылап отырамыз", - деді Сабырбаев астанада өткен баспасөз мәслихатында.

Айта кеткен жөн, бүгінде агенттік жанында бизнес пен инвестицияларды жемқорлықтан қорғау жөніндегі жобалық кеңсе жұмыс істейді. Кеңсе менеждері Айдос Мамыттың сөзіне қарағанда, мамандар 339 жобаны бақылап келеді.

"Ол жобалардың 30 проценті – шетелдік инвесторлар. Соның ішінде Нидерланды, Қытай, Ресей, Америка, Германия, Түркия және тағы басқа мемлекеттер бар. Бір жылдың ішінде біздің кеңсемізге 583 арыз-шағым түсті. Осы арыздардың 92 проценті оң шешімін тапты. Осының нәтижесінде республика бойынша 21 мемлекеттік қызметкер әкімшілік, ал 56-сы тәртіптік жазаға тартылды", - дейді Мамыт.

Жаңалықтар
0