Гараж, архивтегі фото

Полиция Шымкентте мәйіті табылған 3 жасар қыздың неден көз жұмғанын айтты

5794
(Жаңартылды 17:54 22.07.2019)
Кішкентай қыздың өліміне қатысты сотқа дейінгі тергеу амалдары жүргізіліп жатыр  

НҰР-СҰЛТАН, 22 шілде – Sputnik. Сараптама барысында үш жасардың қыздың денесінен зорлық-зомбылық белгілері табылмаған, деп хабарлайды Шымкент қаласы полиция департаментінің баспасөз қызметі.

Сараптаманың алдын ала қорытындысы бойынша қыз құлау салдарынан өз құсығына тұншығып қалуы мүмкін. 

"Алдын ала сараптамаға сәйкес, оған "құсу массасының механикалық асфиксиясы" деген диагноз қойылған. Яғни, қыз өз құсығына тұншығып көз жұмуы мүмкін. Себебі оның ішкі құрылысында шайқалу белгілері бар. Сараптама барысында қыздың денесінен зорлық-зомбылық белгілері табылмады", - делінген хабарламада.

Сонымен қатар баспасөз қызметі кішкентай қыздың төрт жасқа толмағанын атап өтті. 

"Бүгінде істің мән-жайын анықтауға бағытталған барлық қажетті жедел-тергеу іс-шарасы жүргізілуде. Тиісті  сараптамалар тағайындалған. Істі тергеу Шымкент қаласы прокуратурасы мен полиция департаменті басшылығының жіті бақылауында", - деп хабарлады полиция қызметкерлері.

Қалған ақпарат ҚР қылмыстық-процестік кодекстің 201-бабына (сотқа дейінгі тергеп-тексеру деректерiн жария етуге жол бермеу) сәйкес жарияланбайды.

Тағы оқыңыз: Шымкентте ескі гараждардың бірінен кішкентай қыздың денесі табылды 

Естеріңізге сала кетейік, осыған дейін Шымкент қаласындағы ескі гараждардың бірінен кішкентай қыздың өлі денесі табылған еді. Куәгер қыз баланың іш киімі болмағанын, беті көгеріп кеткенін айтқан. Жергілікті полиция болған оқиғаны растаған.

5794
Кілт сөздер:
мәйіт, полиция, Шымкент
Тақырып бойынша
Алматы облысында жоғалған қыздың мәйіті іздестіріліп жатыр
Алматыда 22 жастағы қыз жұмбақ жағдайда жоғалып кетті
Мәйіті сөмкеден табылған 5 жасар қыздың әкесіне ақша ұсынды
Қостанай облысында жоғалған қыздың денесі өзеннен табылды
Қарт кісінің 22 жыл бұрынғы қылмысы ашылды, бірақ ол үшін жауапқа тартылмайды
Бір жыл бұрын жоғалған сәбидің денесі Балқаш көлінен табылды
Терезе алдындағы бүлдіршін, архивтегі сурет

Өскеменде жетім балаларға тиесілі пәтерге әкімдік қызметкерлері жайғасып алған

7
(Жаңартылды 09:59 25.09.2020)
Жетім балаларға арналған тұрғын үйлерді тексеру нәтижесінде кейбір пәтерлер заңсыз жалға берілген болып шықты

НҰР-СҰЛТАН, 25 қыркүйек – Sputnik. Өскеменде балалар үйінің тәрбиеленушілеріне арналған пәтерлерде әкімдік қызметкерлері тұрып жатыр. Қаладағы қоғам белсенділері заңсыз қоныстанудың құйтырқы әрекеттерін әшкереледі.

Жетім балалар осы кезге дейін де баспанаға қатысты алаяқтық туралы бірнеше рет шағымданған болатын, деп хабарлайды "Еуразия" бірінші арнасы.

Өздерінің табанды әрекеттерінің арқасында олар арнайы комиссияның құрамына енуге қол жеткізген. Сөйтіп, белсенділер әкімдіктің тұрғын үй қатынастары бөлімінің мамандары мен полиция қызметкерлері және КСК өкілдерімен бірге 102 пәтерді тексеріп, бірқатар заң бұзушылықтарды анықтады.

"Бірнеше пәтерде мемлекеттік қызметкерлер тұрады. Яғни, кәмелетке толмаған жасөспірімдер балалар үйіне жайғасқандықтан, пәтерлерде мүлдем басқа адамдар тұрып жатыр. Бұл енді жалдау шартының бұзылуы болып табылады", – дейді балалар үйінің түлегі Александра Талхигова.

Тексеру нәтижесінде, арнайы комиссия жетім балаларға арналған 15 пәтердің жарты жылдан астам уақыт бос тұрғанын анықтады. Сондай-ақ, оның кейбірі үшінші тұлғаларға жалға берілген болса, тағы екеуі "қағаз жүзінде" балалар үйіндегі кәмелетке толмаған балаларға "үлестірілген". Бірақ іс жүзінде басқа адамдар жүргенін әшкереледі.

Оқи отырыңыз: Жетім балалар қаражатын жымқырды деген күдікке ілінген қызметкер ұсталды

7
Кілт сөздер:
Өскемен, жетім балалар, пәтер
Тақырып бойынша
Үйі суып кеткен астаналық әйел балаларын жетімдер үйіне тапсырды
Нұр-Сұлтанда көпбалалы және мүгедек баласы бар аналар пәтер талап етті
Қайғылы оқиға болған Аягөздегі интернатта коронавирус табылды
Балалар дәстүрлі білім беру форматына қашан оралады – министрлік жауабы
Цой балалар қай жастан кейін коронавирусты жылдам тарататынын айтты
Ұялы телефон, архивтегі фото

Батыс Қазақстанда мұғалім жалаңаш отырып видео түсірді

11860
(Жаңартылды 18:28 24.09.2020)
Аудандық білім бөлімі мұғалімнің бұл видеосын алғаш рет көріп отырғанын айтып, жағдайды реттеуге уәде берді

АЛМАТЫ, 24 қыркүйек – Sputnik. Батыс Қазақстан облысының Бәйтерек ауданында ата-аналар TikTok-та әдепсіз видео түсірген мұғалімнің үстінен шағымданды. Бұл туралы "Мой Город" басылымы хабарлады.

Январцев орта мектебінде баласы оқитын ата-аналардың айтуынша,  меңгеруші қызметін қатар атқаратын ағылшын тілі пәні мұғалімі TikTok-та арнайы эффекттер мен бейәдеп сөздерді қолданып видео түсірген. Сол видеоны желіде жариялаған. Ал мектеп оқушылары әлеуметтік желіні белсенді қолданады. Олар ұстазының парақшасына тіркелген және оның видеосын қарайды, дейді оқушылардың бірінің анасы.

"Менің қызым телефонды қолынан тастамайды. Қазір TikTok пайда болды, сол жақта бәрі видео жариялайды. Мұғалімі TikTok-қа әдепсіз видеолар жариялайды. Ол видеода боғауыз сөздер де бар, мұғалім кеудесін жалаңаштап тастаған. Шәкірттері оны көреді", - дейді ол.

Әйел ұстаз балаларға үлгі болуы қажет деп санайды. Сондай-ақ, мұғалімдердің мұндай видео жариялауына қарсы.

"Оқушылардың ата-анасы бұл туралы мектеп әкімшілігіне айтты, бірақ ешқандай жауап болған жоқ", - дейді әйел.

Ал Бәйтерек аудандық білім бөлімінің басшысы Серік Сафиуллин видеоны енді көріп отырғанын мәлімдеді. Ол жағдайды реттеуге уәде берді.

Оқи отырыңыз: Қостанайлық мұғалім жылап тұрып видео жариялады - министрлік жауабы 

"Мектепке барып, жағдайды реттеймін. Мектеп директорымен сөйлестім, ол ата-аналардың бұл мәселе жайында айтпағанын жеткізді. Қандай жағдай болмасын, мұғалім мұндай видео жарияламауы керек. Жалпы мұғалімдер балаларға үлгі болып, әлеуметтік желіге жүктейтін материалдарын бақылап отыруы тиіс", - деп түсіндірді Сафиуллин.

Ал мұғалімнің өзі бұл видеоны жариялағанына өкінеді.

"Мұның қате болғанын түсінемін және өкінемін. Парақшамды өшіремін. Оқушылар мен әріптестерімнен осы видеоны жүктегенім үшін кешірім сұраймын", - деді мұғалім.

Қазір мұғалім әлеуметтік желідегі парақшасын өшірді, видео да жойылды.

11860
Кілт сөздер:
видео, мұғалім
Тақырып бойынша
Қазақстанда мұғалімдер үшін ұлттық біліктілік тесті басталды
Кезекші сынып мұғалімдерінің жалақысы артады – қосымша қаржы қайдан алынады
Ақтөбеде онлайн сабақта күтпеген жағдай болды: мұғалімнің басы дауға қалды
Қашықтан оқыту қашан аяқталады – Аймағамбетов эксклюзивті сұқбат берді
Алматы облысында екі мұғалім оқушы қыздарды зорлады деп айыпталып жатыр
Интенсивті терапия палатасы

Бір тәулікте коронавирус пен пневмониядан бес адам қайтыс болды

0
Қазір республика бойынша коронавирус инфекциясынан 3 515 адам емделіп жатыр, олардың арасында қырық бала бар

НҰР-СҰЛТАН, 25 қыркүйек – Sputnik. Қазақстанда өткен тәулікте COVID-19 бен ковидтік пневмониядан бес адам көз жұмды, деп хабарлайды денсаулық сақтау министрлігі.

Бір тәулікте төрт адам коронавирустан, бір науқас пневмониядан қайтыс болды.

61 адамда коронавирус диагнозы расталса, 231 адам пневмонияға шалдықты.

Жалпы 13 наурыздан бері 107 590 адам коронавирус жұқтырды, 1715 пациент көз жұмды.

Ал 1 тамыздан бері 31 991 адам пневмонияға шалдықты, 347 науқас қайтыс болды.

Қазіргі уақытта коронавирустан 3 515 адам ем қабылдауды жалғастыруда. Олардың арасында 40 бала бар. Стационарларда 1 804 науқас жатыр. 1 711 адам амбулаториялық жағдайда емделуде.

Науқастардың арасында 98 адамның жағдайы ауыр. Соның ішінде 13 пациент хәл үстінде жатыр. 22 науқас жасанды тыныс алдырту аппаратына қосылған.

0
Кілт сөздер:
науқастар, коронавирус
Тақырып:
Коронавирус эпидемиясы
Тақырып бойынша
Коронавирустың екінші толқыны басталса, 2,2 млн адам қиын жағдайда қалуы мүмкін
Министр Цой: коронавирустың екінші толқынына дайындалып жатырмыз
Коронавирустың екінші толқыны: денсаулық министрлігі неге алаңдап отыр
Ғалымдар шілдеде коронавирустың неліктен күшейіп кеткенін анықтады