бала, архивтегі сурет

Шымкенттегі 3 жасар қыздың жұмбақ өлімі: анасы өз болжамын айтты - видео

1666
(Жаңартылды 12:19 23.07.2019)
Қайғыдан қабырғасы қайысып отырған әйел тергеушілер мен сарапшылардың болжамына күмән келтіріп отыр

НҰР-СҰЛТАН, 23 шілде – Sputnik. Шымкентте жұмбақ жағдайда көз жұмған 3 жасар қыздың өліміне қатысты сарапшылар "өз құсығына тұншығып өлді" деген қорытынды шығарды. Ал жалғыз қызынан айырылған ана мамандардың берген жауабына сенбей отыр.  

Баласынан айырылған ана кеше перзентін жер қойнына тапсырды. Сөзіне сенсек, ол қызы жоғалған күні бірден көмек сұрап полицияға хабарласқан. Олар ауданның түкпір-түкпірін шарлап шыққанымен, қыздың мәйітін туыстары тапқан, деп хабарлайды otyrar.kz.

Үйге көтеріп әкеліп, тез арада жедел жәрдем қызметін шақырған. Ақ халаттылар ата-анасы мен туыстарына кішкентай Кәусәрдің көз жұмғанын естіртіпті. Бүлдіршіннің денесін тәртіп сақшысы сол сәтте бірден үйден алып кеткен.

Қазіргі уақытта 3 жасар қыздың өліміне қатысты сотқа дейінгі тергеп-тексеру амалдары жүргізілуде. Қалалық полиция департаментінің ресми өкілі Әсел Сәденова қыздың жұмбақ өлімі бойынша іс Шымкент қаласы прокуратурасы мен полиция департаменті басшылығының жіті бақылауында екеніне сендірді.

"Сараптаманың алдын ала қорытындысы бойынша қыздың өлімі жоғарыдан құлау салдарынан "құсу массасының механикалық асфиксиясынан", яғни өз құсығына тұншығып қалудан болуы мүмкін делініп отыр. Себебі оның ішкі құрылысында шайқалу белгілері бар. Сонымен қатар, сараптама оның денесінен зорлық-зомбылық белгілерін таппады", - деді ол.  

Полиция өзге ақпарат тергеуге байланысты жариялауға жатпайды деп қысқа қайырды. Ал қайғыдан қабырғасы қайысып отырған ана тергеушілер мен сарапшылардың болжамына күмән келтіріп отыр.

"Қызым өз құсығына тұншығып өлетіндей жаста емес. Бөпе емес қой ол. Және ол табылғанда аяғы талтайып жатқан. Сондықтан, мен қызыма қасақана әрекет жасалды деп ойлаймын", - дейді қыздың анасы Клара Өмербаева.

Халық арасында "МЖК" аталып кеткен бұл ауданда қылмыс жыл санап артып келеді дейді жергілікті тұрғындар. Олар жасөспірімдерге жасалған зорлық-зомбылық әрекеттері бұған дейін де орын алған деп отыр.

Әсіресе, күн ұясына батқанда қараңғы аулаларда маскүнемдер мен қанғыбастар қаптап кететіндігін айтып шағымданды халық. Қайғылы жағдайдан әлі күнге ес жия алмай отырған көпшілік балаларды сыртқа шығаруға қорқып қалған.

1666
Кілт сөздер:
Шымкент
Тақырып бойынша
"Кептерханаға кіргізген" Павлодарда зейнеткер 15 жастағы мүгедек қызды зорлап тастады
Студент қызды зорлап, өлтірген қаскөйлер сотта оқиғаның қалай болғанын айтты
Алматыда қаршадай қызды әжетханада зорламақ болды: күдікті бұрын педофилия үшін сотталған
"Іш киімі жоқ, беті көгеріп кеткен": Шымкентте төрт жасар қыз өлі табылды
Полиция Шымкентте мәйіті табылған 3 жасар қыздың неден көз жұмғанын айтты
Шу ауданында педофил 3 жасар қызды зорлады: азғынды баланың әкесі қолға түсірді
Иллюстративті фото

Алматыда екі полицейдің өмірін қиған апаттың куәгері: жедел жәрдем кеш келді

8
Блок бекеттегі жантүршігерлік апаттан қаза тапқан Жарас Жанғазиев пен Дастан Әбдіқановтың жақындары кінәліні әділ жазалауды талап етті

НҰР-СҰЛТАН, 25 мамыр – Sputnik. Алматыда екі полицейдің өмірін жалмаған апаттың куәгерлері оқиғаның қалай болғанын айтып берді.  

Олардың бірі жедел жәрдем жылдам келмеді деп отыр.   

"Дала шығып едім, төңірек тұманданып кетіпті. Айқай-шу, біреу айқайлап, біреу жылап жатыр. Көмектесіңдер, тәте дәке, бинт беріңізші деді. Матрас әкеліп, баланы шығардық. Біреуін шығара алмадық. Жедел жәрдем кеш келді, жарты сағаттан кейін келді", - дейді куәгер Фарида Сафарова.

Алматыдағы трагедия: ішкі істер министрі полицейлердің отбасына көңіл айтты

Апаттан көз жұмған екі полицейдің де артында аңырап балалары мен жұбайлары қалды. Марқұм Жарас Жанғазиевтің өсіріп отырған екі қызы болса, Дастан Әбдіқановтың сәбиі жақында ғана қырқынан шыққан. Қайғыдан көкірегі қарс айрылған жақындары кінәлілер жазалануы қажет дейді.

"Лайықты жазасын алуы керек, қызметте тұрғандарды аямаған адам халыққа не істемейді. Баламыз таяуда сәбилі болып, қырқынан шығарып, қуанышқа бөленіп отыр едік. Қайғыға соқтырды да кетті. Кінәлі адам жазасын алсын", - деп талап етті Әбдіхановтың жиен ағасы Камал Ұлдаханов.  

Полиция департаменті апат салдарынан тағы бір қызметкердің жарақат алғанын айтты. Ауыр соққыдан Ербұлан Сейдазым есімді азаматтың басына зақым келген. Қазір ол жансақтау бөлімінде жатыр, деп хабарлады "Астана" арнасы.

Еске сала кетейік, трагедия кеше Алматыдағы Көксай шағын ауданында болды. BMW көлігін тізгіндеген 28 жастағы жүргізуші алдымен блок бекет қоршауына, содан кейін екі полицей отырған патрульдік көлікке соқтығысқан. 42 жастағы полицей Жарас Жанғазиев оқиға орнында қаза болды. Ал 26 жастағы екінші полицей Дастан Әбдіқанов ауруханада есін жимастан көз жұмды.

Ережеге бағынбаған азаматтың ішімдік ішкені расталды. Ол Алатау ауданының тұрғыны болып шықты. Егер кінәсі дәлелденсе, 15 жылға дейін бас бостандығынан айырылуы мүмкін.

8
Кілт сөздер:
полицей, Алматы
Тақырып бойынша
Алматы блок бекетіндегі апат: екінші полицей көз жұмды
Полицей Қазақстанның туын алу үшін суға түсті – видео
"Бала-шағам жейтін тамақ жоқ" дейді": полицейлер карантиндегі жұмысы туралы айтты
Ақтау полицейлері балаларды аула ішінде қуу себебін түсіндірді – видео
Алматы тұрғыны блок бекетті бұзып өтпек болды: полицей көз жұмды
Блок бекеттегі апат: үшінші полицей жансақтау бөлімінде жатыр
Ауа райы

40 градус ыстық: 26 мамырға арналған ауа райы

207
(Жаңартылды 23:14 25.05.2020)
Қазақстанның бірқатар өңірінде дабылды ескерту жарияланды. Сейсенбі күні ыстық болады, бұршақ жауып, қатты жел соғады

НҰР-СҰЛТАН, 25 мамыр — Sputnik. Қазгидромет синоптиктері 26 мамыр күні бірқатар өңірде аптап ыстық болатынын айтты.

Алдағы үш күнге арналған ауа райы болжамында солтүстік өңірлерде күн салқындайтыны хабарланды. Оңтүстікте күн ыстық болады. Кей жерлерде жел күшейеді.

Дабылды ескерту

Ақмола облысында 26 мамырда күн күркіреп, бұршақ жауып, шаңды жел болады. Жылдамдығы - 15-20 м/с.

Күндіз Павлодар облысында желдің жылдамдығы - 25 м/с.

Сейсенбі күні Солтүстік Қазақстан облысында тұман болады, желдің жылдамдығы - 25 м/с.

Батыс Қазақстан облысында аптап ыстық. Плюс 37 градус, күн күркірейді.

26 мамырда Түркістан облысында шаңды дауыл, желдің жылдамдығы - 23 м/с. Күндіз батыста аптап ыстық, плюс 40 градус.

Ірі қалалардағы ауа райы

Елордада дабылды ескерту жарияланды. Шаңды дауыл болады, желдің жылдамдығы - 20 м/с. Ауа температурасы түнде 18-20 градус жылы, күндіз плюс 32-34 градус.

Алматыда түнде плюс 17-19 градус, күндіз – 31-33 градус ыстық.

Шымкентте түнде 19-21 градус жылы, күндіз сынап бағанасы 35-37 градусқа дейін көтеріледі.

207
Кілт сөздер:
ыстық, мамыр, ауа райы
Тақырып бойынша
Көкшетауда дауыл кезінде зардап шеккен екінші адам қайтыс болды
Қазақстанда дауылды жел 160 ғимараттың шатырын ұшырып әкетті
Алматыда жалға алынған көлік ағаш пен жеке үйдің қоршауын қиратты
Ақмола облысында қатты жел ағаштарды жұлып, үйлердің шатырын ұшырды