Сот балғасы

Ақтауда жазықсыз сотталған дәрігер: "Апаны жазғырмаймын, ісім судьямен болсын"

1502
(Жаңартылды 09:30 03.08.2019)
Ақтауда бір тәулікке қамалған дәрігер өзінің жазықсыз жазаланғанын дәлелдеді

НҰР-СҰЛТАН, 3 тамыз – Sputnik. Ақтауда ауруханаға келген әйелге әдепсіз сөйледі деп, бір тәулікке темір торға қамалған белгілі балалар хирургінің жазықсыз екені дәлелденді.

Апелляциялық алқа Ақтау қаласы мамандандырылған әкімшілік сотының Насуқан Отарғазиевке қатысты қаулысының күшін жойды, деп хабарлады КТК.

Шешуші сот отырысына жиналған халықтың қарасы қалың болды. Насуқан Отарғазиевті қолдауға өңірдегі ондаған аурухананың дәрігерлері келген. Арасында денсаулық сақтау басқармасының өкілдері де бар.

Тағы оқыңыз: Алматыда бірнеше жыл жазықсыз түрмеде отырған ғалым ақталып шықты 

Еске салсақ, Отарғазиев өткен айда "ұсақ бұзақылық" бабы бойынша кінәлі деп танылған болатын. Міне, енді дәрігер тарапынан ешқандай әкімшілік құқық бұзушылық болмағаны анықталып отыр. Өйткені, сотқа жеткізілген бейнебақылау камерасындағы видеода ешқандай дыбыс жоқ. Оның үстіне, куәгерлер де дәрігер тарапынан әдепсіз сөздер айтылмағанын растаған. Енді балалар хирургі азаматтық сотқа шағымданып, моральдық шығын өндіре алады. Алайда, ақталған ақ халаттының өзін айыптаған әйелге еш өкпесі жоқ. Тек жазықтан-жазықсыз бір тәулікке абақтыға қамаған судьяға қатысты іс қозғатпақ.

"Апамыз үлкен кісі. Мүмкін, ана ретінде ашу үстінде бір-екі сөз айтқан болар. Ол кісіге тікелей ешқандай шағымым жоқ. Оған байланысты ешқандай да жеке іс қозғағым келіп отырған жоқ", - деп атап өтті балалар хирургі Насуқан Отарғазиев.

Дегенмен дәрігер өзін жазықсыз айыптаған судьяға қарсы шағым түсіретінін айтты.

"Ең бастысы, бірінші сотта шығарылған судьяның қаулысы, жазықсыз бір тәулікке абақтыға қамағаны үшін іс ашылатын шығар", - деп түйіндеді ол.

1502
Кілт сөздер:
судья, дәрігер, Ақтау
Тақырып бойынша
Павлодарда банк картасын тауып алған жігіт 20 жылға сотталып кете жаздады
Анасын өлтірді: Шымкентте сотталған жігіт "не үшін?" деп жылап жіберді
Жазықсыз 39 жыл түрмеде отырған қария ақталып шықты
Қытайда жазықсыз 5 адамды атып тастады
Қытайда 18 жастағы жігіт жазықсыз өлім жазасына кесілгені анықталды
Пәтер кілті

Пневмониядан қайтыс болған ауыл имамының ұлына баспана кілті табыс етілді

256
(Жаңартылды 17:52 27.09.2020)
Тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды

НҰР-СҰЛТАН, 27 қыркүйек – Sputnik. Қазақстан мұсылмандары діни басқармасының төрағасы, бас мүфти Наурызбай қажы Тағанұлы Түркістан облысына жасаған сапары аясында Сайрам ауданының Арыс ауылындағы мешітте имамдық қызмет еткен марқұм Мәдікәрім Құрбанбаевтың балаларына мүфтият салып берген баспананың кілтін табыс етті.

Мүфтияттың баспасөз қызметінің хабарлауынша, көп жылдан бері дін жолында қызмет етіп, Исламды насихаттап, түрлі игі шаралардың басы-қасында жүрген Мәдікәрім Құрбанбаев пневмония кеселіне шалдығып, қайтыс болған. Артынша өмірлік жан жары да осы жаман індеттен көз жұмған.

"Өте қиын сәтте рухани һәм материалдық тұрғыдан қолдау мақсатында бас мүфти Наурызбай қажы Тағанұлы "Ел үлесі – пәтерге" акциясының аясында асар әдісімен салынған 5 бөлмелі үйді марқұмның артында қалған ұлы Абдулбасидке табыс етті", – делінген хабарламада.

Айта кетейік, тұрғын үй Түркістан облысының имамдары мен облыстық "Зекет" қорының өкілдігі және ерікті жамағаттың қолдауымен салынды.

Оқи отырыңыз: 2021 жылы салымшылар зейнетақы жинағының бір бөлігін баспана сатып алуға пайдалана алады

256
Тақырып бойынша
Баспана алуға арналған бағдарламалар: мамандар жиі қайталанатын қателікті атады
Алматылық жастар үшін баспана алу шарты жеңілдеді
Зейнетақы жинағына баспана алу шарттары белгілі болды
"5-10-20" және "7-20-25" бағдарламалары бойынша қалай баспана алуға болады
Мемлекет арендалық баспана ақысын қалай төлейді?
әйел

Өскеменде қолына баласын ұстаған тыр жалаңаш әйел көшеде шу шығарды

3700
Көшедегі көліктердің жанында айғай-шу шығарып жүрген тыр жалаңаш әйелдің қолында алты айлық баласы болған

НҰР-СҰЛТАН, 27 қыркүйек — Sputnik. Өскемен тұрғындары қолына кішкентай нәрестесін ұстап көшеде жүрген әйелді видеоға түсіріп алған. Әйелдің өзі де, баласы да тыр жалаңаш, деп жазады YK-news.kz. Ал далада ауа температурасы он градус қана.

Видеодан тыр жалаңаш әйелдің көшеде бағдаршамға тоқтаған көліктердің жанында жүргенін көруге болады. Басылымның хабарлауынша, жүргізушілердің бірі оны көлігіне отырғызады, бірақ әйел айғайлап, адамдарды көмекке шақыра бастайды. Біршама уақыттан кейін оқиға орнына полицейлер келеді.

Шығыс Қазақстан облысы полиция департаментінің мәліметіне сүйенсек, видеодағы әйел 33 жаста, ал қолындағы баласы алты айлық қана екен.

"Әйел арнайы медициналық мекемеге жеткізілді, ол жерде дәрігерлер оған не болғанын анықтайды", - деп хабарлады полиция.

Ал сәби ана мен бала орталығына жеткізілді, оның өміріне ешқандай қауіп төніп тұрған жоқ, деді тәртіп сақшылары.

3700
Кілт сөздер:
видео
Түнгі клуб

Нұр-Сұлтанда түнгі клуб әкімшісі қамауға алынды

0
Бұған дейін 25 жастағы бойжеткенге заң бұзғаны үшін ескерту жасалып, тіпті жауапкершілікке де тартылған

НҰР-СҰЛТАН, 27 қыркүйек – Sputnik. Елордада карантиндік шараларды бірнеше рет бұзғаны үшін 25 жастағы түнгі клуб әкімшісі бір тәулікке қамауға алынды. Полицейлердің хабарлауынша, тыйым салынғанына қарамастан 30-ға жуық азамат клубта бас қосып, ереже бұзғаны анықталған.

Ал түнгі клубтың әкімшісі бұған дейін де Әкімшілік кодексті бұзғаны үшін жауапкершілікке тартылған. Соған қарамастан, аталған клубта сауық кеші ұйымдастырылған.

Осы жағдайға байланысты тиісті материалдар жиналып, сотқа жолданған. Сот үкімімен бойжеткен бір тәулікке қамауға алынды.

Сонымен қатар, карантинді бірнеше рет бұзғаны үшін Әкімшілік кодекстің 425-бабы бойынша хаттама толтырылып, "Алматы" ауданы бойынша тауарлар мен қызметтердің сапасын қадағалау басқармасына жіберілді.

Оқи отырыңыз: Петропавлда түнгі клуб жанында екі қызды қағып кеткен байдың баласы ұсталды

Полиция өкілдері қала тұрғындарына ойын-сауық мекемелерінде коронавирусты жұқтыру қаупі артқанын ескертеді.

0
Кілт сөздер:
қамауға алынды, карантин
Тақырып:
Төтенше жағдай және карантин
Тақырып бойынша
Қыркүйек соңында карантин күшейе ме – бас санитар дәрігер жауабы
Қатаң карантин қай кезде енгізіледі – денсаулық сақтау министрлігі түсініктеме берді  
Түнгі клуб алдында көлік қағып, комаға түскен әйел көз жұмды
Маңғыстау облысында той өткізген шенеунік жазаланады
Түнгі клуб алдындағы төбелес: полиция қылмыстық іс қозғаудан бас тартты