Архивтегі фото

Ұрланған ақшаға көлік алған: Шымкент тұрғынын өртеп жіберген қаскүнем ұсталды

567
Қаскүнем құны 1 100 000 теңгеден асатын алтын бұйымдар мен ақшаны ұрлап, тұрғын үйді өртеп кеткен

НҰР-СҰЛТАН, 8 тамыз – Sputnik. Шымкент қаласының тұрғынын өлтірді деген күдікпен ер адам ұсталды.

Бұрын хабарланғандай, осы жылдың 18 маусымында Шымкент қаласында өртенген үйден жергілікті тұрғынның мәйіті табылды.

"2019 жылдың 29 шілдесінде  жедел-іздестіру  іс-шараларын жүргізу  барысында Шымкент қаласы полиция департаментінің  қызметкерлері қала тұрғынын өлтірді деген күдікпен ер адамды ұстады", - деп хабарлады полиция департаментінің баспасөз қызметі.

Қаскүнем ауыр қылмыс жасағаннан кейін құны 1 100 000 теңгеден асатын алтын бұйымдар мен ақшаны ұрлап, тұрғын үйді өртеп, қылмыс орнынан бой тасалаған.

Полиция қызметкерлері  қаскүнемнің  ұрланған ақшаға автокөлік сатып алғанын анықтады.

Тағы оқыңыз: Жігіт қалыңдығының үстіне бензин құйып, өртеп жіберді – видео

Қазіргі уақытта аталған жайт бойынша ҚР ҚК 99-бабы "Адам өлтіру", 192-бабы "Қарақшылық" және 202-бабы "Бөтен мүлікті қасақана жою немесе бүлдіру" бойынша сотқа дейінгі тергеп-тексеру жүргізілуде.

2019 жылдың 1 тамызында Шымкент қаласының мамандандырылған тергеу соты ұсталған азаматқа қатысты күзетпен ұстау бұлтартпау шарасын қолданды. Тергеу жұмыстары жалғасуда.

567
Кілт сөздер:
өрт, Шымкент, ұрлық
Тақырып бойынша
Атырауда такси жолаушысын бейіт басында өлтіріп кетті
Алматыда тал түсте адам өлтірді: туысын қорғамақ болған жас жігіт ажал құшты
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Шымкентте бизнесменді көшенің ортасында өлтіріп кетті
Базардағы адамдар күдіктіні өздері жазалады – видео
Загрузка...