Күн күркіреу

Нұр-Сұлтан мен бес облыста ескерту жарияланды

16836
Бірнеше өңірде қатты жел тұрып, найзағай жарқылдайды, дауыл соғуы мүмкін

НҰР-СҰЛТАН, 13 тамыз — Sputnik. Синоптиктер Қазақстанның бес облысы мен Нұр-Сұлтан қаласында дабылды ескерту жариялады.

"Қазгидромет" метеоқызметінің болжамына сәйкес, 14-15 тамызда Ақмола облысының кей жерінде найзағай ойнап, бұршақ түсіп, дауыл соғуы ықтимал, оңтүстік-батыстан соққан жел солтүстікке ауысады, екпіні 15-20 м/с, 15 тамызда күндіз 25 м/с-қа дейін ұйытқиды.

Көкшетау қаласында таңертең және күндіз найзағай ойнап, бұршақ түсуі мүмкін.

Тағы оқыңыз: Тамыз айында ауа райы қандай болады?

Нұр-Сұлтан қаласында 14-15 тамызда найзағай ойнайды. Күндіз 15 тамызда бұршақ жаууы мүмкін, солтүстік-батыстан соққан желдің екпіні 15-20 м/с.

Түркістан облысында 14 тамызда тәулік бойы кей жерде найзағай ойнап, дауыл, шаңды дауыл соғып, батыстан соққан желдің екпіні 15-20 м/с болады.

Қызылорда облысында 14 тамызда батыстан, солтүстік-батыстан жел соғып, екпіні кей жерде 15-20 м/с-қа жетеді, күндіз кей жерде шаңды дауыл соғады.

Қостанай облысында 14 тамызда кей жерде найзағай ойнап, батыстан соққан жел солтүстік-шығысқа ауысады, екпіні 15-20 м/с. Күндіз кей жерде бұршақ түсуі ықтимал.

Тағы оқыңыз: Маман тамыз айына болжам жасады: қазақстандықтарды не күтіп тұр?

Маңғыстау облысында 14 тамызда кей жерде солтүстік-батыстан жел соғады, екпіні 15-20 м/с, шаңды дауыл соғуы ықтимал.

16836
Кілт сөздер:
дабылды ескерту, өңірлер, Нұр-Сұлтан
Жерлеу рәсімі, архивтегі фото

"Жерлеу құны 500 мың теңге": Қарағанды облысының әкімі жағдайды түсіндірді  

100
(Жаңартылды 18:09 07.07.2020)
Қазір адамның неден қайтыс болғанына қарамастан, жерлеу қызметіне кететін шығынның нарықтағы бағасы – 150 мың теңге. Желіде тараған ақпарат расталған жоқ

АЛМАТЫ, 7 шілде – Sputnik. Қарағанды облысында қайтыс болған адамды жерлеуге кететін шығын 150 мың теңгеден қымбат болмайды. Бұл жайында облыс әкімі Жеңіс Қасымбек мәлімдеді, деп хабарлайды Sputnik Қазақстан тілшісі. 

"Желіде жерлеу қызметінің құны 500 мың теңге болып жатыр деген ақпарат тарады. Қазір адамның неден қайтыс болғанына қарамастан, жерлеу қызметіне кететін шығынның нарықтағы бағасы – 150 мың теңге. Желіде бұл ақпарат тараған соң оны тексеруді бастадық. Қарағандыдағы мәйітханада жатқан денені жерлеу үшін 500 мың теңге сұрады деген ақпарат расталған жоқ", - деді Қасымбек.

Сонымен қатар облыстағы әкімдіктер жерлеу шараларын өткізетін қызметкерлермен сөйлесіп, бір келісімге келген.

Оқи отырыңыз: Қазақстанда коронавирустан қайтыс болғандарды жерлеу тәртібі өзгерді 

"Егер марқұмды облыстың басқа жеріне жеткізу қажет болса, жалпы бағасы 200 мың теңгеден жоғары болмайды. Біз осылай келістік. Егер осы бағадан қымбат баға ұсынатын болса, әкімдік бақылауына алады", - деп түсіндірді өңір басшысы.

100
Кілт сөздер:
коронавирус, Қарағанды облысы
Тақырып:
Коронавирус эпидемиясы
Тақырып бойынша
"Қоңыраулар саны азайды" – Алтай Көлгінов карантиннің пайдасы туралы
Министр Цой: тағы 110 адамның өлімін зерделеп жатырмыз
Бурабай жағажайлары карантинге жабылды
Қызылордада 80 млн теңгеге оттегі баллондарын шығаратын цех салынады
Министр коронавирустан емделетіндердің басты қателігін атады
Сқақов 22 мың теңге тұратын қорғаныс киіміне қатысты пікір білдірді
Қорғаныс киімі, архивтегі фото

Сқақов 22 мың теңге тұратын қорғаныс киіміне қатысты пікір білдірді

47
Павлодар облысының әкімі өңірге 17 мың парацетамол қаптамасы мен 6,5 мыңнан астам Цефтриаксон мен Цеф-3 жеткізілгенін айтты

АЛМАТЫ, 7 шілде – Sputnik. Павлодар облысының әкімі Әбілқайыр Сқақов обаға қарсы қорғаныс киімінің бағасына қатысты сауалға жауап берді.

Сауал қоюшы мемлекеттік сатып алу сайтында обаға қарсы қорғаныс киімінің бағасы 7 500-22 000 теңге аралығында көрсетілгенін айтып, екеуінің қандай айырмашылығы бар екенін сұрады.

Оқи отырыңыз: Павлодар облысының әкімі өңірде дәрігер жетпей жатқанын айтты 

"Бұл техникалық сипаттамаға байланысты, біз Павлодар облысында қажетті көлемдегі обаға қарсы киімнің бір данасын 7 500 теңгеден сатып алдық. Оның сапасын өзім көрдім. Бұған дейін дәрігерлерден ешқандай шағым түскен жоқ. 22 мың теңгеден киім сатып алған жоқпыз", - деді облыс әкімі.

Сонымен қатар Сқақов облыс көлеміндегі медициналық ұйымдар бұған дейін жасалған келісім негізінде дәрі сатып алып жатқанын айтты.

"Қосымша 1,5 миллиард теңгеге дәрі сатып алу үшін өтінім жіберілді. Антибиотик, тромболитиктер және 33 атаулы гормондар жедел түрде сатып алынады", - деп нақтылады облыс әкімі.

Сонымен қатар Әбілқайыр Сқақов Павлодарға 17 мың парацетамол қаптамасы мен 6,5 мыңнан астам Цефтриаксон мен Цеф-3 жеткізілгенін айтты.

Брифинг барысында облыс әкімі шағын ауылдың тұрғынынан коронавирус табылған жағдайда қандай шара қолданылатынын түсіндірді.

"Шағын ауылдың тұрғынынан коронавирус инфекциясы табылса, елді мекен карантинге жабылмайды. Алайда осы науқаспен қарым-қатынаста болған адамдар анықталып, инфекция ошағы хаттама бойынша тексеріледі", - деп нақтылады облыс әкімі.

47
Кілт сөздер:
Павлодар облысы, коронавирус
Тақырып:
Коронавирус эпидемиясы
Тақырып бойынша
Нұр-Сұлтанда күн сайын 300 адам пневмониямен ауруханаға жатқызылады
Бурабай жағажайлары карантинге жабылды
Желіде дүрбелең туғызды - дәрігер Малышева қазақстандықтарға жауап берді
Министр Цой: тағы 110 адамның өлімін зерделеп жатырмыз
"Қоңыраулар саны азайды" – Алтай Көлгінов карантиннің пайдасы туралы
Шенеунік

Қазақстанда екі вице-министр қызметінен босатылды

0
(Жаңартылды 19:23 07.07.2020)
Нариман Мұқышев еңбек және халықты әлеуметтік қорғау вице-министрі қызметінен, ал Мәдина Жүнісбекова ұлттық экономика вице-министрі қызметінен босатылды

НҰР-СҰЛТАН, 7 шілде – Sputnik. Қазақстанда екі вице-министр қызметінен босатылды, деп хабарлайды primeminister.kz сайты.

"Нариман Мұқышев – еңбек және халықты әлеуметтік қорғау вице-министрі, Мәдина Жүнісбекова – ұлттық экономика вице-министрі қызметінен босатылды. Ал ұлттық экономика вице-министрі қызметіне Айгүл Шайымова тағайындалды", – делінген хабарламада.

Айгүл Шайымова туралы не білеміз?

Айгүл Шайымова 1979 жылы Ақмола облысының Мариновка ауылында дүниеге келген.

Гумилев атындағы Еуразия университетін, қаржы полициясы академиясын, Ресей президентінің халық шаруашылығы және мемлекеттік басқару академиясын бітірген.

Ол әр жылдары қаржы полициясы агенттігі мен экономикалық және сыбайлас жемқорлыққа қарсы күрес агенттігінде және бас прокуратурада жұмыс істеді.

2013-2014 жылдары – Қазақстан Республикасы қауіпсіздік кеңесінің ахуалдық орталық меңгерушісінің орынбасары қызметін атқарды.

2014-2016 жылдары мемлекеттік қызмет және сыбайлас жемқорлыққа қарсы іс-қимыл агенттігінде аппарат басшысы болды.

2016 жылы – мемлекеттік қызмет істері жөніндегі вице-министр.

2016 жылдың қыркүйегінен 2019 жылдың шілдесіне дейін мемлекеттік қызмет және сыбайлас жемқорлыққа қарсы іс-қимыл агенттігі төрағасының орынбасары болды.

2019 жылдың шілдесінен бастап Мәдина Жүнісбекованың оқу демалысы кезеңінде ұлттық экономика вице-министрі қызметін атқарды.

Нариман Мұқышев туралы не білеміз?

Нариман Мұқышев еңбек министрлігінде цифрландыру саласына жауап берді. 2020 жылдың сәуір-мамыр айында ол 42 500 теңге жәрдемақы алу үшін сайттар мен ақпараттық жүйелерге техникалық қызмет көрсетуді қамтамасыз етуге жауапты болды. Бұрынғы вице-министр әлеуметтік желілерде төлемдер туралы сұрақтарға белсенді жауап беріп тұрды.

Нариман Мұқышев 1984 жылы 9 мамырда Қарағанды ​​облысында дүниеге келген. Сүлеймен Демирел университетін, Халықаралық бизнес академиясын бітірген.

Еңбек жолын 2006 жылы бастаған. Әр жылдары коммерциялық құрылымдарда жұмыс істеді.

Оқи отырыңыз: Дәрігердің шағымынан кейін Меркі ауруханасының басшылығы қызметінен босатылды

2014 жылғы қарашадан 2018 жылдың маусым айына дейін "Қазпочта" АҚ басқарушы директор қызметін атқарды. 2018 жылдың маусымында ол еңбек және халықты әлеуметтік қорғау вице-министрі болып тағайындалды.

0
Кілт сөздер:
Еңбек және халықты әлеуметтік қорғау министрлігі, Ұлттық экономика министрлігі
Тақырып бойынша
Энергетика вице-министрі қызметінен босатылды
Денсаулық министрі Біртанов қызметінен босатылды
Таразда індет жұқтыруға жол берген әскери бөлімнің лауазым иелері қызметінен босатылды
Аида Балаеваның орынбасары қызметінен босатылды
Ішкі істер министрінің орынбасары қызметінен босатылды