Ер адам, архвитегі сурет

Павлодарлық бизнесмен қарақшылардың қолынан ажал құшты

1245
Павлодар облысында қарақшылық шабуыл жасағандар сотталды

ПАВЛОДАР, 14 тамыз – Sputnik. Сот бизнесменнің өліміне қатысты іс бойынша Шарбақты ауылының үш тұрғынына үкім шығарды, деп хабарлады Павлодар облыстық сотының баспасөз хатшысы Әнел Құсанова Sputnik Қазақстанға.

Қайғылы оқиға 2019 жылдың 21 қаңтарында болды. Түн ішінде үш ер адам көлікпен Шалдай ауылындағы металл қабылдаумен айналысатын тұрғынның үйіне келеді. Екеуі медициналық маскамен бетін тұмшаласа, бірі көзге арналған ойықтары бар бас киім киіп алыпты.

Олар үйдің терезесін қағады. Қожайын есікті ашып еді, қарақшылар оны ағаш шоқпармен, жұдырықпен ұрып-соғып, тепкіледі. Кейін кендіржіппен қол-аяғын байлап, айғайлап көмек шақырмасын деп аузына шүперек тығып тастайды. Кәсіпкердің үйінен 4 600 АҚШ долларын, 292 мың ресейлік рубль және 80 мың теңге тапқан қылмыскерлер ақшаны түгел тонап, оқиға орнынан ізін жасырған.

Тағы оқыңыз: Шымкентте он жыл бұрынғы жантүршігерлік қылмыстың беті ашылды

Үй иесі тыныстай алмай, механикалық асфиксиядан көз жұмыпты.

Сот қарақшылардың әрқайсысын сегіз жылға соттап, мүлкін тәркіледі. Олар жазасын қауіпсіздік деңгейі орташа қылмыстық-атқару жүйесі мекемесінде өтейді.

Бұдан бөлек сотталушылар жәбірленушінің өкіліне материалдық шығын, мемлекеттік баж, сот сараптамаларының процестік шығындарын, жәбірленушілерге төленетін өтемақы қорына қаражат төлеуге міндеттелді. Үкім әлі заңды күшіне енген жоқ.

1245
Кілт сөздер:
қарақшылық шабуыл, Павлодар
Тақырып бойынша
Түн ортасында үйіне кіріп, әйелді зорлап тастады: Алматыда қаскөйге сот үкімі шықты
85 жастағы қария қаруланған қарақшылардың сазайын берді – видео
Алматыда үйіне келген әйел жатын бөлмеде балтамен жүрген қаскөйдің үстінен түседі
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Моторлы қайық, иллюстративті фото

Оралда катер басын шауып кеткен әйелдің туыстары депутаттың ұлын кешірді

348
(Жаңартылды 12:18 13.08.2020)
Басында әкесі ұлының қылмысқа қатысы жоқ екенін айтқан. Артынан марқұмның үйіне барып, туыстарынан кешірім сұрады

НҰР-СҰЛТАН, 12 тамыз – Sputnik. Оралда абайсызда катер басын шауып кеткен Екатерина Ананьеваның туыстары осы іске қатысы бар деген күдікпен ұсталған депутаттың ұлын кешірді, деп хабарлады "Астана" арнасы.

Сол күні моторлы қайықты жергілікті депутат Валерий Крыловтың кәмелетке толмаған ұлы жүргізген. Бірақ қайғылы оқиғадан кейін қашып кеткен. Оны екі айдан кейін ғана ұстап, тергеу абақтысына қамады. Басында әкесі ұлының қылмысқа қатысы жоқ екенін айтқан. Артынан марқұмның үйіне барып, туыстарынан кешірім сұрады.  

"Ол келді де, бір минуттай үнсіз отырды, сөз таба алмады-ау деймін. Қолы дірілдеп тұрды. Болған жағдайға қатты өкінетінін жеткізді, қайғырып көңіл айтты. Біз оларды кешірдік. Олар кез келген уақытта көмек беруге дайын екенін айтты", - деді Екатерина Ананьеваның туысы.

Шағандағы қайғылы оқиға

6 маусымда Батыс Қазақстан облысында Шаған өзенінде суға түсіп жүрген 41 жастағы әйелді моторлы қайық қағып кеткен. Қайғылы оқиға сағат 22.15-те болған. "Шойын" көпірінің маңында катер винтпен Екатерина Ананьеваның басын және бір қолын шауып түскен.

Оқи отырыңыз: Оралда адам өліміне байланысты депутаттың ұлы ұсталды    

Қаза болған Екатеринаның 19 жастағы ұлы Роман оқиғаның қалай өрбігенін айтып берген. Сол күні Екатерина мен оның құрбысы саяжайға барған. Сол жақта жұмыс істеп болғаннан кейін екі әйел суға түскісі келген.

"Анамның құрбысы шомылғысы келмеген, тек су беліне жеткен жерге дейін ғана барған. Ал анам жағадан алыстау жерге жүзіп кетеді, сол сәтте шамы қосылмаған катер жүзіп өткен. Құрбысы айғайлап, жағаға шық деп қолын бұлғай бастайды. Кенет катер қайтып келеді де, сол сәтте тарсыл естіледі. Құрбысы жақын маңда демалып жүрген адамдарды көмекке шақыра бастаған. Ақырында анамның бөлшектелген денесін қапқа салып судан алып шықты. Ал катер бірден кетіп қалды", - дейді Роман.

Анасының басы сол күйі табылмады. Оны бассыз жерлеуге тура келді. Ал марқұмның немере апасы катерде жас жігітпен бірге қаладағы танымал кәсіпкердің қызы да болды деп отыр. Оған аса ауыр қылмысты жасырғаны үшін айып тағылды. Бірақ қыз Лондонға кетіп қалу үшін виза ашпақшы екен.

Депутат ұлының кінәлі екенін мойындамады

Бұған дейін Орал қалалық мәслихатының депутаты Валерий Крылов ұлының қамауға алынғанын растаған болатын. Алайда оның кінәлі екенін жоққа шығарды. 

"Негізі, жағада бір емес, бірнеше қайық болған. Барлығына сараптама жасап жатыр. Тергеу кезінде бәрін тексеріп шығады. Қазір олар менің ұлымды кінәлі еткісі келеді. Бірақ дәлел жоқ. Осы істі аяғына дейін жеткізеді деп ойлаймын. Бірақ мен анық білемін, ұлым кінәлі емес", - деді депутат.

Сол кезде Крылов катерде қанның ізі табылғаны туралы ақпаратты да жоққа шығарды.

348
Кілт сөздер:
депутат, Орал
Тақырып бойынша
Аружан Саин: Шенеуніктің баласы әкесінің әрекеті үшін ұялатынын айтты
Шенеуніктің 7-сыныпта оқитын баласы 2 млн теңгеден астам табыс тапқан
Томирис Байсафаның өлімі: экс-шенеуніктің ұлы ұсталды
Ми-8. Архивтегі фото

Алматы аспанында тікұшақтар ұшып жүр не болып жатыр

2965
Қала билігі жолдардағы жағдайға талдау жасау және кептеліс болып жатқан жол учаскелерін анықтау үшін әуеден бақылауды қайта бастады

НҰР-СҰЛТАН, 13 тамыз – Sputnik. Алматы полиция департаменті тікұшақтардың неліктен қала үстімен ұшып жүргенін түсіндірді.

Құқық қорғаушылар қала жолдарындағы жағдайды бақылау мақсатында әуеден патрульдеуді қайта бастады, деп хабарлады Polisia.kz.

Сонымен қатар, полиция осылайша кептеліс болып жатқан қиылыстарды анықтап, ол учаскелерге жол қозғалысын реттегіштерді жібереді.  

Алматы полиция департаментінің бастығы Қанат Таймерденовтің айтуынша, соңғы жылдары қалада көше мен магистральдерде көлік ағындарының жиілігі едәуір артқан, осы себепті полиция жол қозғалысын ұйымдастыруды жетілдіру шараларын қабылдап жатыр.

Оқи отырыңыз: Жұртты дүрліктірген видеодағы тікұшақтардың не істеп жүргені белгілі болды  

12 тамыздан бастап қалалық төтенше жағдайлар департаментінің тікұшақтары Алматыны аралап ұшып жатыр. Әуеден патрульдеуге әкімшілік полиция және жергілікті полиция қызметінің басшылары жұмылдырылды, олар жолдағы жағдайға талдау жасайды.

Онлайн патрульдеу режимінде экипаждарға көлік қозғалысы қиындаған учаскелер туралы өзекті ақпарат ұсынылады.

2965
Кілт сөздер:
тікұшақ, Алматы
Тақырып бойынша
"Ұшақпен белгісіз зат шашады": министр желіде тараған ақпаратқа жауап берді 
"Қызыл түсті ұнтақ" сеуіп жүрген ұшақтарға қатысты шындық жария етілді – видео
Министрлік тікұшақтардың Шымкентті неге айналып жүргенін түсіндірді
Рухани Жаңғыру

"Рухани жаңғыру" бағдарламасын өзгеріс күтіп тұр

3
(Жаңартылды 13:46 13.08.2020)
Ақпарат және қоғамдық даму министрлігі "Рухани жаңғыру" бағдарламасы жаңа жағдайға бейімделетінін хабарлады

НҰР-СҰЛТАН, 13 тамыз – Sputnik. Қазақстан ақпарат және қоғамдық даму вице-министрі Болат Тілепов "Рухани жаңғыру" бағдарламасы заман талабына сай өзгертілетінін айтты, деп хабарлайды Sputnik Қазақстан тілшісі.

"Егер біз санамыздағы пайдасыз қағидаттар мен қажетсіз әдеттерден, тіл мен ділдің қадірсіздігінен, талғамсыз салт пен дарақы дәстүрден дер кезінде арылмасақ, жаңа әлемнің өркениетті жетістіктерінен үмітіміз де аз. Сол себепті қазіргі таңда министрліктің алдында "Рухани жаңғыру" бағдарламасын жаңа жағдайға бейімдейтін бірқатар міндет тұр", - деді Тілепов орталық коммуникациялар қызметінде өткен онлайн брифингте.

Оқи отырыңыз: Назарбаевтың тапсырмасын орындамаған шенеунік сөз естіді

Вице-министрдің айтуынша, алдағы уақытта ұлттық ерекшелікті сақтай отырып, қазақстандықтардың қазіргі заманғы сын-талаптарына төтеп бере алатын және жеке кәсіби қасиеттерін дамытатын іс-шараларға басымдық беріледі. Осыған орай, бірнеше арнайы жобаның нобайы әзірленді.

"Мәселен, прагматикалық өмір салтын дәріптейтін жоба бар. Бұдан бөлек, ізгілік және тәрбие құндылықтары тұрғысынан өзекті болып отырған "Дәстүр мен ғұрып", елдің құқықтық мәдениетін ашатын "Құқықтық мәдениет", еңбекқорлыққа шақыратын және масылдықтан бас тартуға үндейтін "Еңбек – елдің мұраты" деген бастамалар бар. Әрине, олардың қамтитын тақырыптық шеңбері атауынан әлдеқайда кең", - деп атап өтті Тілепов.

Оның сөзіне қарағанда, жаңа жобалар аясында өскелең ұрпақтың мінезін қалыптастыру, эстетикалық талғамға баулу, тағамтану мәдениетінен бастап музыка мен театр сияқты терең дүниелерді қабылдау, азаматтардың қарапайым құқықтарын қорғай білуі, кәсіп жасау сияқты мәселелер де қамтылады.

"Оған өткенде ел президенті айтқан қоғамның экологиялық сауатын ашу және экомәдениетін көтеру мәселесі де кіреді. Сосын кітап сүйер ұлтты қалыптастыру, әсіресе, мектеп жасындағы балаларды кітап оқуға баулудың маңызы зор", - дейді Тілепов.

3
Кілт сөздер:
өзгерістер, Рухани жаңғыру
Тақырып бойынша
Ақпарат министрі "Рухани жаңғыру" логотипі туралы: құстардың бәрі бір-біріне ұқсайды
"Рухани жаңғыру" ұрлықтан басталғаны ма немесе министрлік гонорарға 50 мың теңге таппаған
Оралда дүлей жел талдарды құлатып, "Рухани жаңғыру" деген жазуды қиратты
Абаев: "Рухани жаңғыру" эмблемасы туралы жайтқа кінәлілерді іздеудің қажеті жоқ