Жасөспірім, архивтегі сурет

Әкесін өлтіріп алған: вице-министр павлодарлық баланың қылмысы туралы айтты

403
Марат Қожаевтың айтуынша, жасөспірімнің ата-анасы ішімдікке салынған, бала тәрбиесіне мән бермеген

НҰР-СҰЛТАН, 12 қыркүйек – Sputnik. Ішкі істер министрлігінің бірінші орынбасары Марат Қожаев балаларға қарсы жасалған қылмыстарға тоқталды, деп хабарлайды Sputnik Қазақстан тілшісі.

Оқиға осы жылы 22 маусымда Павлодарда болған.

"16 жастағы бала отбасындағы ұрыс-керіс кезінде мас әкесін пышақпен жарақаттап, өлтіріп алған. Отбасының тұрмысы нашар, баланың анасы мен әкесі де ішімдікке салынған. Бала тәрбиесіне немқұрайлы қараған", - деді Қожаев орталық коммуникациялар қызметінде өткен брифингте.

Вице-министр биыл 8 маусымда Нұр-Сұлтан қаласында тұратын отбасылардың бірінде болған сұмдықты мысалға келтірді.

"Үш жасар қыз түрлі жарақатпен ауруханаға түсіп, кейін көз жұмған. Анықталғандай, сәбидің анасы бас бостандығы шектелген адам ретінде полицияда есепте тұр. Ал өгей әкесі бұрын істі болған. Қазір соңы өлімге әкеп соққан, адам денсаулығына қасақана ауыр зиян келтіру бойынша сотқа дейінгі тергеу жүріп жатыр", - деді ол.

Тағы оқыңыз: "Әлі де жеңілдеу": сенат депутаты кімді өлім жазасына кесу керектігін айтты

Қожаевтың айтуынша, балалардың құқығы көп жағдайда отбасындағы проблемалардың салдарынан бұзылады. Ата-ананың ішімдікке салынуы, жалақының аздығы, басқа да тұрмыстық мәселелер.

"Нашар отбасынан шыққан балаларға дер кезінде көмек көрсетілсе, бұл проблема жойылады. Осы мақсатта біздің бастамамызбен биыл сәуірден бастап полицияда есепте тұрған, өмірлік қиын жағдайға тап болған отбасылар мен кәмелетке толмаған балалар медициналық-әлеуметтік есепке алынады", - деді ол.

Ішкі істер министрлігінің ақпаратынша, 8 айдың қорытындысы бойынша жасөспірімдер жасаған заңбұзушылық саны 9%-ке төмендеген. Соның ішінде кәмелетке толмағандардың адам өлтіру қылмысы 62%-ке, денсаулыққа ауыр зиян келтіру 17%, тонау 41%, ұрлық 8%, бопсалау 31% және бұзақылық 5%-ке азайған. Қылмыстың жартысынан астамын мектеп оқушылары жасаған.

Тағы оқыңыз: Балалар үйіндегі қанды қырғын: павлодарлық үш жасөспірім 6 адамды қалай өлтірді

Жыл сайын түрлі заң бұзушылық жасағаны үшін полиция органдарына шамамен 100 мыңдай кәмелетке толмаған бала жеткізіледі.

403
Кілт сөздер:
қылмыс, балалар, Ішкі істер министрлігі
Тақырып бойынша
Шымкентте 17 оқушы ұсталып, екеуі қамауға алынды
Қарағандыдағы 3 жасар баланың өлімі: күдіктінің туыстары сәбидің анасын кінәлайды
"Өмір бақи бас бостандығынан айырылады": елімізде жаңа заң әзірленіп жатыр
Қазақстанда қанша педофил бар – министрлік цифрды атады
Көкшетау қаласы

Көкшетауда жасы тоқсанға таяған кейуана қызы мен жиенін ертіп, көшеде түнеп жүр

527
(Жаңартылды 11:55 04.07.2020)
Мәруә әжей зейнетақы мен жиенім алатын жәрдемақыға да қанағат етеміз. Тек, басымызға бір баспана бұйырса дейді

НҰР-СҰЛТАН, 4 шілде – Sputnik. Көкшетауда бір отбасының мүшелері далада түнеп жүр. Паналайтын лашық таппай қалғандардың ең үлкені 85 жастағы кейуана, деп хабарлайды КТК арнасы.

Тыл ардагері 50-дегі қызы мен 29 жастағы жиенін жетектеп бір айдан бері автобус аялдамаларын жағалап жүр. Кейуананы көрген тұрғындар аяушылық білдіргенімен, әзірге қол ұшын берген жан жоқ. Тіпті әкімдік те карантин кезінде кезбелерді жақын жолатуға қорқатын сияқты.
Бейбақтың күйін кешкен үшеуі карантин кезінде қаланы емін-еркін аралап, кез келген жерге түнейді. Қазір де жүгін үйіп тастап орталық көшеде отыр. Бірақ кезбелерге назар аударған жан жоқ. Олардың осылайша тентіреп жүргеніне бір айдан асқан. Үйсіз-күйсіз қалғандар, базар жағалап, асханалардан қалған тамақты жеп күнелтеді.

"Аялдамада жаттық. Тоңатын болдық. Қайда барсақ карантин дейді. Қала әкімдігіне барсаң, милиция шығады, карантин деп кіргізбейді. Шыны керек, өте қиын жағдай. Біздің баратын жеріміз жоқ. 30 жыл бұрын менің әкемнің үйі болған. Оны тумаған ағам бірінші әйелден тартып алды", - дейді Ботакөз Күдеринова.

Қаңғып қалған кезбелер бұған дейін Көкшетауда үш жыл біреудің лашығын жалдап тұрыпты. Сол жыртық үйдің өзін бәз біреулер тонап, есік терезесін талқандап кеткен. Осыдан кейін үй иесі кейуананы баспанасынан қуып шығарған.

Тыл ардагері Мәруә әжейге обал. Қызы Ботакөз буын ауруымен жұмысқа жарамсызбын десе, жиені Құрманғазы психдиспансерде есепте тұр.

Ал қаланың қақ ортасында түнеп жүрген үшеуін әлеуметтік қызметкерлер таба алмадық деп ант су ішіп отыр.

"Орталықтың қызметкерлері жергілікті полиция қызметкерлерімен бірге шығып, сол жанұяны іздестіріп көмек көрсеткісі келген. Бірақ сол жолы табылмады. Біз осы 3 адам туралы ақпарат жұмысын өткізіп білдік. Оларда зейнетақы төлемдер бәрі алынып жатыр", - дейді "Көкшетау қаласының жұмыспен қамту және әлеуметтік бағдарламалар бөлімі" ММ басшысы Қали Ахметов.

Әлеуметтік бөлім басшысы олар Зеренді ауылында тұрғылықты есепте тұрғандығын анықтаған. Біз де мекенжай бойынша жергілікті әкімдікке хабарласқанымызда, бұл үйлерде соңғы жылдары мүлдем бөтен адамдардың тұрып жатқанын айтты.

Оқи отырыңыз: "Кіріме дейін жуды": Індетті жеңген 89 жастағы кейуана дәрігерлерге алғыс айтты

Жасы 90-ға аяқ басқанда көше кезіп қалған кейуана, тыл ардагері Мәруә әжей әйтеуір бір қайыры бар жан кездесер деген үмітте.

"Зейнетақы мен ақыл- есі кем жиенім алатын жәрдемақыға да қанағатпыз. Тек басымызға бір баспана бұйырса", - дейді.

Алайда, олар осы уақытқа дейін пәтер кезегіне де тұрып көрмепті. Сол себепті мемлекеттік органдағылар қауқарсызбыз деп отыр.

527
Кілт сөздер:
кейуана, Көкшетау
Тақырып бойынша
"Жуынды ішіп жүр". Кейуана немерелерінің өгей шешеден көрген қорлығы туралы айтты
Әйелінің соңынан кеткен: түркістандық кейуана 28 жыл көрмеген ұлымен жылап қауышты
ОҚО-да 85 жастағы кейуана өз баласын не үшін өлтіргені анықталды
"Әлі дәрі ішіп көрген жоқ" 104 жастағы кейуана ұзақ жасаудың құпиясымен бөлісті
Алматыда сасып кеткен мәйітпен бір апта қамалып жатқан кейуана құтқарылды
Қарбыз, Түркістан облысы

Балаларды қарбыз қабығын жеуге мәжбүрлеген ер адам ұсталды - видео

431
(Жаңартылды 18:25 03.07.2020)
Полицейлер балаларды тапты. Олардың ата-анасы ішкі істер органдарына арыз жазып, жәбірлеушіні жауапқа тартуға мүдделі

НҰР-СҰЛТАН, 3 шілде – Sputnik. Түркістан облысында балаларға қарбыздың қабығын жегізген ер адам ұсталды, деп хабарлады Polisia.kz сайты.

"Әлеуметтік желілерге мониторинг жасау кезінде Түркістан облыстық департаменттің қызметкерлері бір видеоға назар аударған. Онда ер адам екі баланы видеоға түсіріп тұрып, қарбыз қабығын жеуге мәжбүрлеген. Бұның бәрін түсіргенде былапыт сөз айтқан. Видеоның авторы бір тәуліктің ішінде ұсталды", - дейді полицейлер.

Балаларға қарбыздың қабығын жегізген ер адам Ордабасы ауданының тұрғыны болып шықты. Ал қоғамдық резонанс туғызған видео 2019 жылы тамыз айында түсірілген.

"Ер адам өз кінәсін толығымен мойындады. Полицейлер балаларды да тапты. Олардың ата-аналары ішкі істер органдарына арыз жазып, жәбірлеушіні жауапқа тартуға мүдделі", - деп атап көрсетті тәртіп сақшылары. 

Посмотреть эту публикацию в Instagram

Публикация от kris_p_brothers (@kris_p_brothers_official)

431
Тақырып бойынша
Түркістан облысында баланың қол-аузын байлап қинаған кім?
Талдықорғанда өгей әке 8 жасар баланы комаға түсірді – оқиғаның мән-жайы
Қарағандыда 3 жасар баланы өлтірген қаскөй ұсталды – фото
Сабақта баланы ұрған: қостанайлық мұғалім қалай жазаланды
Аязда баланы автобустан түсіріп кеткен жүргізуші жұмыстан қуылды
Ұшақ салонында отырған қыз

Комитет Түркиядағы қазақстандық туристердің елге қалай жеткізілетінін түсіндірді

0
(Жаңартылды 13:29 04.07.2020)
Қазақстанда жаңа шектеу шараларының енгізілуіне байланысты Түркия отандастарымыздың елге кіруіне шектеу қойды

НҰР-СҰЛТАН, 4 шілде – Sputnik. Түркия шипажайларында демалыста жүрген Қазақстан азаматтары тез арада елге жеткізіледі, деп мәлімдеді азаматтық авиация комитетінің төрағасы Талғат Ластаев.

Карантин шаралары қатаңдатылғаннан кейін, ведомствоаралық комиссияның алдын-ала мақұлданған шешіміне сәйкес халықаралық рейстер орындалады.

Бүгінгі таңда халықаралық рейстер – Түркия мен Оңтүстік Корея бағытында жүзеге асырылады. Алайда, қазақстандықтардың Түркияға кіруі уақытша шектелді.

"Біз бүгіннен бастап Түркияда тұруға және жұмыс істеуге рұқсаты бар азаматтардан басқа, Қазақстан азаматтарының кіруіне шектеу қойылғандығы туралы ресми хабарлама алдық. Ал қалған азаматтарға кіру мүмкіндігі шектеулі", - деді Ластаев.

Қазақстан әуе компаниялары арқылы жүзеге асырылатын бұл рейстер Түркияға барған жолаушыларды елге жеткізеді.

"Әуекомпания тарапынан барлық міндеттемелер орындалатындықтан, осы күндері Түркияда жүрген жолаушылар түгел тасымалданады", - деп сендірді Ластаев.

Ол рейстердің Түркиядан бір бағытта және ең аз жүктемемен орындалуы авиакомпаниялар үшін ауыртпалық болатынын атап өтті.

"Билет сатып алған жолаушылардың шығындары талапқа сай толығымен қайтарылады немесе тоқтатылған рейстердің өтемақысы ретінде басқа да нұсқалар ұсынылатын болады", - деп толықтырды Ластаев.

Оқи отырыңыз: Карантиннің қиындығы: шекараның екі жағында қалып қойғандардың әңгімесі

Айта кетейік, қазіргі уақытта барлық рейстер бас санитар дәрігердің бұйрығына сәйкес қатаң түрде санитарлық қауіпсіздік шараларын сақтай отырып орындалуда.

0
Кілт сөздер:
Түркия, туристер
Тақырып:
Төтенше жағдай және карантин
Тақырып бойынша
Бұғы мүйізімен емдеу: Қатонқарағайдағы марал шаруашылығы қолдауға зәру
Мысырда туристер мінген әуе шары құлады
"Бізге сын": Тоқаев жаңа тапсырмалар берді
Қазақстандық туристер шетелде ұятқа қалды
Шетелдік туристер Мәскеу туралы не ойлайтынын айтты