Ер адам, архивтегі сурет

Еденде жатқан әйелі мен ауылдасын көрген ер адам жантүршігерлік қылмыс жасады

16183
(Жаңартылды 16:37 17.09.2019)
Сотталушы көрші ауылға кетіп бара жатқанда ұялы телефонына келіншегі хабарласып, жан ұшыра көмек сұрайды

НҰР-СҰЛТАН, 16 қыркүйек – Sputnik. Батыс Қазақтан облысының қылмыстық істер бойынша мамандандырылған ауданаралық сотында ауылдасының көзін ойып алған ер адамға қатысты сот үкімі шықты, деп хабарлайды "Мой город" порталы.

Жантүршігерлік оқиға Батыс Қазақтан облысы Жәнібек ауданы Тау ауылында болған.

Сот үкімі бойынша күдікті Қалиев ҚР қылмыстық кодексінің 106-бабына (Денсаулыққа қасақана ауыр зиян келтiру) сәйкес айыпты деп танылып, 6 жылға бас бостандығынан айыру жазасына кесілді. 36 жастағы ер адам жазасын қауіпсіздігі орташа деңгейдегі түзету мекемесінде өтейді.

Істің мәліметіне сәйкес, 27 сәуірде келіншек күйеуі Қалиевтің ұялы телефонына хабарласып, ауылдасы Нұралиннің үйге рұқсатсыз кіріп, өзін зорламақ болғанын айтады. Ол кезде күдікті көлігімен басқа ауылға кетіп бара жатыпты. Алайда әйелінің сөзін естіп, шұғыл үйіне қайтқан.

Тағы оқыңыз: Бизнесменнің бүкіл отбасын қырып салған: Алматыдағы адам шошырлық қылмыстың мән-жайы

Қалиев үйіне жеткен соң ас бөлмесінде еденде жатқан әйелін көреді, үстінде ауылдасы Нұралин отыр екен. Ашуға булыққан күдікті Нұралинді екі рет ұрып жығады. Сол сәтте келіншек орнынан тұрып, үйден қашып шыққан.

Нұралин де қашпақ болып еді, Қалиев оны ұстап соққының астына алады. Содан кейін пышақпен жәбірленушінің оң көзін ойып алады. Ол Нұралиннің сол көзі көрмейтінін білетін. Артынша сол көзін де ойып алып, ер адамды батареяға байлап қояды.

Осыдан кейін күдікті полиция мен фельдшерді өзі шақырған екен.

"Жәбірленуші алған жарақатынан оқиға орнында қаза болды", - деді судья сот отырысында.

Прокурор Қалиевті қылмыстық кодекстің 99-бабы (Адам өлтіру) бойынша соттауды сұраған, алайда судья 106-бабқа (Денсаулыққа қасақана ауыр зиян келтiру) ауыстырды.

Тағы оқыңыз: Әйелі бірнеше жыл отасқан күйеуінің сұмдық қылмысына куә болды

Тергеу барысында Қалиев кінәсін жартылай мойындап, әйелін қорғағысы келгенін айтқан.

Күдікті де, жәбірленуші де бұрын бірнеше рет сотталыпты. Әрі екеуі де мүгедек екен. Сондай-ақ оқиға болған кезде Қалиев сау, ал күдікті қатты мас болған көрінеді.

Сот үкімі заңды күшіне әлі енген жоқ.

16183
Кілт сөздер:
қылмыс, Батыс Қазақстан
Тақырып бойынша
"Адамдар айтуға қорқады": Қостанай облысының тұрғыны жантүршігерлік қылмыс жасады
Ер адам әйелі дүкенге кеткенде жантүршігерлік қылмыс жасады
Күйеуін өлтіріп, анасының қабіріне көмген: елордалық әйелдің адам шошырлық қылмысы
Атырауда жантүршігерлік қылмыс жасаған отбасының ісіне қатысты тың дерек шықты
Загрузка...