Степногорскідегі Абайдың ескерткіші көп жылдан бері халық арасында дау тудырып келеді

Абай ма, әлде Ленин бе? - Ақмола облысындағы атышулы ескерткіштің тарихы

838
Степногорск қаласындағы мектептердің бірінде орнатылған ескерткішке қатысты дау көп жылдан бері толастар емес. Жұртты мазалап жүрген сұрақ - ескерткіш Абай Құнанбаевқа қойылған ба, әлде Ленинге ме?

КӨКШЕТАУ, 23 қыркүйек – Sputnik. Мектеп басшылығы осы атышулы ескерткішке қатысты түсініктеме берді, деп хабарлайды Sputnik Қазақстан тілшісі.

"Тақиялы Ленин" бе?

№6 мектеп-гимназияның ауласында тұрған ескерткіштің мәселесі талай рет талқыға салынған болатын. Өткен жылы әлеуметтік желілерде видеоролик тарап кеткен еді. Оның авторы мектеп аумағындағы бюсттің Абайға емес, Ленинге тиесілі екенін айтады.

"Бұл жерде бұрын Лениннің ескерткіші тұрған. Енді, қараңыз, Лениннің басына тақия кигізіп, Абай Құнанбаев деп қоя салған. Не деген масқара мынау?! Ұят емес пе?", - дейді видеоның авторы.

Атышулы ескерткіштің тарихы

Мектеп директоры Анар Айтжанованың айтуынша, мектептің құрылысы сонау 1977 жылы аяқталған болатын. Ал төрт жылдан кейін оған дана ойшыл, ақын Абай Құнанбаевтың есімі берілді.

"1985 жылы күзде Алматы қаласының атқару комитеті Абай Құнанбаевтың ескерткішін жасап, біздің мектебімізге сыйға тартқан болатын. Одан кейін жергілікті зауыт бюсттың астына тұғыр жасап берді. Сөйтіп, 1985 жылы 1 қыркүйекте оның ресми ашылу салтанатты өтті", - деді Айтжанова Sputnik Қазақстан тілшісіне берген сұхбатында.

Оның сөзіне қарағанда, өзі мектепте жұмыс істеген 25 жыл ішінде ескерткішке қатысты мәселе екі рет көтерілген. Тіпті, былтыр бір топ белсенді әлеуметтік желіде сауалнама ұйымдастырыпты.

"Біз әлемдегі Абайдың ескерткіштерін зерделей бастадық. Мәселен, Венгрияда тура осындай ескерткіш бар. Бұл – автордың көзқарасы. Ол Абайды солай бейнелеген. Өкінішке қарай, бізде сол авторға қатысты құжаттар сақталмаған", - деп атап көрсетті Айтжанова.

Сараптама жасалды

Қалалық мәслихаттың депутаты Олжас Жағыпаров та Абай мен Лениннің ұқсастығын көріп тұрған жоқ. Оның сөзіне қарағанда, былтыр осы ескерткішке сараптама жасалды.

"Өткен жылы қалалық әкімдік бір сәулетшінің қызметіне жүгінген. Оның сараптамасы бойынша бюст тұтастай құйылған. Оның басына тақияны кигізген жоқ", - дейді Жағыпаров.

Ал әкімдіктің ресми сайтында көрсетілген мәліметке сәйкес, №6 мектеп-гимназиясы 1977 жылы 31 тамызда ашылған. ҚазССР халықтық білім беру министрлігінің шешіміне сәйкес, мектепке Абай Құнанбаевтың есімі берілді. Екі жылдан кейін ақынның бюсты құйылды. Ал 1979 жылы Степногорск қаласына жеткізіліп, мектептің бас кіреберісі алдында орнатылған. Бас кезінде бюсттың тұғыры төмен болып, ескерткіштің көркін бұзып тұрады. Артынан оны жергілікті зауыт ауыстырып берген.

Тағы оқыңыз: Ұлы Абайдың ұрпағы елордада қалай тұрып жатқанын айтты

838
Кілт сөздер:
Абай Құнанбайұлы
Тақырып:
Абайдың 175 жылдығы (57)
Тақырып бойынша
Абай жазған заң: Ғалымдар "Қарамола жарғысының" түпнұсқасын тапты
Абай ауылында жігітті үш жыл бойы зорлап келген экс-полицей ұсталды
Абай өлеңін оқып тұрып, шаш қиған Алматы тұрғыны танымал болып шыға келді
"Қазақтанып барасыңдар деп күлді": Абай тілін меңгерген мәскеулік арулардың әңгімесі
Назарбаевтың кенже қызы Абай атындағы мектепке сый жасады – фото
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

45
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

45
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті
Архивтегі фото

Жамбыл облысында есірткі тасымалдаған қылмыстық топ сотталды

55
Күдіктілерді тінту шаралары барысында жалпы салмағы 100 килограмм марихуана есірткі заты табылған болатын

НҰР-СҰЛТАН, 30 қыркүйек – Sputnik. Қырғызстаннан Қазақстанға есірткі тасымалдаумен айналысқан қылмыстық топтың тоғыз мүшесі сотталды, деп хабарлады Polisia.kz.

Сотталушыларға 10 жылдан 17 жылға дейін бас бостандығынан айыру жазасы кесілді.

Еске сала кетейік, 2019 жылдың қаңтар айында Жамбыл облысында полиция департаменті криминалдық полиция басқармасының қызметкерлері өңірдегі Ұлттық қауіпсіздік комитетімен бірлесіп, Қырғызстаннан Қазақстанға аса ірі көлемде "марихуана" есірткі затын тасымалдаумен айналысқан адамдарды әшкерелеп, ұстаған болатын.

Оқи отырыңыз: Түркістан облысында өзге өңірдің екі тұрғыны 700 келі есірткімен ұсталды 

Облыстық полиция департаменті бастығының орынбасары Нұржан Қалметовтың айтуынша, тінту шаралары барысында ұсталғандардан жалпы салмағы 100 килограмм марихуана есірткі заты табылған.

"Алдын ала тергеу нәтижесінде топ басшылары мен мүшелері шекарада марихуана сатып алып отырғандығы анықталды, оны сату үшін Нұр-Сұлтан қаласына жіберіп отырған", - дейді Қалметов.

Жыл басынан бері облыс бойынша есірткімен байланысты 508 қылмыс тіркелген. Заңсыз айналымнан 2,5 тоннадан астам түрлі есірткі заттары, оның ішінде 1,5 келі героин, 55 келі гашиш және 2,5 келіден астам синтетикалық есірткі заттары тәркіленді.    

55
Кілт сөздер:
қылмыстық топ, есірткі, Жамбыл облысы
Тақырып бойынша
Қызылордада полицейлер есірткі диллерлерін тікұшақпен қуып жүріп ұстады – видео
Ұлттық қауіпсіздік комитеті Нұр-Сұлтанда арнайы операция өткізді  
Байқоңырда көпбалалы ана сотталды
Шетелде өмір бойына сотталған тағы бір қазақстандық туралы ақпарат шықты  
Сынама, коронавирус

Өткен тәулікте қай өңірде коронавирус жұқтырғандар көп анықталды

9
(Жаңартылды 09:10 01.10.2020)
Дертке шалдыққандар Шығыс Қазақстанда көп анықталды. Алайда соңғы күндермен салыстырғанда аз екені айтылып отыр

НҰР-СҰЛТАН, 1 қазан - Sputnik. Қазақстанда өткен тәулікте 71 адамда коронавирус індеті ПТР арқылы расталды.

Дертке шалдыққандар Шығыс Қазақстанда көп анықталды. Алайда соңғы күндермен салыстырғанда аз екені айтылды.

Аймақтар бойынша:

  • Нұр-Сұлтан қаласы - 10
  • Алматы қаласы - 4
  • Ақтөбе облысы - 3
  • Алматы облысы - 3
  • Атырау облысы - 7
  • Шығыс Қазақстан облысы - 16
  • Батыс Қазақстан облысы - 3
  • Қарағанды облысы - 6
  • Қостанай облысы - 2
  • Павлодар облысы - 7
  • Солтүстік Қазақстан облысы - 6
  • Түркістан облысы - 4.

Жалпы ел бойынша ауырғандар саны 107 979.

9
Тақырып:
Коронавирус эпидемиясы
Тақырып бойынша
Коронавирусты қайта жұқтырып жатыр: ДДҰ түсініктеме берді
Коронавирусты емдейтін алғашқы дәрі жасалды
Ғалымдар коронавирусты емдейтін жаңа қондырғы ойлап тапты
Нұр-Сұлтанда мектепке барып жүрген оқушыдан коронавирус табылды
Қыркүйектің басынан бері 104 оқушы коронавирус жұқтырды – Цой