Полицей

Тұрғымбаев Ақмола облысының полиция басшысын қызметінен шеттетті

270
(Жаңартылды 15:27 08.10.2019)
Облыстық полиция департаментінің басшысы өзіне бағынышты қызметкерлердің жемқорлық дауына ілігуіне байланысты қызметінен босату туралы рапорт жазды   

НҰР-СҰЛТАН, 8 қазан — Sputnik. Қазақстан ішкі істер министрі Ерлан Тұрғымбаев Ақмола облысы бойынша полиция департаментінің басшысын қызметінен шеттетті, деп хабарлайды ведомствоның баспасөз қызметі.

Ішкі істер министрлігі бұл жағдайдың тергеумен байланысты екенін мәлімдеді.

"Департамент басшысының орынбасары Асан Сәдуов пен қаржылық қамтамасыз ету басқармасының бастығы Сәуле Жұмалина сыбайлас жемқорлық жасады деген күдікке ілініп, сотқа дейінгі тергеу жұмыстарының жүргізілуіне байланысты полиция департаментінің басшысы, генерал-майор Берік Біләлов атқарып отырған лауазымынан босату туралы рапорт берді", - делінген хабарламада. 

Министрдің бұйрығымен Ақмола облысы бойынша полиция департаменті басшысы міндетін атқарушы болып криминалды полиция департаментін басқаратын полиция генерал-майоры, Арманбек Баймурзин тағайындалды.

Тағы оқыңыз: Министр желіні шулатқан жергілікті полиция бастығын жұмысынан босатты

Өңірде жоғары шенді полиция басшыларының ұсталғаны жөнінде ақпарат осы жылдың 4 қазанында тараған. Олар сеніп тапсырылған мүлікті иемденді немесе талан-таражға салды деген күдікке ілінген. Кейін екі полиция полковнигі қамауға алынды. Ведомство өкілдері Ақмола облысы бойынша полиция департаментінің орынбасары ішкі істер органдарынан шығарылғанын атап өтті. Бүгінде тәртіп сақшылары оқиғаның мән-жайын анықтап жатыр.

270
Кілт сөздер:
полиция, Ерлан Тұрғымбаев
Тақырып бойынша
Ат мініп, желіні шулатқан: министрлік Аян Дүйсенбаевты қызметінен босатуды сұрады
"Мы братва, банда" Атышулы видеоны таратқан полицей қайта жұмысқа тұра ала ма?
Көшеде үлкен дәретке отырған полицейді видеоға түсірген әріптесі де жұмыстан қуылды
Жаңа жылмен құттықтаймын деп басы бәлеге қалған полицей жұмыстан қуылды
"Кешірші, інім" Видеоны өшірші деп жалынған инспектор жұмыстан қуылды   
Тұрғымбаев желіні шулатқан орынбасары туралы сұраққа жауап берді
Архивтегі фото

Қазақстанда қар жауды видео

1317
Шығыс Қазақстандағы Риддер қаласының маңындағы тауларды күртік қар басты – куәгерлер қысқы кадрларды жариялап жатыр

НҰР-СҰЛТАН, 26 қыркүйек – Sputnik. Шығыс Қазақстанның таулы аймақтарында боран соқты, деп хабарлады YK-news.kz порталы.

Жергілікті тұрғын Риддер қаласының маңындағы тауларда жауған қар мен боранды видеоға түсіріп, әлеуметтік желіде жариялады.

Риддер тауларына осы күздегі алғашқы қар 9 қыркүйекте түсті.

Сондай-ақ, куәгерлердің әлеуметтік желілердегі мәліметінше, 25 қыркүйекте Күршім ауданына да "қыс келген".

Оқи отырыңыз: Үсік жүреді – қыркүйекте ауа райы қандай болады 

Риддерде сенбіде қар аралас жаңбыр жауады, ауа температурасы төмен, бірақ нөлден жоғары болады, деп хабарлады Gismeteo. Облыс орталығы – Өскеменде жаңбыр жауады.

1317
Кілт сөздер:
видео, қар, Шығыс Қазақстан
Тақырып бойынша
Қазақстанда үсік жүреді: алдағы үш күнге ауа райы болжамы шықты
Иллюстративті фото

Өскемендік оқушы халықаралық олимпиадада күміс медаль алды

54
IOI 2020 нәтижесі бойынша "Білім-инновация" мамандандырылған лицейінің түлегі Темірлан Байболов екінші орынды иеленді

АЛМАТЫ, 25 қыркүйек – Sputnik. Өскемендік оқушы информатикадан халықаралық олимпиадада күміс медаль жеңіп алды, деп хабарлады білім және ғылым министрлігі.

"Қазақстанның құрама командасы информатикадан халықаралық олимпиадаға (International Olympiad in Informatics – IOI 2020) қатысты. IOI 2020 нәтижесі бойынша Өскемен қаласы "Білім-инновация" мамандандырылған лицейінің түлегі Темірлан Байболов күміс медаль жеңіп алды", - делінген хабарламада.

Ресми ақпаратқа сәйкес, биыл жарысқа 80-нен астам елдің оқушысы қатысты. Қазақстандық команданың құрамына информатика пәнінен республикалық олимпиада және іріктеу турының нәтижелері бойынша жеңімпаз атанған 4 оқушы кірді.

Оқи отырыңыз: Көзі көрмейтін қазақ баласы халықаралық олимпиадада суперчемпион атанды 

Айта кетейік, информатика бойынша халықаралық дода аясындағы интеллектуалды біріншілікте бүкіл әлемнің жас бағдарламашылары жиналады.

Олимпиада әлемде ақпараттық технологиялар саласында жақсы көрсеткіштерге қол жеткізген дарынды оқушыларды анықтау және қолдау мақсатында ұйымдастырылған.

54
Кілт сөздер:
күміс жүлде, олимпиада, Өскемен
Тақырып бойынша
"Көзіме жас алдым": үздік атанған ұстаздардың әңгімесі
Алматылық оқушы Қытайда өткен олимпиадада "алтын" олжалады
Атырауда олимпиададан келе жатқан оқушылар апатқа ұшырады – видео
Ақорда ғимараты

Президент ұлттық қоғамдық сенім кеңесінің мүшелерімен кездесу өткізді

0
Ақордадағы кездесуде демографиялық саясат, балалар әдебиетін дамыту мәселелері талқыланып, жергілікті өзін-өзі басқару ісін одан әрі дамыту, мемлекеттік стратегиялық жоспарлау жүйесін жақсарту жөніндегі ұсыныстар қарастырылды

НҰР-СҰЛТАН, 26 қыркүйек – Sputnik. Алматыда мемлекет басшысы Қасым-Жомарт Тоқаев президент жанындағы ұлттық қоғамдық сенім кеңесінің мүшелері Қайрат Жолдыбайұлымен және Андрей Чеботаревпен кездесу өткізді, деп хабарлады Ақорда.

Қоғам қайраткері Қайрат Жолдыбайұлымен кездесуде демографиялық саясат, өскелең ұрпақтың рухани-адамгершілік тәрбиесі және еліміздегі балалар әдебиетін дамыту мәселелері талқыланды.

Оқи отырыңыз: Коронавирустың екінші толқынына дайын болайық – Тоқаев  

"Альтернатива" өзекті зерттеулер орталығының директоры Андрей Чеботарев президенттің Қазақстан халқына арнаған жолдауында айтылған бастамаларына қолдау білдірді. Атап айтқанда ауыл әкімдерінің тікелей сайлауын өткізудің маңыздылығы еліміздің саяси трансформация үдерісіндегі тағы бір оң қадам екенін айтты. Сонымен қатар кездесуде жергілікті өзін-өзі басқару ісін одан әрі дамыту, мемлекеттік стратегиялық жоспарлау жүйесін жақсарту, мүлік меншіктерінің бірлестігін құру және оның қызметі жөніндегі ұсыныстар қарастырылды.

0
Кілт сөздер:
президент, Қасым-Жомарт Тоқаев
Тақырып бойынша
Сарапшылар ауыл әкімін сайлау кезінде қандай қиындықтар болуы мүмкін екенін айтты
Тоқаев жарлыққа қол қойды
Қазақстан ресми түрде өлім жазасынан бас тартты
Тоқаев жұмыс сапарымен Алматыға барды
Тоқаев Алматыда автокөліктің капотына не жазды