Смартфон, архивтегі фото

"Тапсырма жоғарыдан берілді": Өз ісіне өкінген әкім орынбасары шындықты жайып салды  

8017
Шенеунік Қостанайдың 140 жылдығына дайындық жұмыстарына ақша жинаумен айналысқан. Қаржылай көмек сұрай берген соң, кейбір кәсіпкерлер шағым түсірген

НҰР-СҰЛТАН, 16 қазан – Sputnik. Қостанай облысында әдеп жөніндегі кеңесте Әулиекөл ауданы әкімінің орынбасары Дидар Тілеубаевқа қатысты тәртіптік іс қаралды.

Басшы қордың жұмысына араласып, ақша жинаумен айналысқан. Даудың басы Қостанай қаласының 140 жылдығына дайындық жұмыстарын жүргізуден басталған, деп хабарлайды alau.kz.

Сыбайлас жемқорлыққа қарсы қызметтің тергеушісінің айтуынша, енді ғана құрылған "Сүйікті Қостанай" қоғамдық қоры өңірдегі кәсіпкерлерге хат жіберіп, Қостанай қаласын абаттандыруға демеуші болуды сұраған.

Тағы оқыңыз: Қазақстанда ірі шенеунік 1,9 миллион теңге парамен ұсталды – видео 

"Қызметтік өкілеттігін өрескел бұза отырып, Әулиекөл ауданының әкімі Қисықовтың тапсырмасымен аудандағы 16 ауыл шаруашылығы өнімдерін өндірушінің тізімін жасаған. Онда жалпы көлемі 30 миллион теңге жинау үшін әрбір шаруашылық қанша қаржы өткізетіні көрсетілген. 2019 жылдың маусымында олар хатқа қол қойып, шаруа қожалықтарынан қаржылық қолдау көрсетуді сұраған. Кәсіпкерлер ақшаны қорға аударуы қажет болған", - дейді Сыбайлас жемқорлыққа қарсы іс-қимыл агенттігі Қостанай облысы бойынша департаментінің тергеушісі Қайрат Жүсіпов.

Сондай-ақ ол бұл хаттар барлық ауыл шаруашылығы тауарларын өндірушінің қолына берілгенін атап өтті. Тіпті, аудан әкімінің орынбасарлары қайта-қайта хабарласып, қаржылық көмек сұрай берген соң, кейбір кәсіпкерлер шағым түсіре бастаған.

Әдеп кеңесінде Дидар Тілеубаев өз қателігін мойындап, қордың мүддесін қорғауға құқы жоқ екенін жеткізді. Алайда шенеунік бұл тапсырманың жоғарыдан келгенін ашық айтты.

"Тапсырма ауызша берілді. Мен басшыға оның бұл тапсырмасы заңсыз екенін айтуым керек еді. Онымен келісемін. Дегенмен Қостанай қаласының 140 жылдығын атап өтуге көмектесуді әлеуметтік жауапкершілік деп түсініп қалдым", - деді Әулиекөл ауданы әкімінің орынбасары.

Кеңес өкілдері Тілеубаевқа қатаң сөгіс беру немесе қызметінен алу мәселесін ұзақ талқыға салды. Олар Дидар Тілеубаевқа жақсы мінездеме берілгенін, бұрын жауапқа тартылмағанын ескере отырып, оны қызметінен төмендету туралы ұсыныс енгізді.

8017
Кілт сөздер:
Қостанай, әкім орынбасары
Тақырып бойынша
"Намыс қайда?!". Мәжіліске келіп орысша сөйлеген шенеуніктер депутаттың ашуына тиді
Тұрғындарды балағаттап, қол жұмсаған әкім жауапқа тартылды
Компьютерлік клуб, архивтегі сурет

Қарағандыда қызмет көрсеткен клубта 70-ке жуық адам болған

45
(Жаңартылды 22:30 11.07.2020)
Клуб иелеріне шамамен 640 мың теңге шамасында айыппұл салынып, ал келушілер ешқандай жауапкершілікке тартылмайды

НҰР-СҰЛТАН, 11 шілде – Sputnik. Арнайы мониторингтік топ мүшелері Қарағандыда карантин кезінде жұмыс істеген компьютерлік клуб пен караокені анықтады.

"Мекеме есігі тапсырыс берушілер үшін ашық болған. Карантин кезінде бұл компьютерлік клуб пен караокенің жұмыс істеуіне тыйым салынған. Соған қарамай ол жерде 70-ке жуық адам жүрді. Араларында кәмелетке толмаған балалар да бар", - делінген Қарағанды ​​облысы әкімдігінің баспасөз қызметі таратқан хабарламада.

Ендігі жерде клуб иелеріне шамамен 640 мың теңге шамасында айыппұл салынады. Ал келушілер ешқандай жауапкершілікке тартылмайды.

Айта кетейік, мемлекеттік комиссия шешімімен Қазақстанда екі апталық карантин енгізілді.

Жабық жағдайдаға сауда және ойын-сауық орталықтары мен сұлулық салондарының қызметіне тыйым салынды.

Оқи отырыңыз: Карантин кезінде отшашу жасау заңды ма – ішкі істер министрлігі жауап берді

Ал азық-түлік дүкендері мен базарлардың жұмыс уақыты шектелді. Сонымен қатар, қоғамдық көліктердің де жүру кестесі қысқартылды.

45
Кілт сөздер:
карантин, Қарағанды
Тақырып:
Төтенше жағдай және карантин
Тақырып бойынша
Сағынтаев жаңа карантин кезінде Алматыда қанша адамның жұмыссыз қалғанын айтты
Өзбекстанда үш апталық қатаң карантин енгізіледі
Алматыда қандай аудан тұрғындары карантин режимін жиі бұзады
Локдаун режимі: демалыс күндері тағы қандай облыста карантин күшейтіледі?
5 шілдеден карантин басталады: ішкі істер министрі ескерту жасады
Әйел сұлбасы, архивтегі сурет

Ақтауда екі ер адам әйелді кепілге алды

963
(Жаңартылды 16:03 11.07.2020)
Қазіргі кезде қаскөйлер полиция бөліміне жеткізіліп, оқиғаға байланысты сотқа дейінгі тергеу амалдары жүргізілуде

НҰР-СҰЛТАН, 11 шілде – Sputnik. Ақтауда жалдамалы пәтердің бірінде күштеп кепілге алынған әйел босатылды, деп хабарлайды Маңғыстау облыстық полиция департаментінің баспасөз қызметіне сілтеме жасаған lada.kz.

Оқиға бүгін, 11 шілде күні болған.

Сағат 03:00-де полиция бөліміне түнгі тыныштықтың бұзылғаны туралы хабарлама түскен.

Куәгерлер оқиға 6 шағын аудандағы 40-үйде болғанын мәлімдеген.

Тексеру барысында белгісіз екі ер адам мас күйде әйелді жалдамалы пәтерде күштеп ұстап отырғаны белгілі болды.

"Күдіктілер әйелге физикалық күш қолдану арқылы қорқытып ұстаған. Полицейлер келіссөзінен кейін ол кепілден босатылды. Ал қаскөйлер қалалық полиция бөліміне жеткізілді", – делінген хабарламада.

Қазіргі кезде осы оқиға бойынша сотқа дейінгі тергеу амалдары жүргізілуде.

Оқи отырыңыз: Павлодардағы төбелес: полицей кепіл төлегенше қамауда болады

963
Кілт сөздер:
адам құқығы, кепіл
Тақырып бойынша
Маңғыстауда әйел туған баласын беріп, кредитін жаппақ болды
Ер адамнан кейін әйел секірді: желіде Нұр-Сұлтанда болған оқиғаның видеосы тарады
Нұр-Сұлтанда әйел мас күйде көлік айдап, үш қызды қағып кетті – фото
Жолаушы Ақтөбе-Ақтау пойызында босанды
Атырау облысында бес әйел коронавирустан қайтыс болды