Жарылыстан кейінгі Арыстағы үйлер

Шөкеев Арыс тұрғындары туралы: жағдайды пайдаланып қалғысы келгендер табылды

131
(Жаңартылды 16:11 23.10.2019)
Түркістан облысының әкімі Арыс қаласының кейбір тұрғындары жағдайды пайдаланып, үйлерін әдейі қиратқанын айтты. Осылайша, олар әкімдіктен жаңа үй салып беруді талап еткен

НҰР-СҰЛТАН, 23 қазан – Sputnik. Түркістан облысының әкімі Өмірзақ Шөкеев Арыс қаласының кейбір тұрғындары өз үйлерін әдейі қиратқанын айтты, деп хабарлайды Sputnik Қазақстан тілшісі.

"Әртүрлі адамдар болды. Тіпті, жағдайды пайдаланып қалғысы келгендер табылды. Үйі басқаларымен салыстырғанда көп зардап шеккен сияқты көркеткісі келгендер болды. Бірақ үйді жөндеу туралы шешімді әкім де, министр де шығарған жоқ. Оны арнайы институт шығарды. Кейбір тұрғындар белсенді түрде дауласып, сотқа берді. Кейбірі үйлерін бұзбақшы болған", - деді Өмірзақ Шөкеев.

Облыс әкімі даулы мәселерді шешу үшін арнайы комиссия құрылғанын атап өтті. Олар үйлерге барып, тексеріс жүргізген. Осылайша, комиссия өкілдері үйді бұзу немесе қайта жөндеу туралы шешім шығарған.

Тағы оқыңыз: Арыстағы жарылыс: желіні шулатқан фотоға ТЖК түсініктеме берді

Сөз соңында Өмірзақ Шөкеев Арыс қаласындағы жағдай тұрақты екенін, жөндеу жұмысы жоспарға сай жүріп жатқанын атап өтті.

Арыста болған жарылыс

Айта кетейік, 24 маусым күні таңғы сағат 10 кезінде Түркістан облысы Арыс қаласындағы әскери бөлімнің оқ-дәрі қоймасында жойқын жарылыс болды. Қала тұрғындары Шымкент пен көршілес аудандарға шұғыл көшірілді.

Төтенше жағдай салдарынан төрт адам қаза тапты: екі әскери қызметкер, бір жергілікті тұрғын және бір бала.

Жарылыстан зардап шеккен бала санавиациямен Нұр-Сұлтан қаласына жеткізілді. Кейін ауруханада көз жұмды.

131
Кілт сөздер:
сот, әкімдік, тұрғындар, Өмірзақ Шөкеев
Тақырып:
Арыстағы жарылыс (86)
Тақырып бойынша
Назарбаев Шымкенттегі жұртты шулатқан оқиға жайлы: Бір нәрседен қорқамыз ба?
"70 бала сыйып кетті": Арыс қаһармандары жарылыс кезінде не істегендерін айтты
Арыстағы жарылыс: қала тұрғынының шкафтағы 2 миллиондай ақшасы жоғалды
"Басын қатерге тігіп жатыр": қорғаныс министрі қазақстандықтарға үндеу жасады
Соңғы 10 жылда Арыста қанша жойқын жарылыс болды – хронология
Загрузка...