НҰР-СҰЛТАН, 1 қараша — Sputnik. Қарашаның алғашқы күні ел аумағында ауа райы құбылмалы болады. Жаңбыр мен қар жауады, деп хабарлады "Қазгидромет".
Сондай-ақ, жел күшейіп, тұман түседі деп күтіліп отыр. Солтүстік пен солтүтсік-батыста көктайғақ болуы мүмкін. Солтүстікте бұрқасын болады, оңтүстікте найзағай ойнайды.
Ірі қалалардағы ауа райы
Жұма күні астанада күн суытады: күндіз +9, түнде 0 градус болады. Күндіз жаңбыр жаууы мүмкін.
Алматыда күн ашық, жауын-шашынсыз. Күндіз +16, түнде +12.
Бүгін Шымкенте күн жылы, бірақ жауын-шашынды болады. +16, +11 градус.
Өңірлерге арналған ауа райы болжамы
Солтүстік Қазақстан, Ақмола, Қостанай өңірлерінде жел 15-20 м/с-ке дейін күшейеді. Күндіз Солтүстік Қазақстан, Ақмола облыстарында желдің жылдамдығы секундына 23-28 метрге жетеді. Тұман, көктайғақ, бұрқасын болады.
Павлодар облысында таңертең және күндіз жел секундына 15-20 метр, кей жерлерде 25 м/с.
Шығыс Қазақстан, Қарағанды, түнде Ақтөбе облыстарында желдің жылдамдығы - 15-20 м/с, Қарағанды облысында тұман болады.
Түркістан облысында найзағай ойнап, желдің жылдамдығы 15-20 м/с болады.
Батыс Қазақстан және Жамбыл облыстарында тұман түседі.
