Н.Н. Блохин атындағы ғылыми-зерттеу институты

Дәрігерді шақырдым, ал ұлым қолымда өліп бара жатты уланған қос сәбидің анасы

770
Шымкентте уланып өлген балалардың әке-шешесі болған жағдайды айтып берді. Олар «егер дәрігерлер дер кезінде көмек көрсеткенде жағдай басқаша болар еді» дейді

НҰР-СҰЛТАН, 7 қараша– Sputnik. Шымкентте қара жамылған отбасы бастан кешкен жағдайын айтып берді.

«Егер дер кезінде көмек көрсетілгенде жағдай басқаша болар еді» дейді ерлі-зайыптылар. Бұл туралы КТК телеарнасы хабарлады.

Еске салсақ, Шымкентте төрт жасар және он айлық ұлдар тамақтан уланып қайтыс болды. Осындай белгілермен сәбилердің анасы мен оның он бір жастағы сіңлісі де ауруханаға түскен.

Тағы оқыңыз: Шымкентте бір отбасының екі баласы уланып көз жұмды

Көз жұмған балалардың анасы Арайлым Ботаева жедел жәрдем қызметін бірінші рет таңғы сағат төртке таман шақырғанын айтты. Дәрігер қызды ғана қарап, белсендіріліген көмір мен көбірек сұйықтық беруге кеңес берген.

Медицина қызметкерлері тек бір қыз туралы хабарланғанын алға тартып, анасы мен қызын ауруханаға жатқызуды ұсыныпты. Келіншек емханаға барудан бас тартқан, өйткені қалған науқас балаларды қалдырып кете алмаған.

"Менің он айлық ұлым түсі жаман, қарақошқыл запыран құсты. Дәрігер бұны өз көзімен көрді. Бірақ, ауруханаға жатудан бас тартқанымыздан кейін кетіп қалды", - дейді Арайлым Ботаева.

Жедел жәрдем екінші рет таңғы сағат тоғызда келеді. Анасы мен сәбилерін жұқпалы аурулар ауруханасына алып кетеді. Әйелдің айтуынша, ол жерде әр маман бір-біріне сілтеп, ештеңе істемейді.

Телеарнаның хабарлауынша, ата-ана дәрігерлердің көмегін шамамен 20 минут күткен, осы уақытта төрт жасар бала қайтыс боп кеткен.

Тағы оқыңыз: Әкесі дүкеннен тұшпара сатып алған: Шымкенттегі трагедияның мән-жайы

Осыдан кейін келіншекті, 11 жастағы сіңлісі мен он айлық ұлын гипербариялық оттектеу орталығына ауыстырады. Ол жерде әйел мен сәбиді барокамераға орналастырады.

Бірнеше минуттан кейін баланың анасы оның жиі ауыр тыныстап, жылағанын байқайды. Ол бұл жайлы дәрігерге бірнеше рет айтады.

"Ұлыма ауа жетпегені соншалық ол бозарып кетті. Мен барокамераны қағып, көмекке шақырдым. Ал сәбиім қолымда мұздай боп өліп бара жатты. Анау барокамераны ашам дегенше екі минуттай өтті", - деп бөлісті Арайлым Ботаева.

Қайғыдан қан жұтқан ата-ана қос баласын жерледі. Үлкен қыз қазір ауруханада жатыр, оның өміріне еш қауіп жоқ.

Бұған дейін отбасы дүкеннен сатып алынған тұшпарадан уланды деген болжам айтылды. Ұлдардың өлімі бойынша сотқа дейінгі тергеу басталды, тиісті сараптамалар өткізіліп жатыр.

770
Кілт сөздер:
улану, сәби, Шымкент
Тақырып бойынша
Нұр-Сұлтанда кәріз құдығындағы метаннан уланған төрт жұмысшы көз жұмды   
Қарағандыда Өзбекстанның он алты азаматы уланып қалды  
Үйлену тойында қонақтар жаппай уланды – қылмыстық іс қозғалды
Павлодар облысында бірнеше бала уланып қалды
Балауыз шам

Көкшетауда танымал кәсіпкердің қазасына орай ас берген мейрамханаға айыппұл салынды

1069
Мейрамхана маңында көліктердің көптеп жиналуы қадағалаушы орган өкілдерінің назарын аударғандықтан арнайы рейд ұйымдастырылған

НҰР-СҰЛТАН, 28 қыркүйек – Sputnik. Көкшетауда белгілі кәсіпкер, жанармай құю станциялары желісінің иесі, 60 жастағы Владимир Свидерский жерленді. Мониторингтік топ танымал кәсіпкердің қазасына орай ас берген мейрамханаға бұқаралық іс-шаралар өткізуге тыйым салуды бұзғаны үшін айыппұл салды, деп хабарлайды Sputnik Қазақстан.

Қаладағы "Аристократ" мейрамханасында кәсіпкерге арналған ас берілген. Мейрамхана маңында көліктердің көптеп жиналуы қадағалаушы орган өкілдерінің назарын аударған. Санитарлық ережелердің бұзылғанын тауарлар мен қызметтердің сапасын және қауіпсіздігін қадағалау басқармасының мамандары арнайы рейд барысында анықтаған.

"Полиция бөлімінің қызметкерлері "Аристократ" мейрамханасында ас беру шарасы ұйымдастырғанын анықтады. Мұндай басқосу өткізу Ақмола облысының мемлекеттік бас санитар дәрігерінің 30 тамыздағы N109 бұйрығына қайшы келеді", – деді Ақмола облысының бас санитар дәрігері Айнагүл Мусина.

Бұл жерде әңгіме ауаны бұқаралық іс-шараларға тыйым салу және әлеуметтік арақашықтықтың сақталуы туралы болып отыр.

"Сондықтан да анықталған заңбұзушылықтар бойынша әкімшілік шаралар қолданылады", – деп толықтырды Мусина.

Кәсіпкер Нұр-Сұлтанға барар жолда көз жұмды

Айта кетейік, бұан дейін көкшетаулық белгілі кәсіпкер Владимир Свидерскийдің жол апанынан көз жұмғанын хабарлаған болатынбыз. Жол апаты Нұр-Сұлтан – Петропавл тас жолының 285-ші шақырымында болды. 1960 жылы туған Владимир Свидерскийдің Range Rover көлігімен бес адам Көкшетау қаласынан елордаға жол тартқан.

716 порталының хабарлауынша, апат салдарынан Свидерский мен 55 жастағы жолаушы Олег Анисимов сол жерде қайтыс болған. Тағы бір жолаушы – 1963 жылы туған Валерий Бевзовой ауруханада жан тапсырды.

"Екі жолаушы түрлі жарақатпен Көкшетаудағы көпсалалы облыстық ауруханаға жеткізілді", – делінген хабарламада.

Оқи отырыңыз: Нұр-Сұлтанда түнгі клуб әкімшісі қамауға алынды

1069
Кілт сөздер:
айыппұл, шектеу, жол апаты
Тақырып бойынша
Маңғыстауда туған күнін тойлаған шенеунік айыппұл төледі
Бекшин көп реттік маскаға айыппұл салу жайлы сұраққа жауап берді
Алматы тұрғындарына бір аптада 16 миллион теңге айыппұл салынды
Жүздеген адам білім министрімен фотоға түскен – санитарлар айыппұл салды
Құдалық пен қыз ұзату тойын өткізген алматылықтарға ірі көлемде айыппұл салынды
Қазақстанда тағы бір адам қаржы пирамидасына қатысты күдікпен қамауға алынды
Құлсарыдағы балабақша

Атырау облысында 2 миллиард теңгеге екі жыл бұрын салынған қос балабақша жабылды

76
Әкім орынбасарының айтуынша, құжаттар өзгертілгеннен кейін ғана нысандардағы кемшіліктерді түзетуді кім қолға алатыны белгілі болады

НҰР-СҰЛТАН, 28 қыркүйек – Sputnik. Атырау облысының Құлсары қаласында екі жаңа балабақша жабылды. Мектепке дейінгі бұл мекемелер екі жыл бұрын ғана пайдалануға берілген болатын.

Әрқайсысы 290 балаға арналған қос балабақшаның құрылысына 2 миллиард теңгеден астам қаражат жұмсалған.

"Қазіргі кезде едендері бүлініп, қабырғалары үгітілген балабақшалар жабылды", – деп хабарлайды Хабар 24.

Қала әкімдігінің өкілдері бар мәселе балабақшаларды жобалау кезінде жіберілген қателік екенін айтады. Ал кінәлілер арнайы тексеріс пен сараптамадан кейін анықталады.

Ендігі жерде бұл жердегі балалардың барлығына басқа балабақшаға баруына тура келеді.

"Жобалық-сметалық құжаттаманы әзірлеу кезінде қателік жіберілген. Сондықтан да құжаттама өзгертіліп, содан кейін ғана нысандардағы кемшіліктерді түзетуді кім қолға алатыны белгілі болады", – дейді Құлсары қаласы әкімінің орынбасары Арай Нұрмаханова.

Айта кетейік, мектепке дейінгі қос мекеме де мұнай компаниясының қолдауымен салынған екен.

Оқи отырыңыз: Министр жекеменшік балабақша тәрбиешілерінің жалақысы қалай өсетінін түсіндірді

76
Кілт сөздер:
Атырау облысы, балабақша
Тақырып бойынша
Балабақша меңгерушісі өз кабинетінде парамен ұсталды – видео
Алматыда балабақша тәрбиешісі 6 жылға сотталды
Теміртауда екі жасар сәбиді тұншықтырған балабақша тәрбиешісі сотталды
Бүлдіршінді сорпамен күйдірген балабақша қызметкері жазадан құтылды
Балабақша мен мектепке қабылдауға қатысты өзгерістер жарияланды 
Жолаушылар пойызы

Қазақстанда жолаушылар пойыздары жаңа кестемен жүреді

0
(Жаңартылды 11:58 28.09.2020)
Қазақстандықтар жолаушылар пойыздарының қозғалыс кестесіне қатысты ақпарат алу үшін "105" нөміріне хабарласа алады

НҰР-СҰЛТАН, 28 қыркүйек – Sputnik. "Жолаушылар тасымалы" АҚ қазан айынан бастап кейбір жолаушылар пойызы жиі қатынай бастайтынын хабарлады.

Жүру жиілігі артқан пойыздар:

  • №1/2 "Алматы-2 – Шымкент" пойызы – аптасына 1 реттен 3 ретке дейін, Алматыдан-2 стансасынан 10 қазаннан, ал Шымкенттен 11 қазаннан бастап;
  • №11/12 "Алматы-2 – Шымкент" пойызы – аптасына 2 реттен 4 ретке дейін, Алматыдан-2-ден 13 қазанннан, ал Шымкенттен 14 қазаннан бастап;
  • №31/32 "Алматы-2 – Павлодар" пойызы – күн сайын, Алматы-2-ден 11 қазаннан бастап, Павлодардан 12 қазаннан бастап;
  •  №603/604 "Нұр-Сұлтан Нұрлы жол – Арқалық" пойызы – күн сайын, Нұр-Сұлтаннан 2 қарашадан, ал Арқалықтан 3 қарашадан бастап.

Жолаушылар пойыздарының қозғалыс кестесіне қатысты барлық ақпаратты "105" нөміріне хабарласып білуге болады.

Ұлттық тасымалдаушы жолаушыларды билетті онлайн, соның ішінде ресми Bilet.railways.kz сайты арқылы сатып алуға шақырды. Сондай-ақ, вокзал аумағында және пойыздың ішінде санитарлық талаптарды, әлеуметтік қашықтықты (кемінде 1 метр) сақтауды және бетперде киюді сұрады.

0
Кілт сөздер:
пойыздар, жолаушылар