Қолына кісен салынған сотталушылар

Түркістан облысында 26 экс-полицей сотталып кетті олар қандай қылмыс жасады

2483
Ішкі істер департаментінің бұрынғы қызметкерлері ұйымдасқан қылмыстық топ құрып, 2,7 миллиард теңге шығын келтірген

НҰР-СҰЛТАН, 11 қараша – Sputnik. Түркістан облысында 26 бұрынғы полицей сыбайлас жемқорлық қылмысы үшін сотталды, деп хабарлайды Sputnik Қазақстан сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

"Сыбайлас жемқорлыққа қарсы қызмет Оңтүстік Қазақстан (қазіргі Түркістан облысы) ІІД тіркеу-емтихан бөлімінің бұрынғы бастығы А. Жаппаровқа, мемлекеттік жол инспекторлары бағынатын үш аймақтық және бір қалалық бөлім деңгейдегі ТЕБ басшыларына, облыстық полиция криминалистеріне, сондай-ақ, делдалдарға қатысты сотқа дейінгі тергеу жұмыстарын аяқтады", - делінген хабарламада.

Экс-полицейлер не үшін сотталды

Құқық қорғау органдарының бұрынғы қызметкерлеріне бірнеше айып тағылды: пара алу, пара беру, қылмыстық жолмен алынған мүлікті заңдастыру, қызметтік жалған құжат жасау, оларды сату және пайдалану, қылмыстық ұйым құру, басқару және оған қатысу, жүргізуші куәліктерін заңсыз беру (144 факті), Қазақстан аумағына қосалқы бөлшектер түрінде кіргізілген 353 автокөлікті заңсыз тіркеу.

Тағы оқыңыз: Алматы облысында депутат пен ұлы сотталды

Келтірілген шығынның жалпы сомасы 2,7 миллиард теңгені құрады.

Сот алдына кімдер келді?

Барлығы 38 адам жауапқа тартылды, оның 26-сы – ОҚО ішкі істер департаментінің бұрынғы қызметкерлері.

Қылмыстық іс 1 538 томнан тұрады.

Осы жылдың 11 қарашасында Шымкент қаласының қылмыстық істер жөніндегі мамандандырылған ауданаралық сотының үкімімен А.Жаппаров 11 жылға бас бостандығынан айырылды.

Сайрам, Бәйдібек, Мақтарал аудандарының және Түркістан қаласы тіркеу-емтихан бөлімдерінің бұрынғы басшылары Н.Қуанышбеков, Н.Әбдіғалиев, С.Ағабеков және М.Түрегелдиев әрқайсысы 10 жылға сотталды.

Тағы оқыңыз: Қазақстанда бірнеше полицей бас бостандығынан айырылды

Тіркеу-емтихан бөлімдерінің бұрынғы мемлекеттік жол инспекторлары мен ОҚО ІІД криминалистері, сондай-ақ делдалдар (азаматтық тұлғалар) әртүрлі мерзімге сотталды, кейбірінің бас бостандығы шектелді.

Сотталған лауазымды тұлғалар мемлекеттік қызметте жұмыс істеу құқығынан және арнайы атақтардан өмір бойына айырылды.

2483
Кілт сөздер:
сот, полицейлер, Түркістан облысы
Тақырып бойынша
Сириядан қайтарылған қазақстандықтар сотталып жатыр – видео
Мемлекетке опасыздық жасаған қытайтанушы ғалым 10 жылға сотталып кетті
Солтүстік Қазақстанда медициналық колледж директоры сотталып кетті
Қарағанды тұрғыны 21 мың теңгені аламын деп сотталып кетті
Жұмысшыға аяғын сүйгізіп, әбден қорлаған ханшайым сотталып жатыр – видео
Ер адам әйелінің хатын оқып қойғаннан кейін өмір бойына сотталып кетті
Сауд Арабиясы ханшайымы сантехникке ойына келгенін істегені үшін сотталып жатыр
Жамбыл облысынан қыз алып қашқан түркістандық төрт жігіт сотталып кетті
Талдықорғанда бутик иелері сауда үйін ашуды талап етті

Талдықорғанда 40-қа тарта кәсіпкер билікке талап қойды

318
(Жаңартылды 14:13 08.08.2020)
Әкімдік пен санитарлық-эпидемиологиялық қызмет өкілдері карантиннің күшейтілуіне наразы кәсіпкерлермен кездесті

ТАЛДЫҚОРҒАН, 7 тамыз – Sputnik. Талдықорғанда сауда үйлеріндегі бутиктердің иелері мен жалға алушылар карантинді жеңілдетіп, жұмыс істеуге рұқсат беруді талап етті, деп хабарлайды Sputnik Қазақстан тілшісі.

 40-қа жуық кәсіпкер санитар дәрігердің соңғы шешіміне наразылық білдірді, онда тек құрылыс материалдары мен автокөлік бөлшектерін сататын орындар ғана жұмыс істейтіні айтылған.

"Шаған", "Евразия", "Әлдибек" сауда үйлеріндегі бутиктердің иелері мен жалға алушылар,  Талдықорғандағы Арбат жабық базарындағы саудагерлер пикет ұйымдастырды. Облыстық СЭС басшылары мен қала әкімдігінің өкілдері ашуланған кәсіпкерлермен кездесті. Құқық қорғаушылар қоғамдық тәртіптің сақталуын қадағалады.

Владельцы бутиков требуют открыть торговые дома в Талдыкоргане
© Photo : Жанна Етекбаева
Талдықорғанда бутик иелері сауда үйін ашуды талап етті

"Алматы облысының бас мемлекеттік санитар дәрігерінің міндетін атқарушы Асхат Шарапиев соңғы қабылданған қаулылардың талабын түсіндірді. Жиналғандарға сондай-ақ өңірдегі коронавирус инфекциясына қатысты эпидемиологиялық жағдай туралы түсіндіру жұмыстары жүргізілді", -  деп жазылған облыстық тауарлар мен қызметтердің сапасы мен қауіпсіздігін бақылау департаментінің баспасөз қызметі таратқан хабарламада.

Санитар дәрігердің қаулысына енгізілген өзгертулерге сәйкес, 6 тамыздан бастап барлық азық-түлік және азық-түлік емес базарлар жабылды.

Оқи отырыңыз: Ақорданың маңына жиналған бір топ адам кредиттің кешірілуін талап етті 

Санитар дәрігер түсіндіргендей, нысандардың қожайындары әкімдіктер жанындағы бақылау топтарына сауда орнын ашуға дайын екені туралы өтініш беріп, олар бекіткен актіні алуы керек. Дайындық актісін алған нысандарға карантинді біртіндеп жеңілдету кезінде ғана жұмыс істеуге рұқсат етіледі.

Кездесу барысында қоғамдық тәртіп бұзылған жоқ.

318
Кілт сөздер:
билік, Талдықорған
Тақырып бойынша
Әкімдік жұрттың наразылығын тудырған видеоға түсініктеме берді
Ақтау тұрғындары алаңға шықты - видео
Архивтегі фото

"Жалаңаш кісіні көрдім": Сәтбаевтағы сойқанға қатысты тың дерек шықты   

1912
(Жаңартылды 12:30 08.08.2020)
62 жастағы күдіктінің әйелі, бөлек тұратын балалары мен немерелері бар болып шықты. Қылмыс жасалатын күні әйелі саяжайға кеткен

НҰР-СҰЛТАН, 8 тамыз – Sputnik. Сәтбаевтағы тұрғындар мен полиция арасындағы қақтығыстан кейін ұсталған адамдар саны 19-ға жетті.  

Тергеу амалдарында бұл сан еселеп өсуі мүмкін. Өйткені 24  шілдеге қараған түні қалада ойран салғандардың саны мыңға жуық. Оларға Қылмыстық кодекстің бірнеше бабымен айып тағылған, деп хабарлады КТК.

Айта кетейік, қақтығысқа қалада жоғалған 5 жастағы қыздың ересек көршісінен қорлық көруі себеп болды. Ашынған топ полициядан күдіктіні беруді талап етіп, істің соңы насырға шапқан болатын.

Сәтбаевтағы бүгінгі тіршілік қалыпты. Астан-кестеңі шыққан подъезд де тыныш. Тек сол күнгі оқиғаны тұрғындар көпке дейін ұмыта алмайды. 

Сәтбаевтағы оқиға: полицияның педофилді үйінен қалай алып шыққаны белгілі болды 

Жоғалған бүлдіршінді табуда бейнекамераның көмегі зор болған. Өйткені бейнетаспада қыздың подъезге кірген сәті бар да, шыққаны жоқ. Сондықтан полиция мен еріктілер подъездегі барлық пәтерді тінти бастаған. Күдік тудырғаны – есігін ашпаған бірінші қабаттағы пәтер.

"Адамдар терезеден іште біреу бар екенін байқап қалды. Полиция қызметкерлері есікті сындырып, ішке кірді. Денесін жалаңаштаған кісіні ұстап жатқанын өз көзіммен көріп, камераға түсіріп тұрдым. Сосын ашынған халық терезені шағып, торын жұлып алды. Ішке жастар кіре бастады", - дейді Сәтбаев қаласының тұрғыны Ботагөз Бұшманова.

Қызды ата-анасына беріп, күдіктіні шығармақ болғанда ойран басталған. Ашу-ызыға ерік бергендер пәтерге баса көктеп кірген. Үй алдында азғантай полицейлердің ырқына көнбеген қарақұрым жұрт есік алдындағы мүлікті де талқандауға кірісіпті. Істің насырға шапқанын көрген полицейлер күдіктіге полиция киімін киіндіріп үйден алып кеткен.

"Оны үйден алып шығу қиын болғаннан кейін киімін ауыстырып, қауіпсіздігін қамтамасыз еттік. Содан жиналғандар полиция бөліміне келді. Бақылау пунктін сындырып, тас лақтырып, біраз шығын келтірді", - дейді Сәтбаев қалалық ПБ бастығы Жандос Қарабеков.

Полиция бөлімінің алдында бірнеше қызметтік көлік талқандалып, бір жеңіл көлік пен автобус өртенді. Ғимарат та зақымдалған. Жалпы келген шығын көлемі 60 миллион теңге.

Оқиғадан екі апта өткенде ғана басты күдіктінің пәтерін жақындары жинастырып жүр. Сұхбаттан ат-тонын ала қашты. Белгілісі, 62 жастағы тұрғынның әйелі, бөлек тұратын балалары мен немерелері бар екен. Сол күні оның әйелі саяжайға кетіп, күдікті үйде жалғыз қалған.

Тергеу мәліметінше оған адам ұрлау және зорлау баптары бойынша айып тағылған.  

1912
Кілт сөздер:
полиция, қақтығыс
Тақырып бойынша
Абзал Құспан педофилдер үшін өлім жазасын енгізуге қарсы шықты
Тәртіпсіздіктен кейін Сәтбаев қаласында қазір не болып жатыр – видео
Сәтбаевтағы толқу: бес жасар қыздың ата-анасы үндеу жасады
Оралда 6 жасар қызды алып кетпек болған бейтаныс адам қарсылыққа тап болды – видео
Ақорда

Тоқаев Үндістан халқына көңіл айтты

376
(Жаңартылды 14:09 08.08.2020)
Air India Express әуе компаниясының Boeing 737 ұшағы Керала қаласындағы Кожикоде әуежайына қонып жатқан кезде апатқа ұшырады

НҰР-СҰЛТАН, 8 тамыз – Sputnik. Қазақстан президенті Қасым-Жомарт Тоқаев Үндістан премьер-министрі Нарендра Модиге ұшақ апатына байланысты көңіл айтты, деп хабарлайды Sputnik Қазақстан.

"Керала штатындағы ұшақ апатынан көптеген адамның қаза табуына байланысты Үндістан үкіметіне, халқына және жеке премьер-министр Нарендра Модиге қайғырып көңіл айтамын", - деп жазды президент Twitter-дегі парақшасында. 

Оқи отырыңыз: Bek Air-ді тексерген мамандар "құпия" мәліметтерді жариялады 

Air India Express әуе компаниясының Boeing 737 ұшағы жұма күні Керала қаласындағы Кожикоде әуежайына қонып жатқан кезде апатқа ұшырады. Соңғы мәліметке сәйкес, 17 адам, оның ішінде екі ұшқыш қаза болды. Экипаждың төрт мүшесі аман қалды, деп хабарлады әуе компаниясы.

Дубайдан келе жатқан ұшақ бортында барлығы 190 адам, оның ішінде 10 бала, екі ұшқыш пен төрт экипаж мүшесі болған.

376
Кілт сөздер:
көңіл айту, ұшақ апаты
Тақырып бойынша
Bek Air жолаушыларға билет ақшасын қайтаратын болды
Өскемен маңындағы ұшақ апатына қатысты тың деректер шықты
Bek Air ұшағының апаты: зардап шеккендерге 94 млн теңге берілді
Қарағанды маңындағы апатта зардап шеккен ұшқыштардың жағдайы белгілі болды
Тәуелсіздік жылдарындағы қайғылы оқиғалар – 9 рет аза тұту күні жарияланды