Аттар көрмесі

Текеліде дәмханада атпен қыдырған жігіт қамауға алынды - видео

519
(Жаңартылды 09:36 20.11.2019)
Алматы облысы Текелі қаласындағы дәмханаға бір жігіт атқа мінген күйі кіріп кеткен. Жұртты шошытқан тұрғын тиісті жазасын алды

НҰР-СҰЛТАН, 20 қараша – Sputnik. Тосын жағдай кешкі уақытта, кафеде қонақтар көңіл көтеріп отырғанда болыпты, деп хабарлайды КТК телеарнасы.

Ондағылар атты көріп шошып кеткен екен. Кейбіреулер дәмханаға келген жануарды видеоға түсіруге кірісіпті. Кейін бұл бейнежазбаны полицияға жібереді.

Жедел іздестіру шараларынан соң аттың иесі ұсталды. Атпен дәмханаға кірген 32 жастағы жергілікті тұрғын болып шықты. Жұртты шошытқан ер адам қазір өз әрекеті үшін қамауда отыр.

Тағы оқыңыз: Жылқы құлынды биені өрттен құтқару үшін көк түтінге кіріп кетті – видео

"Ұсталып, полицияға жеткізілді. Бұзақылық ісі бойынша жиналған материал сотқа жолданды. Бұл азамат ұсақ бұзақылық жасағаны үшін сот шешімімен бес күнге қамаққа алынды", - деп хабарлады Алматы облыстық полиция департаментінің ресми өкілі Серік Үпиев.

Тағы оқыңыз: Министрлікте білдей бастық: арам қатқан 46 жылқыны кім ұрлағаны белгілі болды

519
Кілт сөздер:
полиция, ат, дәмхана
Тақырып бойынша
Балабақшадағы балалар есек етін жеп келгені әшкере болды  
Ит жылқымен жағаласып шөп жеп жатыр - күлкілі видео
Ат мініп, желіні шулатқан: министрлік Аян Дүйсенбаевты қызметінен босатуды сұрады
Балапандарын қорғаған қаз жылқыға шабуыл жасады – видео
"300 жылқы ұстадық": Шекарашылар қырғыз кәсіпкерлерінің қулығын әшкереледі 
Дәрігер, архивтегі фото

Павлодар облысының әкімі өңірде дәрігер жетпей жатқанын айтты

15
Бүкіл облыстағы дәрігерлер жұмылдырылды. Әкімдік бұрынғы медицина қызметкерлері мен түлектер арасынан кадр іздеп жатыр

АЛМАТЫ, 7 шілде – Sputnik. Павлодар облысында төрт жүзге тарта медицина қызметкері жетіспейді. Бұл жайында өңір әкімі Әбілқайыр Сқақов мәлімдеді, деп хабарлайды Sputnik Қазақстан тілшісі.

"Үш айда медицина қызметкерлерінің саны 497-ден 2 826-ға дейін өсті. Тағы төрт жүзге жуық адам қажет. Бүкіл облыстағы дәрігерлер жұмылдырылды. Бұрынғы медицина қызметкерлері мен түлектер арасынан кадр іздеп жатырмыз", - деді ол.

Оқи отырыңыз: Министр коронавирустан емделетіндердің басты қателігін атады 

Айтуынша, облыстық денсаулық сақтау басқармасының өтінішіне 103 адам жауап беріп, оның ішінде 17 адам қызметіне кірісті. Тағы 26 адам өз еркімен жұмысқа орналасты. 108 маман басқа медицина ұйымдарынан келді, қосымша тағы 15 адам жұмысқа кіріседі.

"Біз облыс тұрғындарына, бір кездері мамандық ауыстырған бұрынғы медицина қызметкерлеріне тиісті өтініш жасадық. Бұл мәселе шұғыл түрде шешіледі деп ойлаймыз", - дейді облыс әкім.

Сонымен қатар медициналық оқу орнын тәмамдаған түлектерді жұмысқа тарту мәселесі қарастырылып жатқанын айтты.

Айта кетейік, Павлодар облысында коронавируспен күреске 2,8 миллиард теңге бөлінген.

Індет басталғалы аймақта 1 460 адам коронавирус инфекциясын жұқтырды. 532 адам сауығып шықты, 14 адам көз жұмды. Пневмониямен ауыратын 2194 науқас провизорлық стационарларда емделіп жатыр.

Облыста 108 жасанды тыныс алдыру аппараты бар. Тағы 33 аппарат алу жоспарланып отыр.  

15
Кілт сөздер:
дәрігерлер, Павлодар облысы, коронавирус
Тақырып:
Коронавирус эпидемиясы
Тақырып бойынша
28 мың науқас ем алуда: вице-министр пневмониямен ауырғандар туралы айтты
"Кеш қалдыңыздар": дәрігер қазақстандықтардың ең басты қателігін атады
Түркістан облысында желіде видео жариялаған дәрігер қызметтен қуылды
Ер адамның алтыннан жасалған маскасы жұртты таңғалдырды
Желіге видео салып, елді шулатқан түркістандық дәрігердің қызметі өсті
Пышақ, архивтегі сурет

Танымал жазушының немересі әйелінің қолынан мерт болды

4180
(Жаңартылды 14:00 07.07.2020)
Сот үкімімен әйел кінәлі деп танылып, 10 жылға бас бостандығынан айырылды. Ол жазасын қауіпсіздігі орташа мекемеде өтейді

АЛМАТЫ,7 шілде – Sputnik. Қазақстандық жазушы Хамза Есенжановтың немересі Әділхан Есенжанов әйелінің қолынан ажал құшты, деп хабарлады аймақтық "Мой Город" басылымы.

Қайғылы оқиға Оралда 19 қаңтарда болды. Іс материалдарына сүйенсек, ерлі-зайыпты Әділхан мен Әйгерім Есенжановтар арасында қонақтан келген соң жанжал туындаған.

3 шілдеде мамандандырылған ауданаралық қылмыстық сотта қылмыстық кодекстің 99-бабы ("адам өлтіру") бойынша айыпталған 37 жастағы Әйгерім Есенжановаға қатысты үкім шықты. Сот үкімін судья Бақыт Ермаханов жариялады.

"Қонақтан келген соң екеуінің арасында жанжал туындап, Әйгерім Есенжанова күйеуін үйден қуып жіберген. Ертеңіне әйел жұмыстан келген соң күйеуінің үйде екенін көрген. Үйде ерлі-зайыптының екі қызы және Әйгерімнің анасы мен әпкесі болған. Әйел күйеуіне айқайлап, ұра бастаған. Тістеп, ыдыс лақтырған, өлтіретінін айтып қорқытқан", - деді Бақыт Ермаханов.

Судьяның айтуынша, әйелінің бұл әрекетіне марқұм Әділхан Есенжанов сабырлық танытып, ашуын баспақ болады.

"Соған қарамастан, әйел үстел үстінде тұрған екі пышақты алып, біреуімен ер адамның мойнына соққы жасаған. Соққыдан ер адамның күретамыры зақымдалып, оқиға орнында көз жұмды", - деді судья.

Судья осыдан кейін Әйгерім Есенжанованың пышақтарды тастап, жалаңаяқ көшеге жүгіріп шыққанын айтты. Алайда оны полиция қызметкерлері ұстаған. 

Сот барысында әйел күйеуін өлтіргісі келмегенін, Есенжанов оны тұншықтырғанын, сол себепті қорғануы қажет болғанын айтты.

"Сотта Әйгерім Есенжанованың қылмысты қасақана жасағаны толық дәлелденді. Заңды өкілінің қатысуымен олардың 16 жастағы қызы әкесінің анасына қол көтермегенін, қорқытпағанын айтты. Басқа да куәгерлер Әділхан Есенжановтың сабырлы, дауды ұнатпайтын, жұмсақ мінезді адам болғанын, ешқашан жауапкершілікке тартылмағанын растады", - деді судья.

Ал куәгерлердің айтуынша, Әйгерім өте пысық әйел болған, алайда соңғы екі жылда ішімдік ішіп, жанжал шығара бастаған.

"Ұстау кезінде де ол қарсылық білдіріп, полиция қызметкерімен төбелесіп, біреуінің киімін жыртты", - деді үкімді оқыған судья.

Сот үкімімен Әйгерім Есенжанова кісі өлтіргені үшін кінәлі деп танылып, 10 жылға бас бостандығынан айырылды. Ол жазасын қауіпсіздігі орташа мекемеде өтейді. Кәмелетке толмаған қыздары Әділхан Есенжанов туыстарының қолында тәрбиеленеді. Олар қамқоршылықты рәсімдеді.

 

4180
Кілт сөздер:
адам өлтіру, әйел, немере, жазушы
Тақырып бойынша
Шымкентте қандықол қылмыскер бір үйдің төрт бірдей адамын не үшін өлтірді 
Ер адам қызы мен күйеу баласын өлтірді - жантүршігерлік қылмыстың мән-жайы
Намыстанған ер адам туған қарындасын өлтірді - видео
Ресейде ер адам бүтін бір отбасын өлтірді: оқиға орнында түсірілген видео
Нұр-Сұлтанда адвокат адам өлтірді деген күдікпен қамауға алынды
Архивтегі фото

Ресей Қазақстанға коронавируспен күресу үшін 2 миллион доллар бөлді

0
Ресей Федерациясы үкіметінің резервінен бөлінген қаражатқа дәрі-дәрмектер мен медициналық мақсаттағы бұйымдар сатып алынып, Қазақстанға жеткізіледі

НҰР-СҰЛТАН, 7 шілде – Sputnik. Ресей үкіметі жаңа коронавирус инфекциясымен күресуге Қазақстанға гуманитарлық көмек ретінде 150 миллионнан астам рубль немесе 2,079 миллион доллар бөлді. Қаулы құқықтық ақпараттың ресми интернет-порталында жарияланды.

"2020 жылдың шілдесінде Қазақстан Республикасының халқына жаңа коронавирус инфекциясымен күресуге шұғыл гуманитарлық көмек көрсету мақсатында: РФ үкіметінің резерв қорынан 2020 жылы 150 миллион рубль көлемінде бюджет қаражаты бөлінсін", - делінген ел премьер-министрі Михаил Мишустин қол қойған қаулыда.  

Қаражат дәрі-дәрмек, жеке қорғаныс құралдары мен медициналық мақсаттағы бұйымдарды сатып алуға жұмсалады.

Ресейдің төтенше жағдайлар министрлігіне дәрі-дәрмектерді, жеке қорғаныс құралдары мен медициналық мақсаттағы бұйымдарды сатып алу және Қазақстанға жеткізу тапсырылды. Сондай-ақ бөлінген қаражаттың мақсатты жұмсалуын бақылап, 2021 жылдың 1 ақпанына дейін есеп береді.

Сыртқы істер министрлігі гуманитарлық көмекті жеткізуге және тапсыруға көмек көрсетеді.

Оқи отырыңыз: Қазақстанға келген ресейлік дәрігерлер қай өңірлерге жіберілетіні айтылды

Бұған дейін Ресей денсаулық сақтау министрінің орынбасары Олег Гриднев бастаған 32 жетекші маманнан тұратын делегация Мәскеуден Қазақстанға келгені хабарланған болатын. Олардың арасында жұқпалы аурулар жөніндегі мамандар, реаниматологтар, анестезиолог-реаниматологтар, эпидемиологтар, пульмонологтар бар.  

0
Кілт сөздер:
Қазақстан, Ресей, коронавирус
Тақырып:
Коронавирус эпидемиясы
Тақырып бойынша
Нұр-Сұлтанда күн сайын 300 адам пневмониямен ауруханаға жатқызылады
Нұр-Сұлтан әкімдігі пандемия кезіндегі отшашуды түсіндірді
"Ненің құрметіне?!": Димаш шенеуніктерге неге шүйлікті
Павлодар облысының әкімі өңірде дәрігер жетпей жатқанын айтты
"Қоңыраулар саны азайды" – Алтай Көлгінов карантиннің пайдасы туралы